San Mateo 22:19 - New Testament in Mixtec Diuxi-tilantongo

¹⁹ Dandeꞌa ñaꞌa ɨɨn tvini roma. Te n‑ka dandeꞌa‑s‑ia tvini ijan.

San Mateo 22:19 Referans Kwoze

Apocalipsis 6:6

Meꞌñu nkoon kɨt dana xndaa jan n‑teku‑da xa n‑jaꞌan ntuku: —Xa jenyaꞌu ɨɨn seyɨɨ xa kidatniu‑s ɨɨn kɨu yaꞌu ɨɨn litro trɨu. Dani yaꞌu uni litro cebada. Maxku datɨu‑n aciti xiꞌin vinu na ñaꞌa nkaa yaꞌu.

San Mateo 20:2

N‑jaꞌan‑s xiꞌin‑s xa chiyaꞌu‑s‑sɨ ɨɨn denario xa kadatniu‑s ɨɨn kɨu te n‑tundaꞌa ñaꞌa‑s; juaꞌan‑s nuu ñuꞌu tnu uva‑s.

San Mateo 18:28

Te juan nuꞌu se n‑xo tau kueꞌe millón jan, te n‑nanitnaꞌa‑s xiꞌin ɨnka se xinokuechi nuu se kunxaꞌnu jan. Dɨuni tau se ijan nuu‑s, ko xaku ni tau‑s. N‑tnɨɨ‑s dujun se ijan. N‑nukuita‑s dakueꞌne‑s‑sɨ te xiaꞌan‑s: “Nataxi xa tau‑n nuu‑r.”

San Mateo 17:25

N‑jaꞌan Spedru: —Joon —kuu‑s, xiaꞌan‑s. Ijan dada n‑kɨu Spedru xiꞌin Jesús veꞌe‑ia, te kiꞌna ka‑ia n‑jaꞌan. N‑xijan tnuꞌu‑ia‑s: —Simón, ¿Nax xani ini‑n? Se taxnuni nuu ñayiu ñuñayiu, ¿jundu nuu ka xijan‑s tvini? ¿Ka xijan‑s tvini nuu ñayiu ñuu‑s a ka xijan‑s tvini nuu ñayiu ɨnka ñuu a?

San Mateo 22:18

N‑kutnuni ini Jesús xa xaloko ka juini‑s. Xijan kuu xa xiaꞌan‑ia nuu‑s: —Ka kida nga‑n xa vaꞌa‑n. ¿Nakuenda ka xitotnuni ñaꞌa‑n?

San Mateo 22:20

Nu n‑xini Jesús tvini jan te n‑xijan tnuꞌu‑ia‑s: —¿Jundu nuu ndenee nuu tvini yaꞌa? ¿Jundu dɨu ndenee?

San Marcos 12:16

Xneꞌe‑s ɨɨn tvini n‑xee nuu‑ia. N‑xiaꞌan‑ia: —¿Jundu nuu ndenee nuu tvini yaꞌa? ¿Jundu dɨu yodotnuni nuu tvini yaꞌa? N‑ka jaꞌan‑s: —Se kuu emperador, se nani César.