San Mateo 21:43 - New Testament in Mixtec Diuxi-tilantongo

⁴³ Xaxeꞌe xa duꞌa yaꞌa ma taxnuni koio ka‑n nuu ñayiu ka jandixa xa taxnuni Ianyuux nuu‑i, te kada‑r xa ñayiu ña ka kuu ñayiu Israel taxnuni nuu ñayiu kɨu tnaꞌa nuu ñayiu ka jandixa xa taxnuni Ianyuux nuu‑i. Ñayiu ijan kada xa taꞌu tniu‑r.

San Mateo 21:43 Referans Kwoze

San Mateo 21:41

Te ka xiaꞌan dutu ka taxnuni xiꞌin sexaꞌnu ka kunxaꞌnu n‑ka xee ijan: —Kaꞌni‑s se unu loko ijan. Ma kundaꞌu ini‑s‑sɨ. Juñaꞌa ntuku‑s ñuꞌu‑s ɨnka se kundee xiꞌin‑s tnu uva jan. Se ijan na kaꞌnde dava xiꞌin‑s uva yoo tnɨɨ koio‑s —kuu‑s, ka xiaꞌan‑s nuu Jesús.

1 Pedro 2:9

Ko mee‑n ka kuu‑n ñayiu n‑kaxí ñaꞌa Ianyuux. Ia kunxaꞌnu ka kuu‑ia, te mee‑n ka kuu dutu nuu‑ia. N‑kida dɨɨn ñaꞌa‑ia, xa kada koio mee‑n xa juini mee‑ia. Ñayiu ñuu mee‑ia ka kuu‑n. Juñaꞌa‑n xa n‑kutaꞌu‑n nuu‑ia. Jaꞌan‑n nuu ntdaa ñayiu xa Ia kunxaꞌnu ka kuu‑ia. Kuu ná kuu xa n‑ka xo xika‑n nuu nee, ko n‑jaꞌan ñaꞌa‑ia, xa kee koio‑n nuu nee, xa kunduu koio‑n xiꞌin mee‑ia nuu kanda vaꞌa xa vaꞌa.

San Juan 3:3

N‑jaꞌan Jesús: —Xandaa kuu xa jaꞌan‑r. Nux ma nakaku ɨɨn ñayiu ɨnka vuelta, ma kuaꞌa‑i xa jini‑i nuu taxnuni Ianyuux.

San Juan 3:5

N‑jaꞌan Jesús: —Xandaa kuu xa jaꞌan‑r. Nux ndute ma nakaku ɨɨn ñayiu, ma kuaꞌa‑i xa kɨu‑i nuu taxnuni Ianyuux. Te nux ma kada Espíritu Ii xa nakaku‑i, te ma kuaꞌa‑i xa kɨu‑i nuu taxnuni Ianyuux.

1 Corintios 13:2

Nux xian tnuꞌu‑da tnuꞌu Ianyuux nuu ñayiu, ko ña xemani‑da‑i, te duꞌa ñatu yaꞌu‑da ni ɨɨn. Nux kaꞌu‑da tnuꞌu Ianyuux, nde kutnuni ini‑da ntdaa xa n‑dandeꞌa ñaꞌa‑ia mee‑ro, ko ñatu xiniñuꞌu‑da ni itaꞌu, nux ña xemani‑da ñayiu. Nux io‑da kueꞌe confianza nuu Ianyuux, nde xa kuaꞌa‑da xa kajan‑da nuu‑ia xa dakanda‑ia yuku te najantuu‑ia yuku ɨnka lado, ko ña yaꞌu‑da ni ɨɨn, nux ña xemani‑da ñayiu.

San Mateo 12:28

Espíritu Ianyuux kida xa kineꞌe‑r xaloko. Xaxeꞌe xa kida‑ia xa kineꞌe‑r‑yɨ, xijan kuu xa ka xini‑n xa n‑kixeꞌe xa taxnuni Ianyuux nuu‑n, te io xa jandixa koio‑n‑ia.

San Mateo 21:42

Te xiaꞌan‑ia nuu‑s: —¿Ta kaꞌu koio ka‑n tnuꞌu Ianyuux duꞌa yodotnuni a?: Ná kuu yuú ña xe ini se ka kidavaꞌa veꞌe kuu‑s. Yuú ña n‑ka xe ini se ijan n‑ndunuu yɨtnɨɨ nama veꞌe. N‑kida Ianyuux, Ia kuu Xtoꞌo‑ro, xa na jini‑ro xa ña uu n‑xini‑ro.

San Mateo 21:44

Ñayiu na jungava ndodo nuu yuú ijan, kukuechi‑i, te nux junkava ndodo ñaꞌa yuú jan, dandiꞌi ñaꞌa‑i —kuu Jesús, xiaꞌan‑ia.