1 John 2:16 - Bible Ni Thothup

¹⁶ Gubin ban’en nib milfan ngaray nga fayleng — ni aram e tin kireb ban’en ni yima ar’arnag, ni tin nra guy e girdi’ ma yad ba’adag ni nge yag ngodad, nge urngin ban’en ni bay u roy u fayleng nri ma uf e girdi’ ngay dariy reb e pin’ey ni yib rok e en ni Chitamangiy; ya urngin me yib rok e fayleng.

1 John 2:16 Referans Kwoze

Roma 13:14

Machane ngam feked talin e cham rok Somol Jesus Kristus, mi gimed tal ndab ku um rin’ed e tin nib kireb ni be ar’arnag e dowef romed.

Galatia 5:17

Ya n’en nib kireb ni gadad be ar’arnag e be togopluw ko n’en ni ba’adag fare Kan Nthothup, ma n’en ni ba’adag fare Kan Nthothup e be togopluw ko n’en nib kireb ni gadad be ar’arnag, ni aram e yow ba tathil, ni fan e re bugithin ney e dabiyag ni ngam rin’ed e tin ni gimed ba’adag ni ngam rin’ed.

Genesis 3:6

Me guy fare pin feni fel’ ya’an fare ke gek’iy, nge feni manigil wom’ngin ni ngan kay, me finey feni manigil ni nge tamilangan’uy. Ma aram me t’ar boch i wom’ngin nge kay. Me pi’ boch ngak figirngin miki kay.

Proverbs 27:20

Ar ar ko dowef ko girdi’ e bod e fayleng ko yam’ ndariy bingyal’ nra gaman.

Efesus 2:3

Ma bin riyul’ riy e gadad gubin ni ud moyed ni gadad bod yad, ma ud pired ni gadad be ngongol nrogon e tin ni gadad be ar’arnag, ma gadad be rin’ e pin’en ni ir e bm’agan’ dowdad nge lanin’dad ngay; ma ku errogon ni ud pired nike muduwgil ni ngad gafgowgad ko damumuw rok Got ni bod urngin e girdi’.

James 3:15

Mit ney e gonop e gathi yib u tharmiy nga but’; ya gonop nib mil suwon ngaray nga fayleng, ma gathi fare Kan Nthothup e yib rok ya mo’onyan’ e yib rok.

1 Peter 2:11

Pi tafager rog, ri gu be wenig ngomed, ya gimed e milekag ni kambad ngaray nga fayleng! Dab mu paged gimed ngak e tin be yim’ e dowef romed ni bochan, ni gubin ngiyal’ ma be cham ngak lanin’med.

2 Peter 2:10

ni ba ga’ ni pi’in yad be fol ko tin nib golong e ngongol ni be yim’ e dowef rorad ni bochan, ma dariyfan u wun’rad e gagiyeg ni be tay Got ngak e girdi’. Pi tamchib nem ni go’ bogi ban’en e darir tamdaggad ma yad ba uf, ma darir ted fan e pi engel nu tharmiy ni yad ba fla’ab; ya n’en ni yad ma rin’ e yad ma yog e thin nib kireb ngorad.

Joshua 7:21

Gguy ba wuru’ e mad nib n’uw ma rib fel’ ya’an nni ngongliy u Babylonia, nge gonap’an e lal e pawn e silber, nge bang i gol nib pag reb e pawn tomalngin. Margum’ ni bochan mu gu fek. Ga ra pir’eg e pin’ey ni kug k’eyag u lan e tent rog, ni silber e bay nga t’ay e low.”

Titus 2:12

Ma re runguy nem e ir e be fil ngodad ni ngad paged pangidad nge ngongol rodad nde m’agan’ Got ngay nge chogowen urngin ban’en u fayleng nde mat’aw u owchen Got, ma gadad par ni gadad be t’ar lanin’dad ko tin nde fel’, ma gadad ba yal’uw, ma gadad be rin’ e tin nib m’agan’ Got ngay u roy u fayleng,

Psalms 78:18

Nri lanin’rad ni ngar sikeng niged Got ko ggan ni yad ba’adag ni yad be ning.

2 Peter 2:18

Yad ma yog e thin ni ufanthin nge thin ko balyang, ma yad be maruwel nga ngongolen e darngal ni be ar’arnag e dowef rorad ni fan e nge aw ko wup rorad e pi’in ka fini chuw u fithik’ e girdi’ nike oloboch.

1 Peter 1:14

Um folgad rok Got, ma tin nib kireb ni um m’ad ni bochan ko ngiyal’ ndawor mu nanged Kristus riy e dab kum paged nge mang ir e i gagiyegnag pangimed.

Titus 3:3

Ya ku errogon gadad ni ud moyed ba ngiyal’ ni ud balyanggad, ma da ud folgad, ma gadad ba oloboch. Ma ud moyed ni gadad e sib rok e ar’ar nge gubin mit e tin ni yi ba’adag nde mat’aw u mit Got. Ma ud pired ni gadad be leamnag e kireb ngak e girdi’ ma be awan’dad ngak boch e girdi’; ma be fanenikaydad boch e girdi’ ma gadad be fanenikayrad.

Matthew 5:28

Machane nggog ngomed e chiney, ni en nra sap ngak be’ ni bpin me finey ni manga yugu ra pirew, e ke kireb e rok, ni fan e kar pirew u fithik’ i laniyan’.

Psalms 73:6

Ere kar nunuwgad ko ufanthin ni bod ba kiy i churuwo’, ma farad yargal e ke mang mad ngorad;

BABYOR NI JOB 31:1

Ku gu t’ar u wun’ug ndariy bingyal’ ni nggu changar i darngal ngak be’ ni bpin.

Luke 4:5

Me fek fare mo’onyan’ Jesus ngabang nib tolang me dag ngak urngin e pi nam nu fayleng nnap’an e talab ni tay be’.

Galatia 5:24

Ma pi’in kar manged girdi’en Kristus Jesus e kar li’ed e tin nib kireb ni be ar’arnag lanin’rad nike un ngay urngin e tin nib kireb ni yima yim’ ni bochan.

Numbers 11:4

Pi’in gathi yad piyu Israel nra uned ngorad u Egypt e yad be yim’ ni bochan e ufin, miki un piyu Israel ko gun’gun’ ni be lungurad, “Manga yigi yag e ufin ngodad ngad ked!

Matthew 4:8

Me ere fek fare mo’onyan’ Jesus nga daken bburey nrib tolang nge dag urngin e nam nu fayleng nge fel’ngin ngak.

Psalms 78:30

Machane ka dawori gaman u wan’rad ma nap’an ni ku yad be abich,

Numbers 11:34

Min tunguy fithingan e gin’em ni Kibroth Hattaavah (ni fan e “Malangen e Yam’ ko Ar’ar”), ni bochan e aram e gin ni un k’eyag e pi’in ni ur ar ar niged e ufin riy.

Proverbs 6:25

Dabi unan’um ko pidorang rorad; dab mmul ni bochan e dawol u owcharad ngom.

1 Korinth 10:6

Urngin e pin’ey ni be fil ngodad, ma be ning chiylen ngodad ndab ud m’ad ni bochan e tin nib kireb ban’en, ni bod yad,

Genesis 6:2

Me guy boch e pi chon e tharmiy e pi ppin nem ni yad ba pidorang, ma aram miyad fek e pi’ arorad ni yad ba’adag.

Daniel 4:30

me ga’ar, “Kari gilbuguwan yu Babylon! I gag e gu muruwliy ni nge par ni ir e ba ga’ u fithik’ e pi binaw rog ni ngi i dag gelngin nge rogon e gagiyeg ni gu be tay, nge feni sorog nge fanag pilung.”

James 4:16

Machane chiney e ke tolangan’med gimed be yog ni gimed e soromed; urngin e pi n’ir ni gimed be yog ni gimed e soromed riy e ba kireb.