1 John 3:17 - Bible Ni Thothup

¹⁷ Fa’anra bo’or ban’en rok be’ ma be guy be’ ni walagen ni girdi’en Kristus nike gafgow nthingari yag ban’en ngak, me fek owchen rok, mra di’in me ga’ar e ba t’uf Got rok?

1 John 3:17 Referans Kwoze

Hebrews 13:16

Dab mpaged talin ni ngam rin’ed e tin ni bfel’ ni nge bigimed mi i ayuweg bigimed, ya ireray e pi maligach nib m’agan’ Got ngay.

1 John 4:20

Fa’anra ga’ar be’, “Ba t’uf Got rog”, machane be fanenikay walagen ni girdi’en Kristus, ma be lifith l’ugun. Ya dabiyag ni nge t’uf Got rok, ni be’ nder guy ni fa’anra de t’uf rok walagen ni girdi’en Kristus ni be’ ni be guy.

Luke 3:11

Me fulweg ni ga’ar, “Cha’ ni l’agruw kenggin e mad rok e thangri pi’ ba kaen ngak e cha’ ndariy kenggin e mad rok, ma cha’ ni bay e ggan rok e thangri pi’ boch ngak e en ndariy rok.”

Proverbs 19:17

Ga ra pi’ ban’en ngak e gafgow, ma bod ni SOMOL e ka mu pi’ ngak, ra sulweg SOMOL puluwon ngom.

James 2:15

Susun e errogon ma bay pi walagey ni girdi’en Kristus ni pumo’on ara ppin ni kar gafgowgad ko mad ma de gaman e ggan rorad.

Proverbs 28:9

Fa’anra damur fol ko motochiyel, ma Got e ra dabuy ni nge motoyil ko pi meybil rom.

2 Korinth 8:9

Ya gimed manang rogon ni runguydad e Somol rodad i Jesus Kristus ni ba’aray rogon: aram rogon feni fla’ab, me pag ir nge gafgow ni fan ngomed, ni fan e nge yagnag e fla’ab ngomed u daken e gafgow nike tay.

1 John 5:1

En nra mich u wan’ ni Jesus e ir fare Messiah e kemang be’ ni fak Got; en nib t’uf be’ nib matam rok e ku ba t’uf rok e en ni fak fare matam.

Proverbs 12:10

Girdi’ nib mat’aw e ma chothowliy e gamanman rok, ma pi’in kireb e yad ma gafgownag e tirorad e gamanman.

Proverbs 14:31

Fa’an ga ra gafgownag e girdi’ ni dariy ban’en rok, ma ga be togopluw ngak fare Got ni sunmegrad, machane ga ra gol ngak e pi’in ndariy ban’en rorad ma aram ngonglen e liyor.

Proverbs 21:13

Fa’anra dab mu mmotoyil ko meyor ko pi’in gafgow, ma birom e meyor ni man ayuw e dab ni rung’ag.

James 2:16

Ere mang e ra fel’ riy ngorad ni fa’anra lungum ngorad, “Nge ayuwegmed Got! Mpired ni dabi yib e ulum ngomed ma bfel’ rogomed ko abich!” — ni fa’anra da mpi’ ngorad e tin ni nge yog ngorad?