San Mateo 24:14 - New Testament in Mixtec Diuxi-tilantongo

¹⁴ Teku ñayiu nituꞌu ñuu tnuꞌu‑r na kuaꞌa na teku‑i nax io xa kada‑i xa kɨu tnaꞌa‑i nuu ñayiu taxnuni Ianyuux nuu‑i. Tnuꞌu vaꞌa kuu. Kiꞌna ka daa yaꞌa te ijan dada naa ñuñayiu.

San Mateo 24:14 Referans Kwoze

Apocalipsis 14:6

Te n‑xini ntuku‑da ɨnka ángel xiko nde dava andɨu. Juñaꞌa‑ia nuu nandɨkaa nandituꞌu ñayiu xndaxio ñuñayiu nax kada‑i xa nanitaꞌu‑i. Ná n‑jaꞌan Ianyuux xa dananitaꞌu‑ia ñayiu, daa yaꞌa, te kutuu koio‑i xiꞌin‑ia nɨkava nɨkuita.

Romanos 10:18

Maxku ku jaꞌan‑ro xa ñatu n‑ka teku ñayiu jan xa n‑ka jaꞌan‑ro, chi n‑ka teku‑i. Dɨuni duꞌa yodotnuni tnuꞌu Ianyuux: Ntdantuꞌu ñuu io ñuñayiu n‑ka teku ñayiu nax kuu xa n‑jaꞌan Ianyuux. Nde dɨkɨ ñuñayiu xiꞌin nde xeꞌe ñuñayiu ka xini ñayiu nax n‑kida‑ia.

San Lucas 24:47

Xyodotnuni xa io xa tundaꞌa ñaꞌa‑r jɨꞌɨn ntdantuꞌu ñuu ñuñayiu xa jaꞌan koio‑n nuu ñayiu nax io xa kada‑i xa na natu ini‑i xa n‑ka kida‑i kuechi, te taxkanu ini ñaꞌa Ianyuux. Io xa duꞌa kada koio‑n kiꞌna ka Jerusalén.

Colosenses 1:23

Jini‑ia xa n‑ka ndundoo n‑ka ndunini‑n xiꞌin xa ña tuu ka na kuechi xndido xtau‑n xiꞌin xa n‑ka nduu‑n ñayiu ii nux dani na kukanu ini naꞌi‑n‑ia, te nux dani na jun ini‑n xa ndixi‑ia. Na n‑ka teku‑n xa dananitaꞌu ñaꞌa Ianyuux, n‑ka teku‑n xa kutuu koio‑n xiꞌin‑ia nɨkava nɨkuita. Kueꞌe ñayiu ñuu ñuñayiu n‑ka teku xa dananitaꞌu ñaꞌa Ianyuux xiꞌin xa kutuu koio‑i xiꞌin‑ia nɨkava nɨkuita. Xaꞌa jaꞌan daña, Spalu nuu ñayiu. Mudu yaꞌa xinokuechi‑da nuu Ianyuux.

San Mateo 10:7

Jaꞌan koio‑n nuu ñayiu nuu jɨꞌɨn koio‑n xa vax kuyatni kɨu taxnuni Ianyuux nuu ñayiu ñuñayiu.

San Mateo 9:35

N‑ka xikonuu‑da xiꞌin Jesús ntaka ñuu naꞌnu xiꞌin ñuu kuechi io ijan. N‑dakuaꞌa‑ia ñayiu ntaka veñuꞌu kuechi Israel. N‑jaꞌan‑ia nax kada‑i xa kɨu tnaꞌa‑i nuu ñayiu taxnuni Ianyuux nuu‑i. N‑xo ndadavaꞌa‑ia ñayiu ka tnaꞌa davaꞌa nga kueꞌe.

Colosenses 1:6

Kueꞌe ñayiu ñuu ñuñayiu n‑ka teku xaꞌa, te ka jandixa‑i Cristu, te ka kida‑i xavaꞌa, te ka teku ka dava ñayiu juaꞌan. Dani ndixi, nde na n‑ka teku‑n nax n‑kida Ianyuux xa nanitaꞌu‑n te n‑ka jandixa‑n xa ɨɨn xandaa kuu, nde daa ka kida‑n xavaꞌa. Dɨuni ka teku ka ñayiu ñuu‑n xaꞌa juaꞌan.

San Mateo 24:6

Kɨu na teku koio‑n xa jantnaꞌa ɨɨn ñuu xiꞌin ɨnka ñuu, te dɨuni teku tnuꞌu‑n xa jantnaꞌa ɨɨn nación xiꞌin ɨnka nación, maxku ñaꞌa chi ini koio‑n. Maxku kundu ini‑n. Kiꞌna ka io xa yaꞌa ntdaa xijan, ijan dada naa ñuñayiu.

San Mateo 4:23

Ijan dada n‑xikonuu Jesús nituꞌu distrito Galilea. N‑dakuaꞌa‑ia ñayiu Israel xiti veñuꞌu kuechi ñuu xiꞌin ñuu. N‑jaꞌan‑ia tnuꞌu Ianyuux nuu ñayiu. N‑kakuneꞌe‑ia xa taxnuni Ianyuux nuu ñayiu ñuñayiu. Tnuꞌu vaꞌa kuu. Dɨuni n‑ndadavaꞌa‑ia ñayiu ka tnaꞌa ntdaa nuu kueꞌe. N‑ndadavaꞌa‑ia nuu ka xaxiaꞌan du.

Hechos 17:6

ko ñayo‑s n‑ka naniꞌi ñaꞌa. Te n‑ka tnɨɨ‑s Jasón xiꞌin dava ñayiu n‑ka kukanu ini Jesucristu. Ndeka ñaꞌa juexa‑s juaꞌan nuu juxtixia ñuu jan. Ka kana‑s: —Se yaꞌa ka kida xa ka ndandita ñayiu ñuñayiu nuu se ka taxnuni nuu‑i, te n‑ka kixee‑s xa dani kada‑s yaꞌa,

Apocalipsis 3:10

Ka kida‑n xa n‑taꞌu tniu‑r, te juini ndaꞌu ka yaꞌa‑n, ka kundee ini‑n. Xaxeꞌe xijan chindee ñaꞌa‑r hora na dajaꞌan ñaꞌa Kuiꞌna xa kada koio‑n kuechi. Vax kuyatni kɨu xee ntuku‑i te dajaꞌan‑i ntdaa ñayiu ñuñayiu xa kada‑i kuechi.

Hechos 20:25

ʼNi ɨɨn ndixi, ñayiu n‑ka teku tnuꞌu n‑jaꞌan‑da na n‑xikonuu‑da xa n‑kakuneꞌe‑da xa taxnuni Ianyuux nuu ñayiu, mayo ka jini ñaꞌa.

San Mateo 24:3

Te juaꞌan koio‑da xiꞌin‑ia Yuku Tnu Olivo. Daa ni kueꞌe ñayiu xndijun ñaꞌa. N‑nukoo‑ia ijan te n‑ka xetuꞌa‑da‑ia. N‑ka xijan tnuꞌu‑da‑ia: —Kachitnuꞌu ñaꞌa‑n na kɨu yaꞌa ntdaa xijan. ¿Na seña taxi Taa‑ro Ianyuux xa na kutnuni ini koio‑da xa vax kuyatni kɨu ndixi‑n ñuñayiu, te naa ñuñayiu?

Apocalipsis 16:14

Xaloko ijan kida milagru te nadataka koio‑i se ka taxnuni nituꞌu ñuñayiu xa jantnaꞌa‑s kɨu ndadandaa Ianyuux kuechi ñayiu.

San Lucas 4:5

Ijan te ndeka ñaꞌa Kuiꞌna juaꞌan ɨɨn nuu dujun, te nuniꞌno ni n‑dandeꞌa ñaꞌa‑i ntdaa ñuu ñuñayiu nuu ka taxnuni se ka taxnuni.

Hechos 1:2

N‑kixeꞌe‑ia xa kada‑ia tniu‑ia te dani n‑kidatniu‑ia xa nde kɨu juan ndaa‑ia andɨu. Antecas xa n‑ndaa‑ia andɨu n‑taꞌu tniu‑ia nuu se n‑kaxí‑ia xa kada koio‑s xa n‑jaꞌan Espíritu Ianyuux nuu‑ia xa kada‑s. Te dɨuni n‑jaꞌan‑ia nuu se n‑kaxí‑ia jan xa tundaꞌa‑ia‑s xa juña tnuꞌu koio‑s ñayiu xa n‑jaꞌan‑ia.

Hechos 11:28

Ɨɨn‑s nani Agabo. Nu n‑ka xee‑s ijan, n‑ka taka ñayiu nuu‑s, te n‑jaꞌan Agabo nuu‑i. N‑kida Espíritu Ianyuux xa n‑jaꞌan‑s xa koo tnama nituꞌu nación ijan, te daa n‑yaꞌa tiempo n‑xo kuu Claudio emperador.

San Mateo 18:19

Najaꞌan ntuku‑r nuu‑n nux na kada ɨnuu‑n xa kajan taꞌu koio‑n nuu Ianyuux, Ia tuu andɨu, xa kada‑ia ɨɨn xa juini koio‑n, daa kada‑ia juini uu ni‑n na kajan taꞌu koio.

San Lucas 2:1

Tiempu ijan, n‑taꞌu tniu Augusto César, se kuu emperador, xa nkodotnuni dɨu ntdaa ñayiu xndaxio ntakaa ñuu nuu n‑taxnuni‑s xa jini‑s nuu nadaa‑i io. Te n‑xe kodotnuni xa n‑taꞌu tniu‑s.

San Marcos 13:10

Duꞌa koo, chi antecas xa xinokava ntdaa xa io, te io xa juña tnuꞌu koio se jandixa ñaꞌa mee‑r tnuꞌu vaꞌa Ianyuux nuu ntdaa ñayiu ñuñayiu.

Hechos 17:31

N‑xantuu Ianyuux kɨu ndadandaa‑ia kuechi n‑ka kida ñayiu, te ndaa kada‑ia. Kada‑ia xa xaꞌa kada ɨɨn se kada. Kuu‑s Ia n‑kaxí dɨɨn‑ia. Ka xini‑da xa daa yaꞌa chi n‑nadandoto Ianyuux‑ia —kuu Spalu, xiaꞌan‑s.

Hechos 19:27

Ñadu xavaꞌa kuu xa kida‑s, chi dakuita‑s tniu‑ro, te dɨuni mayo ka ñayiu chinuu veñuꞌu Artemisa, ia yo ndandɨꞌɨ, ia ka ndadakaꞌnu ntdaa ñayiu xndaxio Asia xiꞌin nɨkaꞌnu ñuñayiu. Dɨuni mayo ka‑i ku jaꞌan xa ndandɨꞌɨ‑ia, ni mayo ka jandixa xa kuu‑ia ianyuux —kuu Demetrio, xiaꞌan‑s.

Hebreos 1:6

Na n‑kida Ianyuux xa n‑kixee Daꞌya Yɨɨ‑ia ñuñayiu, n‑jaꞌan‑ia nuu‑ia: Na ndadakaꞌnu ñaꞌa koio ntdaa ia ka xinokuechi nuu‑r.

Hebreos 2:5

Kakuneꞌe‑ro ñuñayiu ta koo ka. Ña n‑kida Ianyuux xa taxnuni koio ángel, ia ka xinokuechi nuu‑ia, nuu ñuñayiu jan.