1 John 2:21 - Bible Ni Thothup

²¹ Gu be yol ngomed ni gathi bochan e da mu nanged e n’en nib riyul’, machane bochan e gimed manang, ma kigimed manang ndariy bbugithin nde riyul’ ni ka’a yib rok e n’en nib riyul’.

1 John 2:21 Referans Kwoze

2 Peter 1:12

Ireray fan ni gubin ngiyal’ ni bay ug puguran ngomed e pin’ey, ni yugu aram rogon ni kam nanged ma kam pired ni gimed bmuduwgil u fithik’ e tin ni ir e ba riyul’ ni kam nanged.

Jude 1:5

Yigo’ gimed manang urngin e pin’ey, machane gu ba’adag ni nggu puguran ngomed rogon ni ayuweg Somol piyu Israel nge chuwegrad ko nam nu Egypt, machane fa’ani tomur riy me thang e fan rok e pi’in nde mich Got u wun’rad.

Proverbs 1:5

Pi thin ney ni bay e gonop u fithik’ e rayag ni nge ga’nag e llowan’ ko pi’in kayad ba gonop, ma rayag ni ngi i pow’iy e pi’in ka yad ba sukul,

John 8:44

Gimed e pifak e chitamangimed, ni fare mo’onyan’, ma gimed ba’adag ni ngam folgad ko tin nib m’agan’ e chitamangimed ngay. Ka nap’an ko tabolngin ni i par ni ir be’ nma thang e fan rok e girdi’; dariy ba ngiyal’ nike yib nga ba’ rok e tin riyul’, ya dariy e tin riyul’ rok. Ya ngiyal’ nra lifith l’ugun riy e aram e be rin’ ban’en nib mecham ngak, ya ir be’ nma lifith l’ugun me ir e chitamngin urngin e malulifith.

John 18:37

Ma aram me fith Pilate ngak ni ga’ar, “Ere gur be’ ni gab pilung?” Me fulweg Jesus ni ga’ar, “Kamog ni gag be’ ni gub pilung. Ni gargel nigeg ngaray nga fayleng ni bochan e nggu weliy murung’agen e tin riyul’. En ni girdi’en e tin riyul’ e ra rung’ag e thin ni gu be yog.”

James 1:19

Gimed e pi walageg ni girdi’en Kristus ni gimed ba t’uf rog, dab mpaged talin ni gubin e girdi’ ma thingar ra gurgad ko motoyil, machane dab ra gurgad ngar welthingad, ma dab ra gurgad ngar damumuwgad.

1 John 3:19

Ireray rogon ma gadad nang ni gadad bmu’un ko tin riyul’. Ireray rogon me pagan’dad u p’eowchen Got.