San Marcos 8:23 - New Testament in Mixtec Diuxi-tilantongo

²³ N‑tnɨɨ‑ia ndaꞌa‑s, te ndeka‑ia‑s juaꞌan nde yuñuu. Ijan n‑xajan‑ia dɨɨ‑ia nduchi nuu‑s, te n‑tenee‑ia ndaꞌa‑ia nuu‑s. N‑xijan tnuꞌu‑ia‑s: —¿Nukondeꞌa‑n itaꞌu a?

San Marcos 8:23 Referans Kwoze

San Marcos 7:33

N‑dandoo‑ia ñayiu jan, te ndeka dɨɨn‑ia se kuꞌu juaꞌan. Dɨkɨ ndaꞌa‑ia n‑tnɨɨ‑ia yau doꞌo‑s, te xiꞌin dɨkɨ ndaꞌa‑ia n‑xajan‑ia dɨɨ‑ia yaa‑s.

San Marcos 5:23

Kueꞌe n‑xijan‑s: —Daꞌya‑da xá io‑i xa kuú‑i. Na jɨꞌɨn‑ro veꞌe‑da xa kajan ndodo‑n ndaꞌa‑n mee‑i, xa ndvaꞌa‑i te kutuu vaꞌa‑i.

Hechos 9:8

Ijan dada n‑ndokoo Saulo, ko nu n‑najaan‑s nuu‑s, ña n‑kuu ka xa kundeꞌa‑s chi n‑kuaa‑s. Xijan kuu xa n‑ka tnɨɨ se ndeka tnaꞌa xiꞌin‑s ndaꞌa‑s te xtañuꞌu ñaꞌa‑s juaꞌan Damasco.

Apocalipsis 3:18

Jueen koio oro n‑ndee nini nuu nuꞌu koko nuu‑r xa na kukuika‑n. Jueen koio daꞌma kuixi nuu‑r xa kuiꞌno‑n xa maxku yaꞌa ka‑n xa januu chi kuenda kɨu ñayiu io vichi ka kuu‑n. Jueen koio tatna nuu‑r xa kutatna nduchi nuu‑n xa na nukondeꞌa‑n chi kuenda kɨu ñayiu kuaa ka kuu‑n.

Hebreos 8:9

Tratu xee, ñatu kuu ná kuu tratu n‑kida‑r xiꞌin taxaꞌnu tnetnu ñayiu jan. N‑daneꞌe‑r ñayiu jan, te ndeka‑r ñayiu jan juaꞌan, xa kee koio‑i ñuu nani Egipto. Ko ña n‑ka jandixa‑i tratu n‑kida‑r, te xijan kuu xa n‑dandoo‑r‑yɨ”, kuu Xtoꞌo‑ro xiaꞌan‑ia.

San Marcos 8:24

Ndeꞌa‑s, te n‑jaꞌan‑s: —Ndeꞌa‑da seyɨɨ. Ná xndaa yutnu xndaa‑s, ko ka xikonuu‑s.

San Marcos 8:26

N‑tundaꞌa‑ia‑s xa nuꞌu‑s veꞌe‑s. N‑xiaꞌan‑ia: —Maxku ndɨu‑n ñuu katuu yaꞌa vitna. Maxku najani‑n nuu ni ɨɨn ñayiu yaꞌa nax n‑kuu.

Hechos 23:19

N‑tnɨɨ comandante jan ndaꞌa solteru jan, te ndeka dɨɨn ñaꞌa‑s juaꞌan ɨɨn lado, te n‑xijan tnuꞌu ñaꞌa‑s: —¿Nax juini‑n xa jaꞌan‑n nuu‑r?