San Mateo 13:10 - New Testament in Mixtec Diuxi-tilantongo

¹⁰ Te n‑ka xetuꞌa ntdaa daña‑ia. Ka xiaꞌan‑da: —¿Nakuenda jaꞌan‑n tnuꞌu ñayo ñayiu kutnuni ini?

San Mateo 13:10 Referans Kwoze

San Marcos 4:10

Ndɨꞌɨ ñayiu juan nuꞌu. Menga Jesús, xiꞌin uxi uu se dakuaꞌa‑ia, xiꞌin ɨnka se ka kunduu xiꞌin‑ia, n‑ka ndoo. N‑ka xijan tnuꞌu‑s‑ia nax juini kachi tnuꞌu n‑xiaꞌan‑ia.

San Mateo 13:3

Kueꞌe xa n‑jaꞌan‑ia nuu‑da ntdaa‑da xa dakuaꞌa ñaꞌa‑ia. N‑jaꞌan‑ia: —N‑xio ɨɨn se xitu trɨu. Juan dadaꞌu‑s trɨu‑s.

San Mateo 13:9

Xaxeꞌe xa xnini‑n xa jaꞌan‑r kunini vaꞌa koio xa na kutnuni ini‑n.

San Mateo 13:11

Te n‑jaꞌan Jesús nuu‑da ntdaa‑da: —Kida Ianyuux xa kutnuni ini koio‑n xa mee‑ni‑ia naꞌa, ko dava ka ñayiu ñatu juini‑ia xa kutnuni ini‑i. Xa kakuneꞌe‑r kuu xa tuu‑ia andɨu te taxnuni‑ia nuu‑n.

San Lucas 8:9

Ijan dada juaꞌan dɨɨn Jesús xiꞌin se dakuaꞌa‑ia, te n‑ka xijan tnuꞌu ñaꞌa‑s nax kuu xa dijan n‑najani‑ia.