1 John 2:26 - Bible Ni Thothup

²⁶ Kug yoloy e ren’ey ni murung’agen e pi’in yad be guy rogon ni ngar ban niged gimed.

1 John 2:26 Referans Kwoze

2 John 1:7

Bo’or e pi’in yad be bannag e girdi’ ni kar wergad u fayleng, ni girdi’ ndarir weliyed ni Jesus Kristus e yib i ngal’ ni be’ nrayag ni nge yim’. Ra aram rogon be’ ma ir be’ ni be bannag e girdi’, ma aram e ir e To’ogor rok Kristus.

1 John 3:7

Pifakag, dab mpaged be’ nge ban nagmed! En nra rin’ e tin nib mat’aw e bmat’aw ni bod feni mat’aw Kristus.

Mark 13:22

Ya bayi m’ug boch e Messiah nge profet ni yigo’o bogi ban’en. Ma bay ur ngongliyed e maang’ang nge bogi ban’en ni yira ngat ngay ni bochan e fa’an mang e rayag miyad bannag e pi’in girdi’en Got ni Got e ke mel’egrad.

Kolose 2:8

Mu guyed rogomed ya ri kolmed be’ ngam manged kalbus rok ni be’ ni be maruwel ko gonop rok e girdi’ nge sabanban ndariy rogon ngabang, ni yib ko machib ni sum rok e girdi’ ni yibe fil ngak reb e mfen nge reb, ma ki yib ko pi kan ni yad be gagiyeg u lan e gin’en ni bay urngin ban’en nu lanelang riy nib mu’un e fayleng ngay, ma gathi Kristus e yib rok.

1 Timothy 4:1

Keyog fare Kan Nthothup nib tamilang ni boch e girdi’ e bay ra n’iged e michan’ rorad ngak Kristus ko tin tomuren e rran; miyad fol ko pi kan ni yad ma lifith l’ugunrad, ni aram e kar folgad ko machib rok e pi mo’onyan’.

Proverbs 12:26

Be’ nib mat’aw e ba powo’ ko fager rok, machane kanawo’ rok e en nib kireb e be waliyrad nga wuru’ e wo’.

2 Timothy 3:13

machane girdi’ nib kireb nge pi’in yad be dake girdi’en Kristus e bayi gel farad kireb ngu’ur ban niged boch e girdi’ ma yibe ban nagrad.

Kolose 2:18

Dab mpaged be’ nge mang ir e turguy ni gimed ba kireb ni be yog ni ir e ba ga’ ni bochan e kan piliyeg e changar rok ke guy bogi ban’en, ma be yog nthingar ni sobut’ nigey ni gathi bin riyul’ e sobut’an’, ma yad be yog ni ngan tayfan min meybil ngak e pi engel. Ya ra aram rogon be’ ma ke ufanthin ndariy rogon, ya leam ni be tay e rogon e leam nma tay e girdi’,

Ezekiel 13:10

“Pi profet e yad be ban nag e girdi’ rog ni yad be yog ni urngin ban’en mabfel’ rogon. Ya urngin ban’en ma de fel! Girdi’ rog e kar ubungyed ba rungrung ngalang ni de ayal e malang riy, ma pi profet e kar acheyed nib wech ni ngar mithaged thibngin.