1 John 4:18 - Bible Ni Thothup

¹⁸ Ra ba t’uf Got nge girdi’ rok be’ ma der rus fa’anem; ya rogon ni nge t’uf Got nge girdi’ rok be’ e ra yan i aw ngarogon ma ra chuweg urngin e marus rok fa’anem. Ere fa’anra be rus be’, ma rogon ni nge t’uf Got rok nge girdi’ e dawori yan i aw ngarogon, ya marus e bay rogon ko gechig.

1 John 4:18 Referans Kwoze

2 Timothy 1:7

Ya Kan Nthothup nike pi’ Got ngodad e dar ma ngongliydad ni ngad rusgad; machane Kan Nthothup rok e ma pi’ gelngidad, mma fal’egdad nge t’uf Got rodad nge girdi’, mma pi’ gelngidad nge yag nda t’ared lanin’dad.

Roma 8:15

Ya fare Kan Nthothup nike pi’ Got ngomed e der ma taymed ni gimed e sib ko denen ngu’um pired ni gimed be rus; ya re Kan Nthothup nem e ma ngongliymed ngam manged pifak Got, ma gelngin e Kan Nthothup e gadad ma non riy ngak Got nma lungudad, “Chitamag! Chitamag!”

1 John 4:12

Dariy be’ ni ka’a guy Got; ma fa’anra bagadad ma ba t’uf rok bagadad, ma aram e be par Got u fithik’dad, ma rogon ni gadad ba t’uf rok nike af ngodad e ke ilal u fithik’dad ke yan i aw ngarogon ni kari fel’.

Hebrews 12:28

Ere ngad pininged e magaer ngak Got u lanin’dad ni fan e ke yag ngodad e gagiyeg rok Got ndabiyag ni nge rur. Ere ngad pininged e magaer ngak Got ma gadad liyor nge meybil ngak u fithik’ e tayfan nge mudugdag nrogon kanawo’en nra m’agan’ ngay;

James 2:19

Mog, mmich u wun’um nri ta’reb e Got ni bay? Bfel’! Ku errogon e pi mo’onyan’ nib mich u wun’rad — ma yad ma da’da’ ko marus.

Psalms 119:120

Gu be rus ni bocham; ma ke sug nigeg e marus ni bochan e pufthin rom.

Psalms 73:19

Nthang owcherad u lan ta’ab talab; wenegan ni yib ngorad ko tomur e gafgow nib gel!

BABYOR NI JOB 15:21

Bayi rung’ag lungun e morus ni be gogo’ ngalan tel, me og e moro’ro’ ngak ko ngiyal’ ni be leamnag ndariy ban’en nra buch rok.

Matthew 9:34

Machane me ga’ar e pi Farise, “En ni pilungen e mo’onyan’ e ke pi’ gelngin ni nge yag ni nge tuluf e pi mo’onyan’.”