San Mateo 9:12 - New Testament in Mixtec Diuxi-tilantongo

¹² Nu n‑teku Jesús xa n‑ka jaꞌan‑s, n‑jaꞌan‑ia: —Ñayiu io vaꞌa, ña ndoñuꞌu‑i setatna, ko ñayiu ka kuꞌu ndoñuꞌu‑i‑sɨ.

San Mateo 9:12 Referans Kwoze

San Lucas 5:31

Te n‑jaꞌan Jesús nuu‑s: —Ñayiu io vaꞌa, ña ka ndoñuꞌu‑i setatna, ko ñayiu ka kuꞌu, ndoñuꞌu‑i‑sɨ.

San Lucas 9:11

N‑ka taka ñayiu nuu n‑xo tuu‑ia, te nu n‑ka xini koio‑i xa xá juaꞌan‑ia, xndijun ñaꞌa‑i ka xeꞌen. Nu n‑ka nanitnaꞌa‑i xiꞌin‑ia, n‑kuu vaꞌa anu‑ia nuu‑i, te n‑ka kuvete‑i. N‑jaꞌan‑ia nuu‑i nax io xa kada koio‑i xa kɨu tnaꞌa koio‑i nuu ñayiu ka jandixa xa taxnuni Ianyuux nuu‑i. Dɨuni n‑ndadavaꞌa‑ia ñayiu ka kuꞌu.

San Marcos 2:17

N‑teku Jesús nax n‑ka jaꞌan‑s, te n‑jaꞌan‑ia: —Se io vaꞌa, ñatu ndoñuꞌu‑s doctor. Se ka kuꞌu, ndoñuꞌu‑s doctor. Ñatu vaxi‑r xa jaꞌan‑r se xani ini xa ña tuu na kuechi‑s. Vaxi‑r xa jaꞌan‑r se naꞌa xa io kuechi‑s, xa kutuu koio‑s xiꞌin mee‑r.

San Lucas 8:43

Nuu ñayiu xndijun ñaꞌa jan yɨtnaꞌa ɨɨn ñadɨꞌɨ kuꞌu. N‑kuu uxi uu kuia ndita ñaꞌa nɨñɨ. Ntdaa tvini n‑xo nevaꞌa‑ña n‑xetniu‑ña xa n‑xo xeꞌen‑ña nuu setatna xa kada tatna ñaꞌa koio‑s, ko ñayo setatna jan n‑kuaꞌa n‑ndadavaꞌa ñaꞌa‑s.

Colosenses 4:14

Ndajan tnuꞌu ñaꞌa Sluka, se kuu setatna. Mani ka juini‑da‑s. Dɨuni ndajan tnuꞌu ñaꞌa se nani Demas.