1 John 3:22 - Bible Ni Thothup

²² Demturug e n’en ni gadad ra ning ngak mma pi’ ngodad, ni bochan e gadad be fol ko tin keyog ngodad ma gadad be rin’ e tin nib m’agan’ ngay.

1 John 3:22 Referans Kwoze

John 15:7

Fa’anra mpired u fithik’ag, me par e thin rog u fithik’ i lanin’med, ma aram e gimed ra ning e tin ni gimed ba’adag, min pi’ ngomed.

John 9:31

Gadad manang ni Got e dar ma motoyil ngak e pi’in yad ba tadenen; ya ma motoyil ngak e pi’in yad ma tayfan ma yad ma rin’ e tin ni ba’adag ni ngar rin’ed.

Matthew 21:22

Fa’anra bmich Got u wun’med ma demturug e n’en ni gimed ra ning ngak ko meybil romed mrayag ngomed.”

1 John 5:14

Aram fan nib pagan’dad u p’eowchen Got; bmuduwgil u wun’dad nra rung’ag e tin ni gadad be yog ni fa’an gadad ra ning ban’en ngak ni ban’en nib m’agan’ ngay.

Mark 11:24

Aram fan ni gu be yog ngomed, ni ngiyal’ ni gimed ra meybil ni kam ninged ban’en ni ngan pi’ ngomed, me pagan’med ngay nike yag ngomed, ma aram e urngin fa pin’em ni yira pi’ ngomed.

John 14:13

Ma gu ra rin’ e pin’en ni gimed ra ning nga fithingag; ya ngan tayfan e en ni Chitamangiy u daken e en ni Fak.

Proverbs 15:29

Nap’an nra meybil e girdi’ ni bfel’ me motoyil SOMOL, machane ma sabalbalyang ko pi’in kireb.

Psalms 34:4

Gu meybil ngak SOMOL me fulweg taban e meybil rog; i chuweg urngin e marus rog.

James 1:5

Machane fa’anra dariy e gonop rok bigimed, ma nge wenignag ngak Got, ye ir e ra pi’ ngak; yi Got e ba gol ngak urngin e girdi’.

John 8:29

Ma en nike l’oegeg ku gub e bay rog; ya dawori pageg nggu par ni go’ gag, ya gubin ngiyal’ ma gu be rin’ e tin nib m’agan’ ngay.”

Kolose 1:10

Ma aram me yag ni um ngongolgad nrogon ni ba’adag Somol, mu um rin’ed e tin nib magan’ ngay ni gubin ngiyal’. Me yib wom’ngin i pangimed u fithik’ urngin mit e maruwel ni bfel’, ma gimed be nang rogon Got i yan nge tin ni ba’adag.

Jeremiah 33:3

“Mu piningeg mu gu fulweg lungum; gu ra yog ngom boch ban’en nib manigil ma bfel’ ni damnang murung’agen.

James 5:16

Ere um weliyed ngomed e denen ni kam ngongliyed, me bigimed me pi’ e meybil rok bigimed ngak Got, nge yag ni gol nagmed Got. Meybil rok be’ nib mat’aw e bay angin ni ba ga’.

Psalms 50:15

Mu piningedgag ko ngiyal’ nra yib e oloboch; mu gu lufmed riy, ma bay mu pininged e sorok ngog.”

Hebrews 13:21

I Got ni ir e Got ko gapas e nge pi’ ngomed urngin e tin ni bfel’ ni nge yag ngomed nge yag ni mu rin’ed e tin nib m’agan’ ngay, me rin’ u fithik’ i lanin’dad e tin ni ir e bm’agan’ ngay, ni nge rin’ u daken Jesus Kristus. Mi Kristus e ngad ted fan e chiney i yan ngam’on ndariy n’umngin nap’an! Amen.

John 6:29

Me fulweg Jesus ngorad ni ga’ar, “Ba’aray e ren’en ni ba’adag Got ni ngam rin’ed: nge mich u wun’med e en nike l’oeg ke yib.”

Filippi 4:18

Urngin e tin ni mpi’ed nge yib ngog e ke thap ngog — ma ke gaman ke pag urngin! Ke fek Epafroditus i yib ngog urngin e tow’ath rog ni mpi’ed ngak, ni aram e kefel’ rogog u urngin e tin ug gafgow riy. Pi tow’ath ney e bod e n’en ni bfel’ bon ni yima pi’ ngak Got ni ba maligach ni ba’adag Got ma bfel’ u wan’.

Acts 17:30

I Got e ke n’ag fan u wan’ e yu ngiyal’ ni ba’aram nde nang e girdi’ murung’agen riy, machane chiney e be yog ngak e girdi’ u gubin yang ni ngar pi’ed keru’rad ko kireb ni yad be rin’.

John 15:10

Fa’an gimed ra fol ko tin kug ning chiylen ngomed, ma gimed ra par ni gimed ba t’uf rog, ni bod rogon ni kug fol ko tin ni ning e Chitamag chiylen ngog gu be par ni ku gub t’uf rok.

Matthew 17:5

Ma nap’an ni be non me yib bangi manileng nib galgal ram’en nga dakenrad, me non ba lam u fithik’ fa gi manileng ni ga’ar, “Ireray Fakag nrib t’uf rog, ni kari felan’ug ngak — ere mu telmed ngak!”

Isaiah 1:15

“Gimed ra pug pa’med ngalang ngam meybilgad ngog ma dab gu sap ngomed. Demturug gelngin e meybil ni gimed ra tay ma dab gu telig ngomed, ya ba sug e racha’ u pa’med.

Proverbs 28:9

Fa’anra damur fol ko motochiyel, ma Got e ra dabuy ni nge motoyil ko pi meybil rom.

Psalms 10:17

SOMOL, bay mmotoyil ko meybil rok e pi’in ba sobut’; bay mpi’ e athamgil nga lanin’rad.

Acts 20:21

Ma ri ta’reb rogon piyu Israel nge pi’in gathi yad piyu Israel nri gu ta’chiylen ngorad ni ngar pi’ed keru’rad ko denen ni yad be ngongliy ngar sapgad ngak Got, me mich e Somol rodad ni Jesus u wun’rad.

BABYOR NI JOB 22:26

Ma aram mu’um par ni gubin ngiyal’ nib pagan’um ngak Got, ma ga pir’eg ni ir kenggin e felfelan’ ngom.

James 4:3

Ma fa’an gimed ra ning ngak ma der pi’ ngomed ni bochan e ba kireb e tin ni gimed be finey ngay; ma gimed be ning bogi n’en ngak ni ngam fanayed ko tin nib kireb ni ir e gimed be yim’ ni bochan.

1 John 2:3

Fa’an gadad ra fol ko tin ke yog Got ngodad ni ngad rin’ed, ma aram e ke muduwgil u wun’dad ni kadnanged ir.