San Mateo 6:19 - New Testament in Mixtec Diuxi-tilantongo

¹⁹ ʼMaxku kaya koio kueꞌe ndatniu‑n ñuñayiu, chi kɨu tkidi xaxii‑ro ñuñayiu, te nanedɨꞌu dava ka xaxii‑ro. Dɨuni ka xanu ñaduꞌu yeꞌe te ka kɨu‑s veꞌe‑ro juini ndiꞌu vaꞌa, te ka duꞌu‑s.

San Mateo 6:19 Referans Kwoze

Hebreos 13:5

Maxku juemani koio‑n tvini. Kuvete koio‑n xiꞌin xa io. Chi xá n‑jaꞌan Ianyuux: “Nuncas ma dandoo ñaꞌa‑r, nuncas ma kande ini ñaꞌa‑r.”

San Lucas 12:21

Duꞌa yaꞌa ñayiu kaya kueꞌe ndatniu yo yaꞌu, te ña tuu nax kida‑i xaxeꞌe Ianyuux —kuu Jesús, xiaꞌan‑ia nuu ñayiu xyuku ijan.

San Lucas 18:22

Te xiaꞌan Jesús: —Juini ka‑i ɨɨn xa kada‑n. Diko‑n ntdaa xaxii‑n, te dakexio‑n tvini niꞌi‑n nuu ñayiu ka kundaꞌu, te kada Ianyuux xa kutuu kuika‑n andɨu. Ijan dada kixi‑n, te nkuitandijun ñaꞌa‑n.

1 Timoteo 6:17

Juñaꞌa‑n nuu ñayiu kuika io ñuñayiu yaꞌa, xa maxku ku kuu iꞌni‑i xaxeꞌe xa kuika‑i, ni maxku kukanu ini‑i tvini‑i xiꞌin xaxii‑i, chi danaa xee kɨu ndundaꞌu‑i. Ianyuux ndixa na kuitakaa kuitakuu‑i chi mee‑ia kuu Ia tuu nga taxi xa ka ndoñuꞌu‑ro xa na kutuu vaꞌa‑ro.

San Lucas 12:33

Nadiko koio‑n xaxii‑n. Te tvini niꞌi‑n juñaꞌa nga‑n ñayiu ka kundaꞌu. Kada koio‑n xavaꞌa. Kuenda kɨu bolsa tvini ma kutuꞌu xiꞌin ndatniu yo yaꞌu io andɨu kuu xijan. Ijan ñayo ñaduꞌu kɨu te ñayo tkidi datɨu ndatniu‑ro.

San Lucas 18:24

Xaxeꞌe xa n‑xini Jesús xa n‑kukoꞌyo ini‑s n‑jaꞌan‑ia: —Xaxeꞌe xa ndaꞌu yaꞌa ñayiu kuika xa kɨu tnaꞌa‑i nuu ñayiu ka jandixa xa taxnuni Ianyuux nuu‑i, xaku ni‑i ndaku xa kɨu tnaꞌa‑i.

San Mateo 19:21

Xiaꞌan ntuku‑ia: —Nux juini‑n xa maxku kundido kutau ka‑n kuechi n‑kida‑n, juan nuꞌu veꞌe‑n, diko‑n ntdaa xaxii‑n, dakexio‑n tvini niꞌi‑n nuu ñayiu ka kundaꞌu te kada Ianyuux xa kutu kuika‑n andɨu. Ijan dada kixi‑n te nkuitandijun ñaꞌa‑n.

San Mateo 6:20

Kada koio xa juini Ianyuux te kueꞌe xaxii‑n koo andɨu nuu ñayo tkidi kɨu ndatniu‑ro. Dɨuni ña nanedɨꞌu dava ka xaxii‑ro. Dɨuni ña yoo na ñaduꞌu xanu yeꞌe‑ro xa duꞌu ñaꞌa‑s.

San Lucas 12:39

Kunini vaꞌa koio xaꞌa. Nu n‑xini ɨɨn se kuu xtoꞌo veꞌe na hora xee ñaduꞌu veꞌe‑s n‑kuu, kundito‑s te ma juejoon‑s xa kɨu ñaduꞌu veꞌe‑s xa duꞌu‑s xaxii‑s.