San Mateo 26:74 - New Testament in Mixtec Diuxi-tilantongo

⁷⁴ Te n‑nukuita ntuku‑s chinaa‑s te xiaꞌan‑s xa na yaꞌa‑s ɨɨn xa uꞌu nux vete‑s. —Ña xini‑da‑s —kuu‑s, n‑xiaꞌan‑s. Hora ijan ni n‑kana ɨɨn liꞌi,

San Mateo 26:74 Referans Kwoze

Apocalipsis 3:19

Ñayiu xemani‑r, jan doꞌo‑r‑yɨ te xanu ichi‑r‑yɨ ichi vaꞌa. Xijan kuu xa chinuu koio janda ka kuu‑n, te natu ini koio xa n‑ka kida‑n kuechi.

1 Corintios 16:22

Nux ña xemani ɨɨn ñayiu Xtoꞌo‑ro Jesucristu, na jɨꞌɨn‑i andea. Yachi na ndixi Xtoꞌo‑ro Jesucristu.

San Juan 18:27

Ɨnka vuelta n‑jaꞌan Spedru xa ña xini‑s Jesús. Te hora ijan ni, n‑kana liꞌi.

San Mateo 10:28

Maxku yuꞌu koio‑n nuu se kaꞌni ñaꞌa, chi ña tuu nax kada‑s anu‑n. Yuꞌu koio nuu Ia danaa anu‑n xiꞌin ñɨɨ‑n andea.

Romanos 9:3

Date nuu n‑xio xaxeꞌe xa dandoo ñaꞌa Cristu nanitaꞌu ñayiu ñuu‑da xiꞌin yatnuꞌu‑da, diko kajan taꞌu‑da nuu Ianyuux xa na dandoo ñaꞌa‑ia n‑kuu.

San Lucas 22:60

Te n‑jaꞌan Spedru: —Ña kutnuni ini‑da nuu nax jaꞌan‑n. Ni ta ndɨꞌɨ ka jaꞌan Spedru tnuꞌu ijan, te n‑kana ɨɨn liꞌi.

San Marcos 14:68

N‑jaꞌan‑s: —Ña ndaa. Ña xini‑r‑sɨ. Ña kutnuni ini‑r nax jaꞌan‑n. Te n‑kee‑s nukeꞌe. Hora ijan ni, n‑kana liꞌi.

San Marcos 14:30

N‑xiaꞌan Jesús: —Xandaa kuu xa jaꞌan‑r. Xakuaa vitna, antecas xa kana liꞌi uu vuelta, te uni vuelta jaꞌan mee‑n xa ña xini ñaꞌa‑n.

San Mateo 27:25

Te ka xiaꞌan‑i ntdaa‑i: —Kundido kutau‑da ntdaa‑da xiꞌin daꞌya dana‑da‑s.

San Mateo 26:34

Xiaꞌan Jesús nuu‑s: —Xandaa xakuiti xa xakuaa vitna uni vuelta jaꞌan‑n xa ña xini ñaꞌa‑n, ijan dada kana ɨɨn liꞌi.

San Mateo 26:73

Nanaꞌa ni n‑kuu, te n‑ka xetuꞌa ñaꞌa ñayiu xnii ijan. Ka xiaꞌan‑i: —Xandaa xakuiti ndeka tnaꞌa‑n xiꞌin‑s chi ná jaꞌan‑n jaꞌan‑s de —ka kuu‑i, ka xiaꞌan‑i.

San Mateo 26:75

te n‑najaꞌan Spedru tnuꞌu n‑jaꞌan Jesús nuu‑s: “Kiꞌna ka jaꞌan‑n uni vuelta xa ña xini ñaꞌa‑n, ijan dada kana liꞌi.” N‑kee dɨɨn‑s te vichi n‑tnau ini‑s te ndeꞌe n‑ndaꞌi‑s.