1 John 2:14 - Bible Ni Thothup

¹⁴ Gu be yol ngomed e pi’in ni bitir, ya gimed manang e en ni Chitamangiy. Ma gu be yol ngomed, pi chitamangiy, ya kam nanged fa’anem ni immoy ko tabolngin. Ma gu be yol ngomed e pi’in ni pagel, ya kam gelgad; ya be par e thin rok Got u lanin’med ma kam gelgad ngak Fa’anem nib Kireb.

1 John 2:14 Referans Kwoze

Psalms 119:11

Gu be chubgiliy e motochiyel rom u lan gumircha’eg, ya nge dab gu denen nib togopluw ngom.

1 John 2:13

Gu be yol ngomed, pi chitamangiy, ya gimed manang fa’anem ni immoy ko tabolngin. Ma gu be yol ngomed e pi’in ni pagel, ya kam gelgad ngak Fa’anem nib Kireb.

Kolose 3:16

Thin ni ir e bth’ab feni fel’, ni weliy Kristus e thangri i par ni polo’ u lanin’med. Um filed ngomed ma gimed be fonow nagmed ngay u fithik’ e gonop. Umon’ed e tang ni thin rok Got ni bay ko Psalm, nge tang ni machib, nge tang ni murung’agen Got; um tang niged Got ni gimed be pining e magaer ngak Got u wun’med.

John 15:7

Fa’anra mpired u fithik’ag, me par e thin rog u fithik’ i lanin’med, ma aram e gimed ra ning e tin ni gimed ba’adag, min pi’ ngomed.

Efesus 6:10

Kab aray ta’a ban’en: ngam ta’ab girdi’gad ngak Somol ngi i gel nagmed nga gelngin nrib gel.

John 8:31

Ma aram me yog Jesus ngak fa picha’ nike mich Jesus u wun’rad ni ga’ar, “Fa’an gimed ra fol ko thin ni gu be machibnag ngomed ma aram e kari muduwgil ni kam manged pi gachalpeg;

John 5:38

aram fan ndariy e thin rok u lanin’med, ya dabumed ni nge mich u wun’med e en nike l’oeg ke yib.

Revelation 2:7

“Fa’anra bay telim me ere mmotoyil ko n’en ni be yog fare Kan Nthothup ngak e pi galesiya! “Pi’in ni yad ra gel ndar paged yad ko kireb e bay gu pi’ mat’awrad ni ngar ked wom’ngin fare ke gek’iy ko yafos ni bay u Milay’ rok Got!”

3 John 1:3

Ri gu felfelan’ ko ngiyal’ ni ba’aram ni taw boch pi walagdow ni girdi’en Kristus miyad yog rogon fanam yul’yul’ ko tin nib riyul’ — ni bod ni ga ma par ni gubin ngiyal’ ni ga ma fol ko tin riyul’.

2 John 1:2

ya n’en nib riyul’ e ke par u fithik’dad ma bayi par rodad ni dariy n’umngin nap’an.

Hebrews 8:10

Be ga’ar Somol, Ba’aray e re m’ag ni bay gu ngongliy u thilig nge girdi’ nu Israel u tomuren e pi rran nem: Bay gu tay e pi motochiyel rog nga fithik’ i lanin’rad, ma bay gu yoloy nga gum’ircha’rad. Bay gu mang Got rorad, ma bay ra manged e girdi’ rog.

Kolose 1:11

Nge gel nagmed Got nga polo’ i gelngin nma yib u gelngin ni dabi m’ay, nge yag ni mu athamgiliyed urngin ban’en u fithik’ e gumaen’.

2 Timothy 2:1

Me gur, fakag, e ngam fek gelngim ko ayuw ni be pi’ Got ngodad u daken e ta’ab girdi’ ni kad ted Kristus.

Filippi 4:13

Demturug e mit i n’en ni gu ra mada’nag ma bay gelngig nike pi’ Kristus nrayag ni gu par riy.

Revelation 2:3

Gab gumaen’, ma ke yo’or e gafgow ni keb ngom kam gafgow riy ni bochag, ma dawor mpagem.

1 John 1:10

Fa’anra lungudad e dawor da denengad, ma aram e kdogned ni Got e be’ nma lifith l’ugun, ma aram e dariy e thin rok u fithik’ i lanin’dad.

John 8:37

Gu manang ni gimed owchen Abraham. Machane gimed be guy rogon ni ngam thanged e fan rog, ya dabumed ni ngam folgad ko tin ni gu be machibnag.

1 John 1:1

Gamad be yoloy ngomed murung’agen fare Thin ni murung’agen e yafos, ni ki immoy ko tabolngin: kug rung’aged, ma kug guyed nga owchemad; errogon, kug guyed, ma ke math pa’mad ngak.