San Marcos 8:13 - New Testament in Mixtec Diuxi-tilantongo

¹³ Te n‑dandoo‑ia se fariseu jan. Ɨnka vuelta n‑keé‑ia barcu, te n‑xee‑ia nde ɨnka lado yuꞌu ndute kaꞌnu jan.

San Marcos 8:13 Referans Kwoze

Hechos 18:6

N‑ka jaꞌan se ka kuu yatnuꞌu Israel jan xa ñatu jaꞌan ndaa Spalu, te n‑ka nukuita‑s kuiꞌa ka jaꞌan‑s‑sɨ. Xijan kuu xa n‑kɨdɨ Spalu daꞌma‑s xaxeꞌe xa ña n‑tna ini‑s xijan. Te n‑jaꞌan‑s nuu se ka kuu yatnuꞌu Israel jan: —Kuechi mee‑n ka kuu xa ma nanitaꞌu koio‑n; ña tuu na kuechi‑da. Ma dakuaꞌa ñaꞌa ka‑da; jɨꞌɨn‑da nuu se ñatu ka kuu yatnuꞌu Israel vitna —kuu Spalu, xiaꞌan‑s.

San Juan 12:36

Nɨni tuu‑r xiꞌin‑n, io xa jandixa ñaꞌa koio‑n, xa nduu koio mee‑n daꞌya‑r. N‑jaꞌan Jesús tnuꞌu yaꞌa, te juaꞌan‑ia. Ñayo ka‑s naniꞌi ñaꞌa.

San Juan 8:21

Ɨnka vuelta n‑jaꞌan Jesús: —Nuꞌu‑r, te nanduku ñaꞌa koio‑n, ko ma naniꞌi ñaꞌa‑n, te kuú koio‑n xiꞌin kuechi‑n. Nuu nuꞌu mee‑r, te mayo‑n kuaꞌa xa jɨꞌɨn koio‑n.

San Lucas 8:37

Te kueꞌe ñayiu ñuu nadukunduu Gadara n‑ka xee. N‑ka jaꞌan‑i nuu Jesús xa na ndee‑ia ijan chi yo ka yuꞌu‑i. N‑jaꞌan se n‑ndvaꞌa jan nuu Jesús xa na kandeka ñaꞌa‑ia jɨꞌɨn. Te xiaꞌan‑ia: —Juan nuꞌu veꞌe‑n, te najani nax n‑kida ñaꞌa Ianyuux nuu ñayiu xtuu veꞌe‑n. Ijan dada n‑ndee Jesús barcu, te n‑nangondita‑ia. Se n‑ndvaꞌa jan, juan nuꞌu‑s veꞌe‑s, te n‑najani‑s nuu ntdantuꞌu ñayiu ñuu‑s nax n‑kida ñaꞌa Jesús.

San Mateo 15:14

Maxku chinuu‑n xa n‑ka tuyɨka‑s. Kuenda kɨu se kuaa ndeka ɨnka se kuaa juaꞌan ɨɨn nuu juaꞌan‑s ka kuu‑s. Nux ndeka ɨɨn se kuaa ɨnka se kuaa juaꞌan ɨɨn nuu juaꞌan‑s, nduu‑s kekava —kuu Jesús, n‑jaꞌan‑ia.

San Mateo 7:6

ʼMaxku jɨꞌɨn‑n nuu ñayiu ña io daꞌu ni xañuꞌu nuu Ianyuux xa jaꞌan koio‑n tnuꞌu‑ia nuu‑i, chi ka kuu‑i ná kuu ti ina a na kuu kuchi te tnuꞌu‑ia kuu ná kuu perla yo yaꞌu. Kuchi, jueñi niꞌno‑tɨ perla jan, te ti ina, ngokoo‑tɨ te kada kuechi ñaꞌa‑tɨ.

San Marcos 8:12

N‑xenu ini‑ia, te n‑jaꞌan‑ia: —¿Nax kuu xa ka xijan ñayiu yaꞌa ɨɨn milagru? Xandaa kuu xa jaꞌan‑r. Nuu ñayiu yaꞌa, ma dandeꞌa‑r‑yɨ ni ɨɨn.

San Marcos 8:14

Te n‑ka ndunaa se dakuaꞌa‑ia xa kaneꞌe‑s tila jɨꞌɨn. Idini tila neꞌe‑s xiti barcu jan.

Hechos 27:2

Diko nga xa kee ɨɨn barcu n‑kee Adramitio xa kixi‑i yuꞌu mar Asia. N‑ka keé‑da barcu jan. Aristarco nani ɨɨn se tnaꞌa nuu se xndeka tnaꞌa xiꞌin‑da vaxi. Se distrito Macedonia kuu‑s. Tesalónica nani ñuu‑s.