San Mateo 6:10 - New Testament in Mixtec Diuxi-tilantongo

¹⁰ Na jaꞌan koio‑da xa taxnuni‑n nuu‑da ntdaa‑da xa ka kuu‑da ñayiu ñuñayiu. Nani ka kida ia xtuu andɨu xa juini‑n, dani na kada ñayiu ñuñayiu.

San Mateo 6:10 Referans Kwoze

Hebreos 10:36

Io xa kundee ini koio ka‑n, xa kada koio‑n ntdaa xa juini Ianyuux, te tnɨɨ koio‑n ntdaa ná io ná juaꞌan tnuꞌu n‑taxi‑ia.

San Juan 4:34

N‑jaꞌan Jesús: —Xa xaa‑r kuu xa kida‑r xa juini Ianyuux n‑tundaꞌa ñaꞌa. Kuu xa daxinokava‑r tniu n‑taxi‑ia.

San Mateo 26:42

Vuelta kuu uu juaꞌan‑ia te duꞌa n‑xijan taꞌu‑ia nuu Ianyuux: —Taa‑ro Ianyuux, nux ma kuu xa dakaku ñaꞌa‑n nuu xa uꞌu yaꞌa, na yaꞌa na juini mee‑n.

San Mateo 12:50

Ntdaa‑n xiꞌin ntdaa ñayiu kida xa juini Taa‑ro Ianyuux, Ia tuu andɨu, ka kuu dɨꞌɨ‑r, ñani‑r, kuꞌa‑r du.

1 Tesalonicenses 5:18

Hora kuvete‑n, hora tnau ini‑n, davaꞌa nga xa yaꞌa‑n, ko juñaꞌa koio‑n xa n‑kutaꞌu‑n nuu Ianyuux. Duꞌa kunduu naꞌi ka‑n xiꞌin Cristu Jesús, te duꞌa kada‑n xa juini Ianyuux xaxeꞌe‑n.

Romanos 12:2

Maxku ku kuu ka anu‑n xa kada koio‑n xaloko. Maxku kada koio‑n ná ka kida ñayiu ñatu ka xini jundu kuu Ianyuux. Ni maxku kukajan ini‑n mee ni xa io ñuñayiu yaꞌa. Juejoon koio‑n xa na kadatniu ka Ianyuux anu‑n xa maxku ku kuu ka‑n ná n‑ka xo kuu‑n. Juejoon koio‑n xa na kadatniu ka‑ia anu‑n na kuaꞌa na kani ini‑n ná xani ini‑ia te jini koio‑n nax ñu ini‑ia xa kada‑ro. Xa ñu ini‑ia xa kada‑ro kuu xa kada‑ro xavaꞌa xiꞌin xa nduu‑ro ñayiu kida mee ni xavaꞌa. Tna ini‑ia xijan.

San Juan 6:40

Xa juini Taa‑r, kuu xa ntdaa ñayiu ka xini Daꞌya‑ia te ka jandixa‑i‑ia, te mee‑i kutuu vaꞌa koio‑i xiꞌin Ianyuux kuia ma jɨn ndɨꞌɨ. Kada‑r xa nandoto koio‑i, kɨu jɨn ndɨꞌɨ ntdaa xa io.

Colosenses 1:9

Xijan kuu xa nde na n‑ka teku tnuꞌu‑da xaꞌa, ka xijan taꞌu‑da nuu Ianyuux xaxeꞌe‑n ndɨkɨu ndɨñuu. Xko xijan taꞌu‑da xa na kada‑ia xiꞌin Espíritu‑ia xa na kutnuni vaꞌa ini koio‑n tnuꞌu‑ia yodotnuni na kuaꞌa kada koio‑n xa juini‑ia. Dani xijan taꞌu‑da nuu‑ia xa na kada Espíritu‑ia xa nduu‑n ñayiu kaxi ini

Efesios 6:6

Maxku hora ni ndeꞌa ñaꞌa xtoꞌo‑n ndeꞌe ku kadatniu‑n xa na tna ini ñaꞌa‑s. Io xa ku kundaa ku kuvaꞌa anu‑n hora ka kida‑n tniu‑s, chi xijan ndajan Ianyuux. Kuenda kɨu nuu Cristu xinokuechi‑n xa xinokuechi‑n nuu xtoꞌo‑n.

San Mateo 7:21

ʼÑa ntdaa ñayiu ka jaꞌan xa xtoꞌo‑i kuu ñaꞌa jɨꞌɨn andɨu nuu taxnuni Ianyuux, chi diko ni ñayiu ka kida xa juini Taa‑ro Ianyuux, Ia tuu andɨu jɨꞌɨn ijan.

1 Pedro 2:15

Chi juini Ianyuux xa kada koio mee‑n xavaꞌa, te duꞌa kada‑n xa ma jaꞌan ka se xee ini, se ñatu xini vaꞌa.

Hebreos 13:21

Na taxi Ianyuux xamani‑ia, xa kunxaꞌnu koio‑n te kada koio‑n xavaꞌa, xa kada koio mee‑n ntdaa xa juini mee‑ia. Xiꞌin Jesucristu na kada ñaꞌa‑ia mee‑ro, ntdaa‑ro, ntdaa xa juini mee‑ia. Na ndadakaꞌnu‑ro Cristu kuia ma jɨn ndɨꞌɨ. Duꞌa na koo.

San Mateo 3:2

N‑jaꞌan‑s nuu ñayiu n‑ka xo taka ijan: —Natu ini koio xa n‑ka kida‑n kuechi chi vax kuyatni kɨu xa nde andɨu taxnuni Ianyuux nuu ñayiu ñuñayiu.

San Lucas 22:42

—Taa‑ro Ianyuux, nux vatuka xa dakaku ñaꞌa‑n nuu xa uꞌu yaꞌa, dakaku ñaꞌa‑n, ko maxku kada‑n xa juini mee‑da. Kada‑n xa juini mee‑n.

San Juan 7:17

Nux juini ɨɨn ñayiu xa kada‑i xa juini Ianyuux, kutnuni ini‑i nux tnuꞌu jaꞌan‑r kuu tnuꞌu Ianyuux a tnuꞌu mee‑r.

Apocalipsis 19:6

Dɨuni n‑teku‑da xa ná nga kuu xa kueꞌe ñayiu kuvaa. Ná nga kuu xa kayu ndute kaꞌnu junkoio niꞌno ɨɨn nuu dujun a ná kuu xa ndeꞌe nɨꞌɨ dondaꞌa juan nuꞌu hora kana dau kuu. N‑jaꞌan ntdaa xijan: Na ndadakaꞌnu‑ro Ianyuux, chi taxnuni‑ia nuu ntdandituꞌu ñayiu, te yɨndaꞌa‑ia ntdaa xa io.

1 Tesalonicenses 4:3

N‑kida dɨɨn ñaꞌa Ianyuux mee‑ro, xa ku kuu‑ro ñayiu mee‑ia. Juini‑ia xa kada koio‑n xa juini mee‑ia, juini‑ia xa maxku kada koio ka‑n xa uꞌu. Juini‑ia xa maxku kidi‑n xiꞌin ñayiu ñatu n‑tnundaꞌa xiꞌin‑n.

Hechos 21:14

Ñayo‑da n‑kundee tnuꞌu xa daxino ini‑da‑s, te n‑ka jaꞌan‑da: —Na kuu na juini Taa‑ro Ianyuux.

Hechos 13:22

Ijan dada n‑kineꞌe‑ia‑s, te n‑jantuu‑ia David. Duꞌa n‑jaꞌan‑ia xa n‑kakuneꞌe‑ia‑s: “Xini‑r xa David, daꞌya yɨɨ Isaí, tna ini‑s xa tna ini‑r, te kada‑s ntdaa xa juini‑r”, kuu Ianyuux.

San Mateo 4:17

Tiempu ijan n‑kixeꞌe Jesús xa dakuaꞌa‑ia ñayiu. N‑jaꞌan‑ia nuu‑i: —Natu ini koio xa n‑ka kida‑n kuechi, chi vax kuyatni kɨu taxnuni Ianyuux nuu ñayiu ñuñayiu.

Apocalipsis 12:10

N‑teku‑da xa xee n‑jaꞌan andɨu. Duꞌa n‑jaꞌan: —N‑xee kɨu dananitaꞌu Taa‑ro Ianyuux ñayiu. Dɨuni n‑xee kɨu taxnuni‑ia xiꞌin Cristu. N‑xee kɨu taxnuni‑ia chi n‑dajungava Miguel kɨt kuu dragón n‑xo jaꞌan nuu Ianyuux ndɨkɨu ndɨñuu xa n‑ka kida ñani‑ro kuechi.

1 Pedro 4:2

Ñayiu jan, nɨni kutuu ka‑i ñuñayiu, kada‑i xa juini Ianyuux, te ma kada ka‑i xa ka kukajan ini ñayiu ñuñayiu.

Hebreos 10:7

Te dada n‑jaꞌan‑ia: “Ianyuux, yaꞌa tuu‑da, xa kada‑da xa juini mee‑n. Chi duꞌa yodotnuni libru.”

San Lucas 19:38

Ka xiaꞌan‑i: —Naka taꞌu se taxnuni, se n‑tundaꞌa ñaꞌa Ianyuux xa kixi‑s. Na kutuu vii kutuu vaꞌa ntdaa xa io andɨu. Na najuen tnuꞌu‑ro Ianyuux, Ia taxnuni ka —kuu‑i, ka jaꞌan‑i.

San Marcos 3:35

Davaꞌa nga ñayiu ka kida xa juini Ianyuux, mee‑i kuu ñani‑r, kuu‑i kuꞌa‑r, kuu‑i dɨꞌɨ‑r.

San Mateo 16:28

Xandaa xakuiti ma kuú dava ndoꞌo, se xtuu yaꞌa, nde na jini‑n xa na kixeꞌe ruꞌu, Ia kuu ñayiu, xa taxnuni‑r nuu‑n.

San Marcos 11:10

¡Na kada Ianyuux xa taxnuni se vaxi yaꞌa, ná n‑taxnuni taxaꞌnu tnetnu‑ro David! ¡Hosanna! ¡Na kutaꞌu‑ro Ianyuux!

Apocalipsis 11:15

N‑tɨu ángel kuu uxa strompeta‑ia, te n‑teku‑da xa xee n‑ka jaꞌan andɨu. Duꞌa ka jaꞌan: Ñatuka taxnuni se n‑ka taxnuni, chi Ianyuux xiꞌin Jesucristu taxnuni ñuñayiu vitna. Nɨkava nɨkuita taxnuni koio‑ia.

Apocalipsis 20:4

Ijan dada n‑xini‑da ñayiu ka taxnuni xtuu nuu silla. N‑kida Ianyuux xa dayaꞌa‑i juxtixia ñayiu. Dɨuni n‑xini‑da anu ñayiu n‑ka kendodo dɨkɨ xaxeꞌe xa n‑ka kakuneꞌe‑i xa n‑jaꞌan Jesús xiꞌin xa n‑jaꞌan Ianyuux. Ka kuu‑i ñayiu ña n‑ka xe juiin xiti nuu kɨt ndeꞌe jan xiꞌin nuu xa kaa ná kaa mee‑t jan xa nakuetu koio‑i. Dɨuni ña n‑xejoon‑i xa nkondenee tnuni tnaꞌa tnuni neꞌe dragón jan teꞌu‑i a ndaꞌa‑i. N‑xini‑da xa n‑ka nandoto ñayiu ijan, te taxnuni koio‑i xiꞌin Jesucristu ɨɨn mil kuia.

Hebreos 1:14

Chi ángel, ia ka xinokuechi nuu Ianyuux ka kuu‑ia. Tundaꞌa Ianyuux ia ka xinokuechi nuu‑ia kixi, xa chindee koio‑ia ñayiu dakaku ñaꞌa Ianyuux, xa kutuu vaꞌa koio‑i xiꞌin Ianyuux andɨu.

Colosenses 1:13

Kuenda kɨu nuu nee n‑ka xo xikonuu‑ro xa n‑ka xo kida‑ro kuechi. Daa n‑dananitaꞌu ñaꞌa Ianyuux. Mee‑ia n‑kida xa n‑ka kɨu tnaꞌa‑ro nuu ñayiu ka jandixa xa taxnuni Daꞌya Yɨɨ mani‑ia nuu‑ro.

San Lucas 19:11

Nu n‑yaꞌa xa n‑xo nini ñayiu ijan xa n‑jaꞌan‑ia, te n‑jaꞌan‑ia ɨnka ntuku tnuꞌu nuu‑i. Xaꞌa n‑jaꞌan‑ia xaxeꞌe xa n‑kuyatni‑ia xiꞌin‑i Jerusalén, te n‑ka xani ini‑i xa hora ijan kixeꞌe‑ia xa taxnuni‑ia nuu ñayiu Israel.

Hechos 22:14

Ijan te n‑jaꞌan ka‑s nuu‑da: “Xa daa nga n‑kaxí ñaꞌa Ianyuux xixitnaꞌa‑ro mee‑n xa jini‑n xa ñu ini‑ia xa kada‑ia xiꞌin xa jini‑n Jesús, Ia kida mee ni xandaa. Dɨuni kunini‑n xa jaꞌan‑ia.