San Mateo 16:17 - New Testament in Mixtec Diuxi-tilantongo

¹⁷ Te xiaꞌan‑ia nuu‑s: —Taꞌu kuu ndoꞌo, Simón, daꞌya yɨɨ Jonás, ñadu ñayiu n‑kachi tnuꞌu ñaꞌa xaꞌa, chi Taa‑ro Ianyuux, Ia tuu andɨu n‑kachi tnuꞌu ñaꞌa.

San Mateo 16:17 Referans Kwoze

San Juan 6:45

Se xian tnuꞌu tnuꞌu Ianyuux nuu ñayiu, n‑ka chidotnuni‑s: “Dakuaꞌa Ianyuux mee‑i, ntdaa‑i.” Ntdaa ñayiu n‑ka teku tnuꞌu Ianyuux, te n‑ka dakuaꞌa‑i tnuꞌu‑ia, kunduu koio mee‑i xiꞌin mee‑r.

1 Juan 5:20

Naꞌa‑ro xa n‑kixi Daꞌya Yɨɨ Ianyuux ñuñayiu. Naꞌa‑ro xa n‑kida‑ia xa kutnuni ini‑ro jundu kuu‑ia, n‑kida‑ia xa jini‑ro Ianyuux Ndaa. Kunduu‑ro xiꞌin Ianyuux Ndaa, chi kunduu‑ro xiꞌin Daꞌya Yɨɨ‑ia, Jesucristu. Ianyuux Ndaa kuu‑ia, te kida‑ia xa kutuu vaꞌa mee‑ro, xiꞌin mee‑ia kuia ma jɨn ndɨꞌɨ.

1 Corintios 15:50

Ñani‑da kuꞌa‑da, jaꞌan‑da nuu‑n xa ña kuaꞌa xa kutuu yɨkɨ kuñu‑ro io vitna nuu taxnuni Ianyuux. Xa vax ndɨꞌɨ, ma kuaꞌa‑i xa kutuu‑i nuu ma jɨn ndɨꞌɨ ni ɨɨn.

Efesios 3:5

Ñatu n‑datuu Ianyuux xijan nuu ñayiu antes, ko vitna n‑datuu Espíritu‑ia nuu se n‑tundaꞌa ñaꞌa Jesús xa dakuaꞌa koio‑s ñayiu xiꞌin nuu se ka jaꞌan nuu ñayiu xa n‑jaꞌan Espíritu Ianyuux nuu‑s. N‑kida Ianyuux xa n‑ka nduu‑s se ii.

1 Juan 4:15

Ɨɨn ñayiu, nux jandixa‑i xa Jesús kuu Daꞌya Yɨɨ Ianyuux, duꞌa kunduu Ianyuux xiꞌin mee‑i, te kunduu mee‑i xiꞌin Ianyuux.

1 Pedro 5:1

Vitna jaꞌan‑da nuu ntdaa sexaꞌnu ka taxnuni nuu mee‑n ka jandixa Cristu. Mee‑da tuku, kuu‑da ɨɨn sexaꞌnu taxnuni nuu ñayiu ka jandixa Cristu. Xiꞌin nuu mee‑da n‑xini‑da Cristu, hora kueꞌe vida n‑yaꞌa‑ia. Te mee‑da tuku, kutuu‑da xiꞌin‑ia, hora dandeꞌa‑ia ñayiu xa taxnuni‑ia nuu‑i.

Efesios 2:8

N‑dananitaꞌu ñaꞌa Ianyuux, ko xaxeꞌe xa vaꞌa‑ia xiꞌin xaxeꞌe xa n‑kundaꞌu ini ñaꞌa‑ia xiꞌin xaxeꞌe xa kukanu ini‑ro Jesucristu; ñadu xaxeꞌe xa ka kida‑ro xavaꞌa. Ña tuu nax n‑jenyaꞌu‑ia. Nakutaꞌu‑ro xa daa n‑kida ñaꞌa‑ia.

San Juan 1:42

Ndeka Ndrixi Simón juaꞌan nuu Jesús. Na n‑xini Jesús Simón, n‑jaꞌan‑ia: —Ndoꞌo kuu Simón, daꞌya Jonás. Danani ñaꞌa‑r Cefas. (Cefas juini kachi: Spedru. Te Spedru juini kachi: yuú kaꞌnu ka.)

Hebreos 2:14

Ná kuu daꞌya ñayiu ɨɨn keveꞌe, xa io kuñu‑i io nɨñɨ‑i, da n‑xio kuñu nɨñɨ Jesús. Ná kuu mee‑ro, n‑nduu mee‑ia. Na n‑xiꞌí Jesús, n‑danaa‑ia kuiꞌna, xiꞌin xa taxnuni kuiꞌna nuu ñayiu. Chi, xiꞌin xa n‑kida kuiꞌna xa kuú koio ntdaa ñayiu, n‑taxnuni‑i nuu ntdaa ñayiu.

Efesios 6:12

Kuenda kɨu jantnaꞌa‑ro xa ndeꞌe ka ndukundee‑ro xa maxku kada‑ro kuechi hora ka dajaꞌan ñaꞌa xaloko xiꞌin tachi loko xiꞌin mee Kuiꞌna taxnuni nuu ntdaa xaꞌa. Kuenda kɨu ka jantnaꞌa‑ro, ko ñadu ñayiu ka jantnaꞌa xiꞌin‑ro chi xaloko. Ka xikonuu‑i andɨu xiꞌin ñuñayiu, te ka taxnuni‑i nuu ñayiu loko xtuu ñuñayiu. Ñatu ka kida‑ro kuechi hora dajaꞌan ñaꞌa Kuiꞌna xa kada‑ro nux xndedi ini‑ro.

San Lucas 22:32

N‑xijan taꞌu‑r nuu Ianyuux xaxeꞌe mee ni‑n na ñaꞌa nujani‑n xa jandixa‑n Ianyuux. Hora na jandixa ntuku‑n Ianyuux ɨnka vuelta, te chindee‑n se ka kunduu xiꞌin‑ro ya xa na jandixa naꞌi‑s‑ia.