1 John 3:23 - Bible Ni Thothup

²³ Ba’aray e tin ni yog ni ngad rin’ed: ni aram e nge pagan’dad nga fithingan Fak ni Jesus Kristus me bagadad me t’uf rok bagadad, ni bod rogon ni yog Kristus ngodad ni ngu’ud rin’ed.

1 John 3:23 Referans Kwoze

John 13:34

Nggu pi’ reb e motochiyel nib be’ech ngomed, nge bigimed me t’uf bigimed rok. Rogon ni um pired ni gimed ba t’uf rog, e aram rogon nthingar um pired nra bigimed ma ba t’uf rok bigimed.

1 Peter 1:22

Me ere chiney e kam machalbog niged gimed ni fan e kam folgad ko tin nib riyul’, ma gimed be par nrib t’uf romed e pi’in ni gimed nike mich Kristus u wun’rad ni bod gimed, mra bigimed ma ngari t’uf rok bigimed u polo’ i laniyan’.

John 15:12

Ba’aray e n’en ni nggu ning chiylen ngomed: nge bigimed me t’uf bigimed rok, ni bod rogon ni gimed ba t’uf rog.

John 6:29

Me fulweg Jesus ngorad ni ga’ar, “Ba’aray e ren’en ni ba’adag Got ni ngam rin’ed: nge mich u wun’med e en nike l’oeg ke yib.”

1 Peter 4:8

Ma ren’en ni ir e th’abi ga’ fan u fithik’ urngin ban’en e ngari bigimed me t’uf rok bigimed, ya rogon nib t’uf be’ rok be’ e ra upunguy bo’or e denen.

1 John 3:11

Ya thin rok Got ni kam rung’aged ko tabolngin e ba’aray rogon: thingari bagadad me t’uf rok bagadad.

1 John 4:21

Ere ba’aray e n’en ni yog Kristus ni ngad rin’ed ni ga’ar: en nib t’uf Got rok e ku errogon nthingari t’uf rok walagen ni girdi’en Kristus.

1 Thessalonika 4:9

Dakuriy fan ni nggu yoloy nggu pi’ ngomed rogon ni nge bigimed mi i par nib t’uf rok e pi’in ke mich Jesus u wun’rad ni bod gimed. Ya ke fil Got rogon ngomed ni ngu’um pired nib t’uf bigimed rok bigimed.

Efesus 5:2

T’ufeg e thangri mang ir e i gagiyegnag e ngongol romed, ni bod rogon Kristus ni gadad ba t’uf rok me pi’ e pogofan rok ni bochdad, nike mang maligach ni bfel’ bon u daken e altar ni ir e mm’agan’ Got ngay.

Mark 9:7

Me yib i m’ug bangi manileng nge tagalul’ nagrad, me yib ba lam u fithik’ fa gi manileng ni ga’ar, “Ireray Fakag nrib t’uf rog, ere mu telmed ngak!”

Matthew 22:39

Ma bin migid ngay e motochiyel ni ku ba ga’fan e bod e biney, ni ga’ar, ‘Gin’en ni ga bay riy ma thangri t’uf rom e en ni buguliyoror rom ni gowe gur.’

Acts 16:31

Me lungurow ngak, “Nge mich u wun’um Somol Jesus, ma aram e kam thap ngak Got — ni gur nge girdi’ nu tabinaw rom.”

John 17:3

Ba’aray ara’ e yafos ndariy n’umngin nap’an: ni aram e nge nangem e girdi’ ni kari mmus ni gur e bin riyul’ e Got, miyad nang ko mini’ Jesus Kristus, ni ir e kam l’oeg ke yib.

John 14:1

Me ga’ar Jesus ngorad, “Dabi magafan’med ma dabi wagagey lanin’med. Nge mich Got u wun’med, mu kug mich u wun’med.

Psalms 2:12

mi gimed siro’ ngak; ya ra danga’ ma ra puw e damumuw rok, mi gimed yim’ nib tomgin. Ba felan’ urngin e pi’in yad ma yan ngak SOMOL ni nge yororiyrad!

1 Timothy 1:15

Re bugithin ni ba’aray e rib riyul’, ma ngari mich u wun’uy me pagan’uy ngay: ni Kristus Jesus e yib ngaray nga fayleng ni nge thapeg e pi tadenen ngak Got. Me gag e th’abi kireb u fithik’rad,

John 1:12

Machane boch i yad e ra adaged nike yib ngorad me mich u wun’rad ko ir mini’; ma aram me pi’ mat’awrad ni kar manged pifak Got.

John 2:23

Nap’an ni bay Jesus u lan e binaw nu Jerusalem ko madnom ni Paluk’af, ma bo’or e girdi’ ni mich Jesus u wun’rad nnap’an nra guyed e pi maang’ang ni ngongliy.

John 3:18

En nra michan’ ngak e en ni Fak Got e dab kun turguy e gechig rok; ma en ni dabi michan’ ngak e kem’ay i turguy e gechig rok, ni bochan e de michan’ ngak Fak Got ni kari maagirag rok.

1 John 2:7

Gimed e pi tafager rog ni gimed ba t’uf rog, re motochiyel ney ni kug yoloy murung’agen ngomed e gathi bbe’ech; ya ka fare motochiyel ni kakrom ni ka fa binem ni immoy romed ko tabolngin. Fa bin kakrom e motochiyel e aram fare thin nni pi’ nge yib ni yigo’ kam rung’aged.

1 John 4:15

En nra weliy ni Jesus e Fak Got e aram e be par Got u fithik’ fa’anem, ma fa’anem e be par u fithik’ Got.

1 John 5:13

Kug yoloy e re bugithin ney ni ngeb ngomed ni bochan e ngam nanged nike yag e yafos ndariy n’umngin nap’an ngomed — ni gimed e pi’in ke michan’med nga fithingan e en ni Fak Got.