San Mateo 19:14 - New Testament in Mixtec Diuxi-tilantongo

¹⁴ Te n‑jaꞌan Jesús nuu‑da ntdaa‑da: —Daa na kandeka naꞌi ñayiu sekuechi xiꞌin dichi kuechi kixi nuu‑r te maxku dadaꞌan koio‑n‑yɨ, chi ñayiu n‑ka kɨu tnaꞌa nuu ñayiu ka jandixa xa taxnuni Ianyuux nuu‑i kuu ná kuu dichi kuechi xiꞌin sekuechi.

San Mateo 19:14 Referans Kwoze

San Mateo 18:3

Te n‑jaꞌan‑ia: —Nux xandaa xakuiti ma ku kuu‑n ná ka kuu sekuechi xiꞌin dichi kuechi, ma kuu xa kɨu tnaꞌa‑n nuu ñayiu taxnuni‑ia nuu‑i.

1 Corintios 14:20

Ñani‑da kuꞌa‑da, maxku kani ini koio ka‑n ná ka xani ini sekuechi. Ko vatuka xa ku kuu koio mee‑n ná kuu seyɨjɨn, xa maxku kada koio ka‑n xa uꞌu. Ko hora kani ini‑n, io xa kani ini vaꞌa‑n, ná ka xani ini sexaꞌnu.

San Marcos 10:14

Na n‑xini Jesús nax ka kida se dakuaꞌa‑ia, n‑kiti ini‑ia. N‑xiaꞌan‑ia: —Juejoon xa na kix naꞌi sekuechi, dichi kuechi nuu mee‑r, maxku kudeen ka‑n nuu ñayiu de. Chi ná kuu sekuechi, dichi kuechi yaꞌa, da kuu ñayiu kutuu vaꞌa nuu taxnuni Ianyuux.

San Mateo 11:25

Ijan dada n‑kixeꞌe‑ia xa jaꞌan‑ia nuu Taa‑ro Ianyuux: —Taa‑ro Ianyuux, Ia taxnuni andɨu xiꞌin ñuñayiu, ndadakaꞌnu ñaꞌa‑da, chi ñatu n‑datuu‑n xaꞌa nuu ñayiu ka tuꞌa vaꞌa tutu, ñayiu io xaxtnuni xa kutnuni ini‑i, ko n‑datuu‑n ntdaa xaꞌa nuu ñayiu ña ka tuꞌa. Ná kuu sekuechi ka kuu‑i.

San Mateo 5:3

—Na jaꞌan‑r xa ñayiu ka xani ini xa ma dananitaꞌu ñaꞌa Ianyuux xaxeꞌe xa yo n‑ka kida‑i kuechi, te n‑ka natu ini‑i xa n‑ka kida‑i kuechi, naka taꞌu‑i chi kɨu tnaꞌa‑i nuu ñayiu ka jandixa xa taxnuni Ianyuux nuu‑i.

San Mateo 5:10

ʼÑayiu kida xa juini Ianyuux te ndaꞌu yaꞌa‑i xaxeꞌe‑ia, naka taꞌu‑i chi jɨꞌɨn‑i nuu taxnuni‑ia.

San Mateo 19:15

N‑xinokava xa n‑xajan ndodo‑ia ndaꞌa‑ia dɨkɨ sekuechi xiꞌin dichi kuechi jan. Ijan dada n‑kee‑ia. Juaꞌan‑ia, te xndijun‑da‑ia juaꞌan.

San Marcos 10:15

Xandaa kuu xa jaꞌan‑r. Io xa ku kuu koio ñayiu ná kuu sekuechi, dichi kuechi yaꞌa. Ndeda ɨɨn ñayiu ma juejoon xa taxnuni Ianyuux anu‑i, nuncas ma kuaꞌa‑i xa kutuu vaꞌa‑i xiꞌin Ianyuux.