1 John 2:28 - Bible Ni Thothup

²⁸ Er rogon, pifakag, mpired u fithik’ Kristus, nge dab da tamdaggad ko ngiyal’ nra yib i m’ug riy me siy da mithgad rok ni bochan e tamra’ rodad ngak ko fare Rran nra yib riy.

1 John 2:28 Referans Kwoze

1 John 4:17

Ba’aray fan ni rogon nib t’uf Got rodad nge girdi’ e nge yan i aw ngarogon u fithik’dad, ni fan e ngari pagan’dad ko Chirofen ni bayi pufthinnag Got e girdi’ riy, ni bochan e gadad be par u roy u fayleng ni bod ir.

Mark 8:38

Ere fa’anra tamra’ be’ ni bochag nge n’en ni gu be fil ngak e girdi’ ko ngiyal’ney ndakir mich Got u wan’ e girdi’ ma yad be rin’ urngin mit e kireb, e ku ra tamra’ e en ni Fak e Girdi’ ngak ko ngiyal’ nra yib riy ni yad e pi engel rok Got ni be galgal ram’en ni bod e Chitamngin.”

1 John 3:2

Pi tafager rog ni gimed ba t’uf rog, chiney e gadad pifak Got, machane dawori tamilangan’dad u rogodad ni bay darod da pired. Machane ba’aray e tin gadad manang: nap’an nra yib i m’ug Kristus ma gadad ra bod ir, ya bay da guyed ir nrogon.

1 John 3:21

Pi tafager rog, fa’anra dabi yog lanin’dad ngodad ni gadad ba kireb ma ba pagan’dad u p’eowchen Got.

Kolose 3:4

Bin riyul’ e yafos romed e aram Kristus, ma ngiyal’ ni bay sul riy nge yib i m’ug, e ku er rogomed ni bay mu uned ngak ngambad mm’uggad u ta’bang mi gimed un ko fla’ab rok!

1 John 2:1

Kug yoloy e ren’ey ngomed, pifakag, ni fan e nge dab mu denengad; ma fa’anra chey ni denen be’, ma bay Jesus Kristus, ni be’ nib mat’aw, nma wenig nagdad ngak e en ni Chitamangiy.

1 Thessalonika 3:13

Fa’anra um pired ni aray rogomed mra pi’ Got gelingmed, ngam machalboggad mi gimed thothup u p’eowchen e Got rodad nge Chitamngidad ko ngiyal’ nra sul e Somol rodad i Jesus riy nike un urngin e girdi’ rok ngak.

Malaki 3:2

Machane mini’ e rayag rok ni nge lubeg e re rran nem ni bay yib riy? Mini’ e rayag rok ni nge par nib fos ko ngiyal’ nra yib i m’ug? Ir e bod rogon ba soap nib gel, fa bod e nifiy nma ranran nag e wasey nge chuweg e chabung u fithik’.

1 John 5:14

Aram fan nib pagan’dad u p’eowchen Got; bmuduwgil u wun’dad nra rung’ag e tin ni gadad be yog ni fa’an gadad ra ning ban’en ngak ni ban’en nib m’agan’ ngay.

1 Peter 5:4

Ya nge yib i m’ug e Cha’ ni ir Pilungen e pi’in yad ma gafaliy e saf me yag ngomed fare te’eliyaw ko fla’ab ni dabi math ram’en bi’id.

Revelation 1:7

Mu sapgad, bay yib ngodad u daken e manileng! Ma gubin e girdi’ ni bay ra guyed, nib mu’un e pi’in nra kurfed p’eyon ngay. Ma urngin girdi’en e pi nam nu roy u fayleng e bay ra yorgad ni ba ga’ lamrad ni bochan. Rib muduwgil ni aray rogon! Amen.

Hebrews 9:28

Ere aram rogon ni Kristus e ku ni pi’ ni maligach nri ta’ab yay ni nge chuweg e denen rok bo’or e girdi’. Ma bayi yib i m’ug ko yay ni nge man e l’agruw yay ngay, ni gathi fan ko denen, machane bochan e nge thapeg ngak Got e pi’in yad be sonnag.

1 Thessalonika 2:19

Ya bin riyul’ riy e gimed e pagan’ nge felfelan’ romad nge tapgin ni nggu felfelan’gad ko gel ni kug ted, ni aram e nggu felfelan’gad u p’eowchen Somol ko ngiyal’ ni bayi sul riy.

1 Korinth 1:7

ma urngin e tow’ath nma pi’ Got e go’ ke pi’ ngomed, ma gimed be sonnag e Somol rodad i Jesus Kristus ni nge yib i m’ug.

Roma 9:33

ni ir e be weliy e babyor nib thothup murung’agen ni be ga’ar: “Mu guyed, kug tay ngalan yu Zion ba malang ni bay i tun ay e girdi’ ngay, ba war ni ngar dol’gad ngay. Machane en nra michan’ ngak e dabi m’ingan’.”

Titus 2:13

ma gadad be sonnag fare Rran ni bfel’ ni ir e ke l’agan’dad ngay, ni aram e Rofen ni bay yib i m’ug e fla’ab rok e Got rodad riy ni ir e th’abi tolang ni er Jesus Kristus ni ir e ma thapegdad ngak Got.

2 Timothy 4:8

Me ere chiney e be son nigeg puluwog ko gel ni kug tay, ni aram fare te’eliyaw ko mat’aw ni ir e bayi pi’ fare Tapufthin nib mat’aw i Somol ngog e Chirofen nem — ni gathi go’ gag, ya bayi pi’ ngak urngin e pi’in nib t’uf Somol rorad ma yad be sonnag ni nge yib i m’ug.

1 Timothy 6:14

Mu fol ko tin ka ni midilnag ngom ngam tay nib machalbog ma dariy thibngin nge yan i mada’ ko Chirofen ni bay yib i m’ug e Somol rodad i Jesus Kristus riy.

1 Thessalonika 5:23

I Got nma pi’ e gapas nga lanin’dad e nge ngongliymed ngari mpired ni kam manged girdi’en, me ta’ lanin’med, nge nangan’ romed, nge dowmed nib gilaf nga orel rok urngin e kireb nge yan i mada’ ko chirofen ni bayi sul e Somol rodad i Jesus Kristus riy.

1 Korinth 15:23

nib yaram nike tay Got: ni Kristus e som’on ni ngan faseg ko yam’; me migid e pi’in girdi’en Kristus ko ngiyal’ ni bayi sul Kristus riy.

Malaki 4:5

“Machane u m’on ndawori taw e re rran nem rok SOMOL, ni aram fare rran ni ba ga’ ma ba gel e gafgow riy, e bay gu l’oeg fare profet i Elijah nge yib ngomed.

Isaiah 25:9

Nap’an nra yodrom, ma gubin e girdi’ ni bayi ga’ar, “Ir e Got rodad! Kad ted e pagan’ rodad nga daken, ma ke aywegdad ni de buch ban’en rodad. I ir e SOMOL! Kad ted e pagan’ rodad nga daken, ma chiney e kad felfelan’gad ma kad ufgad ni bochan e ke ayuwegdad.”

1 Peter 1:7

Fan e pi gafgow ney e nge micheg nriyul’ nib mich Got u wun’med. Mus ko gol ni ban’en nrayag ni ngan kirebnag ma yima sikengnag ko nifiy; ere ku errogon e michan’ romed ngak Got, ni ban’en ni kab tolang puluwon ko gol, e ku errogon nthingar ni sikengnag, ni fan e nge yag ni par. Ma aram e ranog e sorok ngomed, me yag e fla’ab ngomed min tay famed ko fare Rran nra yib i m’ug Jesus Kristus riy.

Isaiah 45:17

Machane SOMOL e ke chuweg yu Israel u pa’ e to’ogor rok, ma felfelan’ rok yu Israel nike gel e bayi par ni dariy n’umngin nap’an; ma girdi’ rok e dab kun darifan nagrad.’”

Matthew 16:27

Ya en ni Fak e Girdi’ e bay yib ni yad e pi engel rok ni be galgal ram’en ni bod e Chitamngin, me pi’ puluwon urngin e girdi’ nra be’ ma rogon puluwon ko tin ni rin’.

Matthew 16:28

Mu ted fanmediyan ko re bugithin ni ba’aray! Bay boch e girdi’ u roy ndab ra m’ad me yan i taw ko ngiyal’ ni bay ra guyed e en ni Fak e Girdi’ nike yib ni ir e pilung.”

Luke 17:30

Ireram rogon nra yan i aw ko chirofen ni nge m’ug e en ni Fak e Girdi’ riy.

Efesus 3:12

Taab girdi’ ni kad ted Kristus Jesus ngu daken e michan’ rodad ngak e ir e ke puf rogodad riy ni gadad ra yan nga p’eowchen Got nike pagan’dad.