1 John 2:23 - Bible Ni Thothup

²³ Ya en nra dabuy e en ni Fak Got e ku errogon ni aram e ke dabuy e en ni Chitamangiy; ma en nra mich u wan’ e en ni Fak Got e ku errogon e en ni Chitamangiy nike yag ngak.

1 John 2:23 Referans Kwoze

1 John 4:15

En nra weliy ni Jesus e Fak Got e aram e be par Got u fithik’ fa’anem, ma fa’anem e be par u fithik’ Got.

John 8:19

Miyad fith ngak ni lungurad, “Bu uw e Chitamam?” Me fulweg Jesus ngorad ni ga’ar, “Da mu nanged gag ma ku errogon e Chitamag nda mu nanged. Fa’an mang e gimed manangeg ma kigimed manang e Chitamag.”

John 10:30

Chitamag nge gag e gamow ba ta’reb.”

John 5:23

ya nge gubin e girdi’ me liyor ngak e en ni Fak Got ni bod rogon ni yad ma liyor ngak e en ni Chitamangiy. Ma en nder liyor ngak e en ni Fak Got e der liyor ngak e en ni Chitamangiy ni ir e l’oeg nge yib.

1 John 5:1

En nra mich u wan’ ni Jesus e ir fare Messiah e kemang be’ ni fak Got; en nib t’uf be’ nib matam rok e ku ba t’uf rok e en ni fak fare matam.

Luke 10:22

“Chitamag e ke pi’ urngin ban’en ngog. Dariy be’ ni manang ko mini’ e en ni Fak, ya kemus ni en ni Chitamangiy e manang, ma dariy be’ ni manang ko mini’ e en ni Chitamangiy, ya kemus ni en ni Fak e manang, nge pi’in ba’adag e en ni Fak nem ni ngar nanged e Chitamngin.”

Matthew 11:27

“Chitamag e ke pi’ urngin ban’en ngog. Dariy be’ ni manang e en ni Fak, ya kemus ni en ni Chitamangiy e manang, ma dariy be’ ni manang e en ni Chitamangiy, ya kemus ni en ni Fak e manang, nge pi’in ba’adag e en ni Fak nem ni ngar nanged e Chitamngin.

1 John 2:22

Ere mini’ e en ni be lifith l’ugun? En ni ir e be yog ni Jesus e gathi ir fa’anem i Kristus. Ireram e cha’ ni ir e To’ogor rok Kristus — ya ir e dabun e en ni Chitamangiy nge en ni Fak.

John 16:3

Bay rrin’ed e pin’ey ngomed ya dawor ra nanged e en ni Chitamangiy ara gag.

John 17:3

Ba’aray ara’ e yafos ndariy n’umngin nap’an: ni aram e nge nangem e girdi’ ni kari mmus ni gur e bin riyul’ e Got, miyad nang ko mini’ Jesus Kristus, ni ir e kam l’oeg ke yib.

1 John 4:2

Ere ba’aray rogon ni gimed ra nang ko Kan Nthothup rok Got fa dangay: gubin e girdi’ ni yad be weliy ni Jesus Kristus e yib i ngal’ ni girdi’ nrayag ni nge yim’ e dowef rok e bay fare Kan Nthothup rorad ni ir e yib rok Got.

1 John 5:20

Gadad manang ni en ni Fak Got e ke yib ma ke tamilangnag an’dad ni ngad nanged fa bin riyul’ e Got. Gadad bay u fithik’ e bin riyul’ e Got — u fithik’ Fak ni Jesus Kristus. Ir e bin riyul’ e Got, ma ir e yafos ndariy n’umngin nap’an.