San Marcos 9:12 - New Testament in Mixtec Diuxi-tilantongo

¹² N‑xiaꞌan‑ia: —Xandaa kuu xa kiꞌna ka ndixi Elías xa ndadavaꞌa‑s ntdaa. Te jaꞌan tnuꞌu Ianyuux xa kueꞌe vida yaꞌa Se kuu ñani tnaꞌa ñayiu, te jaꞌan ñayiu xa ña ndoñuꞌu ñaꞌa‑i.

San Marcos 9:12 Referans Kwoze

San Lucas 23:11

N‑jaꞌan Herodes xiꞌin soldado‑s xa ña tuu nax juun ñaꞌa‑s. N‑ka xakundee‑s‑ia. N‑ka dakɨu nuu‑s‑ia daꞌma diñu, daꞌma se taxnuni xa kueku ndee‑s‑ia, te n‑nadayaꞌa‑s‑ia nuu Pilato.

San Lucas 1:76

Te n‑jaꞌan‑s nuu seluchi jan: Ndoꞌo, seluchi, jaꞌan‑n tnuꞌu Ianyuux, Ia taxnuni ka nuu ñayiu. Kiꞌna ka‑n n‑kixee dada Ia kuu Xtoꞌo‑ro xa kada tuꞌa‑n ñayiu xa na xe ini‑i‑ia.

San Lucas 23:39

Ɨɨn se kueꞌe kuechi n‑kida ntakaa dika curuxi jan, kuiꞌa n‑jaꞌan‑s nuu Jesús. Xiaꞌan‑s: —Nux kuu‑n Cristu dakaku‑n mee‑n, te dani dakaku ñaꞌa.

San Mateo 26:24

Yaꞌa mee‑r, Ia kuu ñayiu, ná yodotnuni tnuꞌu Ianyuux, te ndaꞌu yaꞌa se kada xa tnɨɨ ñaꞌa juxtixia. Vaꞌa ka nuu n‑xiꞌí niꞌno‑s xiti dɨꞌɨ‑s n‑kuu —kuu‑ia.

San Mateo 16:21

Daa n‑kixeꞌe Jesús xa kachitnuꞌu ñaꞌa‑ia ntdaa daña, se dakuaꞌa ñaꞌa‑ia nuu nax yaꞌa. N‑jaꞌan‑ia xa io xa jɨꞌɨn‑ia Jerusalén, te io xa kada uꞌu ñaꞌa sexaꞌnu ka taxnuni nuu ñayiu país‑ro xiꞌin dutu ka taxnuni xiꞌin se ka tuꞌa vaꞌa ley n‑chidotnuni Moisés. Dɨuni n‑jaꞌan‑ia xa io xa kaꞌni ñaꞌa koio‑s te nandoto‑ia nuu uni kɨu.

San Marcos 9:13

Ko jaꞌan‑r nuu mee‑n xa xá n‑ndixi Elías. Te n‑ka kida ñayiu Elías ntdaa xa n‑ka juini mee‑i. Nani yodotnuni tnuꞌu Ianyuux, dani n‑ka kida‑i‑sɨ.

San Marcos 9:31

Chi n‑dakuaꞌa‑ia se dakuaꞌa‑ia. N‑xiaꞌan‑ia: —Ɨɨn seyɨɨ, diko‑s Se kuu ñani tnaꞌa ñayiu nuu se kaꞌni‑s. Kaꞌni koio‑s‑sɨ, te nuu uni kɨu nandoto‑s.

San Marcos 10:33

N‑xiaꞌan‑ia: —Vitna, jɨn xee‑ro Jerusalén, te diko ɨɨn seyɨɨ Se kuu ñani tnaꞌa ñayiu, nuu dutu ka taxnuni, xiꞌin se ka tuꞌa vaꞌa tnuꞌu n‑chidotnuni Moisés. Taꞌu tniu koio‑s xa kuú Se kuu ñani tnaꞌa ñayiu, te kandeka ñaꞌa‑s jɨꞌɨn nuu ñayiu ña ka kuu ñayiu Israel.

Hechos 1:6

N‑ka nataka ñayiu nuu Jesús, te n‑ka xijan tnuꞌu‑i‑ia: —¿Kada‑n xa taxnuni ntuku se Israel vitna u? Xiaꞌan Jesús nuu‑i:

Hechos 4:11

“Kuenda kɨu ɨɨn yuú ña n‑ka xe ini se ka kidavaꞌa veꞌe kuu‑ia, ko yuú ijan n‑nduu yuú n‑ndunuu yɨtnɨɨ veꞌe jan vitna.”