San Marcos 8:17 - New Testament in Mixtec Diuxi-tilantongo

¹⁷ Te n‑teku Jesús nax n‑ka jaꞌan‑s, te n‑xiaꞌan‑ia: —¿Nax kuu xa ka ndatnuꞌu‑n xa ña tuu na tila neꞌe‑n? ¿Ta kutnuni ka ini‑n a? ¿Ñatu juini‑n xa kutnuni ini‑n?

San Marcos 8:17 Referans Kwoze

San Marcos 6:52

Chi ña n‑ka kutnuni ini‑s nax n‑kuu hora n‑xiaꞌan‑ia tila n‑ka xaxi kueꞌe ñayiu jan. Chi uꞌu n‑ka jandixa‑s.

San Marcos 2:8

Ko naꞌa Jesús nax ka xani ini‑s, te n‑xiaꞌan‑ia: —¿Nakuenda duꞌa ka xani ini‑n?

San Marcos 3:5

Xiꞌin xa kiti ini‑ia n‑xo ndeꞌa‑ia ntdaa se ijan. Yo n‑tnau ini‑ia xaxeꞌe xa ñatu ka juini‑s xa kutnuni ini‑s. N‑jaꞌan‑ia nuu se kuꞌu: —Dakaa ndaꞌa‑n. N‑dakaa‑s ndaꞌa‑s, te hora ijan ni n‑ndvaꞌa‑s.

Apocalipsis 2:23

Kaꞌni‑r ñayiu ka jandixa xa jaꞌan‑ña, te jini ntdaa ñayiu ka kukanu ini ñaꞌa xndaxio uxa ñuu xndatuu Asia de xa ruꞌu xini janda kuu anu‑n ɨɨn ɨɨn‑n, te dɨuni xini‑r nax ka xani ini‑n. Ndeꞌe ka kada uꞌu ñaꞌa Ianyuux nux dani na kada ka‑n xaloko.

San Juan 21:17

N‑xijan tnuꞌu‑ia‑s vuelta kuu uni: —Simón, daꞌya yɨɨ Jonás, ¿xemani ñaꞌa‑n a? N‑tnau ini Spedru, xaxeꞌe xa n‑xijan tnuꞌu‑ia‑s vuelta kuu uni: “¿Xemani ñaꞌa‑n a?” N‑jaꞌan‑s nuu‑ia: —Xtoꞌo‑da, naꞌa mee‑n ntdantuꞌu. Naꞌa‑n xa xemani ñaꞌa‑da. N‑jaꞌan Jesús nuu‑s: —Juñaꞌa xa kax koio tkachi‑r.

San Juan 16:30

Vitna ka xini‑da xa xini mee‑n ntdantuꞌu. Ka xini‑da xa naꞌa‑n ntdaa xa kajan tnuꞌu ñaꞌa koio ñayiu. Xijan kuu xa ka jandixa‑da xa n‑tundaꞌa ñaꞌa Ianyuux mee‑n.

San Lucas 24:25

Te xiaꞌan Jesús nuu‑s: —Naka uꞌu ka kutnuni ini‑n. Naka kuee xa kuee ka jandixa‑n ntdaa tnuꞌu n‑ka chidotnuni se n‑ka jaꞌan tnuꞌu Ianyuux nuu ñayiu.

San Marcos 16:14

N‑ñini ka, n‑ka nukoo uxi ɨɨn se n‑dakuaꞌa‑ia, xa kax koio‑s, te n‑xee Jesús nuu‑s. N‑kudeen‑ia nuu‑s, xaxeꞌe xa ña ka jandixa‑s, te ña juini anu‑s xa jandixa‑s. N‑kudeen‑ia nuu‑s, xaxeꞌe xa ña n‑ka jandixa‑s ñayiu n‑ka xini‑ia xa n‑nandoto‑ia.

San Mateo 15:17

¿Ta keé ini koio ka‑n xa ntdaa xa xaxi‑ro kojon‑ro te keé‑i xiti‑ro a? Ijan dada juun xiti‑ro.

San Mateo 12:15

Nu n‑teku Jesús xijan, n‑kee‑ia ijan. Ntdaa‑da xiꞌin kueꞌe ka ñayiu n‑ka nukuitandijun‑ia. N‑ndadavaꞌa‑ia ntdaa ñayiu kuꞌu.

San Mateo 16:7

Ka xiaꞌan tnaꞌa‑da: —Duꞌa jaꞌan‑ia xaxeꞌe xa ña n‑ka neꞌe‑ro tila.

San Marcos 8:16

Te n‑ka jaꞌan‑s nuu ɨɨn‑s nuu ɨnka‑s: —Duꞌa jaꞌan‑ia xaxeꞌe xa ña tuu na tila neꞌe‑ro.