1 John 3:20 - Bible Ni Thothup

²⁰ Ya fa’anra yog lanin’dad ngodad ni gadad ba kireb, ma kadnanged ni Got e ka ba ga’ nga lanin’dad, ni gubin ban’en ma manang.

1 John 3:20 Referans Kwoze

Jeremiah 17:10

I Gag SOMOL e gu ma wurgiy lanin’uy gu ma sikengnag gumircha’en e girdi’. Rogon e par rok bagyad e aram rogon labgen ni gu ra pi’ ngak, nib paluw nga rogon e ngongol rorad.”

Hebrews 4:13

Dariy ban’en nrayag ni ngan mithag rok Got. Ya urngin ban’en ni kem’ay i sunumeg rok e be par u p’eowchen ndariy e upong u daken; mi ir e ri gadad ra weliy e pin’en ni ud rin’ed ngak.

1 Korinth 4:4

Dariy ban’en nib kireb ni be yib i magawonnag lanin’ug, machane gathi ir e kemang mich riy nri gub yal’uw. I Somol e ir e bay pufthin nigeg.

1 John 4:4

Machane gimed, pifakag, e bmil famed ngak Got, ma kam gelgad ko fapi profet ni go’ bogi ban’en; ya fare Kan Nthothup ni bay u fithik’med e kab gel ngak fare kan ni bay u fithik’ e pi’in nib mil farad ngaray nga fayleng.

Jeremiah 23:24

Dariy bang nrayag ni nge mith be’ ngay nge dab gguy. Mogned, da mu nanged ni gu bay u gubin yang u tharmiy ngu but’?

BABYOR NI JOB 33:12

Machane, nggog ngom o Job, ni gur e ga be oloboch. Ya Got e ba ga’ ngak urngin e girdi’.

John 21:17

Me ga’ar Jesus ngak ko yay ndalip, “Simon, ni fak John gur, gub t’uf rom?” Me taganan’ Peter ni bochan e ke gaman e dalip yay nike fith Jesus ngak e re bugithin ney ni ga’ar, “Gub t’uf rom?” Me ga’ar Peter ngak, “Somol, ga manang urngin ban’en; ga manang ni gab t’uf rog!” Me ga’ar Jesus ngak, “Mu gafaliy e saf rog.

Revelation 2:23

Ma bay kug li’ pifak ngarm’ad, ma aram e urngin girdi’en e pi galesiya ma bay ra nanged ni gag fa’anem ni ir e manang laniyan’ e girdi’ nge tin ni be athpeg e girdi’. Ma bayi bigimed mu gu pi’ puluwon nib m’ag nga rogon e ngongol rok.

Psalms 90:8

Kam tay e denen romad nga p’eowchem, pi denen romad nib mith e ka mu tay ko gin ga ra guy riy.

Titus 3:11

Ya ga manang ni mit i girdi’ nem e ba kireb, ma denen ni be ngongliy e ir e be micheg ngak ni ir e ba kireb.

BABYOR NI JOB 27:6

Dariy e ngiyal’ ni gu ra pag i yog ni gub mat’aw; ya mmich u wun’ug ni gu bfel’.

John 8:9

Ma nap’an nrung’aged e re bugithin ney ni yog, ma yad gubin nranod ndaki aw ta’a bagayad, nranod ni bayi n’en me yan be’ me ta’aboch miki yan bagayad, ni pi’in pi’ilal u fithik’rad e yad bm’on. Mi ni pag Jesus, ma fare pin e ka yugu bay nib sak’iy u rom.

Hebrews 6:13

Fa’ani yog Got ngak Abraham e tin ni bayi pi’ ngak, me micheg ngak Abraham nra rin’ e tin keyog ni nge rin’. Ma dariy be’ ni kabay ngabang nib tolang ngak, me mang fithingan e ir e mow nge micheg ngay ko ngiyal’ ni yog e tin nra rin’.

Acts 5:33

Ma fa’ani rung’ag girdi’en fare ulung e re bugithin ney me ri gel e damumuw ngorad, miyad duwgiliy ni ngan thang e pogofan rok fapi apostel.

Roma 8:34

Gur rayag rok be’ ni nge turguy e gechig rorad? Kristus Jesus e gathi kemus ni yim’ ni fan ngodad, ya ku ni faseg ko yam’ ke yan i par nga ba’ ni mat’aw rok Got. Be wenig nagdad ngak Got!

1 John 3:19

Ireray rogon ma gadad nang ni gadad bmu’un ko tin riyul’. Ireray rogon me pagan’dad u p’eowchen Got.

1 John 3:21

Pi tafager rog, fa’anra dabi yog lanin’dad ngodad ni gadad ba kireb ma ba pagan’dad u p’eowchen Got.