San Marcos 3:7 - New Testament in Mixtec Diuxi-tilantongo

⁷ Ɨnka vuelta juaꞌan Jesús xiꞌin se dakuaꞌa‑ia nde yundute kaꞌnu. N‑ka xe kuitandijun ñaꞌa kueꞌe ñayiu Galilea. Ñayiu Judea du.

San Marcos 3:7 Referans Kwoze

San Lucas 6:17

Te n‑nuu Jesús xiꞌin‑s, te n‑xee‑ia xiꞌin‑s nuu ndaa, ɨɨn nuu io yodo. Kueꞌe xa kueꞌe ñayiu xndijun ñaꞌa. Dani kueꞌe ñayiu dijan n‑ka xee xyuku ijan tuku. Xyuku ñayiu Jerusalén. Xyuku ñayiu xndaxio dava ka ñuu distrito xndatuu Judea. Xyuku ñayiu Tiro xiꞌin ñayiu Sidón. Nduu ñuu yaꞌa xndatuu yuꞌu mar.

San Mateo 4:25

N‑ka xe kuitandijun ñaꞌa ñayiu tɨtnɨ ñuu. Ka kuu‑i ñayiu Galilea, ñayiu Decápolis, ñayiu Judea, ñayiu io yatni yuꞌu Deꞌva Jordán xiꞌin ñayiu Jerusalén du.

San Mateo 12:15

Nu n‑teku Jesús xijan, n‑kee‑ia ijan. Ntdaa‑da xiꞌin kueꞌe ka ñayiu n‑ka nukuitandijun‑ia. N‑ndadavaꞌa‑ia ntdaa ñayiu kuꞌu.

San Lucas 23:5

Te juexa n‑ka jaꞌan naꞌi se ijan xa io kuechi Jesús nuu Pilato. Ka xiaꞌan ka ntuku‑s: —Dandandita‑s ñayiu nuu gobierno. Duꞌa kida‑s vaxi nde Galilea xiꞌin nde yaꞌa.

San Lucas 6:12

Nu n‑xika kɨu, te n‑xe kaa‑ia yuku xa kajan taꞌu‑ia nuu Ianyuux. Niniu n‑xijan taꞌu‑ia.

San Marcos 1:39

Duꞌa n‑kuu. N‑dakuaꞌa‑ia ntdaa ñayiu veñuꞌu kuechi nituꞌu lado Galilea. Te n‑kineꞌe‑ia tachi uꞌu anu ñayiu.

San Mateo 10:23

Hora na kada uꞌu ñaꞌa ñayiu ɨɨn ñuu, kunu koio‑n. Jɨꞌɨn‑n ɨnka ntuku ñuu. Na jaꞌan ndaa‑r xa ma ndexio‑n ntdaa ñuu Israel, te ndixi‑r.

Hechos 17:14

Hora ijan ni n‑ka xanu ichi ñayiu ka kukanu ini Jesucristu Spalu xiꞌin se ka kunduu xiꞌin‑s xa juaꞌan koio‑s yuꞌu mar. Silas xiꞌin Timoteo, n‑ka ndoo‑s Berea.

Hechos 17:10

Nu n‑kunee, te hora ijan n‑ka xanu ichi ñayiu ka kukanu ini Jesucristu Spalu xiꞌin Silas xa vaxi koio‑s ñuu Berea. Nu n‑ka kixee‑s ijan, juaꞌan koio‑s veñuꞌu ñayiu ka kuu yatnuꞌu Israel.

San Juan 7:52

N‑ka jaꞌan‑s: —¿Ndoꞌo tuku, se Galilea kuu‑n a? Kaꞌu ka tnuꞌu Ianyuux, te jini‑n xa nde Galilea, nuncas ña n‑kixi se xian tnuꞌu tnuꞌu Ianyuux nuu ñayiu.

San Juan 7:41

Dava‑i n‑ka jaꞌan: —Se yaꞌa kuu Cristu, Ia tundaꞌa Ianyuux. Ko dava‑i n‑ka jaꞌan: —¿Ñuu Galilea ni kixi Cristu a? Ña ndaa.

San Mateo 12:16

Te n‑jaꞌan‑ia xa maxku datuu koio‑da jundu kuu‑ia.

San Marcos 1:45

Ko mee‑s juaꞌan ntdaa lado ijan, juan nujani‑s naxa n‑kuu. Xaxeꞌe xijan, n‑kuu xa ña n‑kuaꞌa Jesús xa kɨu‑ia ñuu ijan. N‑ndoo‑ia yuku nuu ñayo ñayiu io. Te ntdaa ñuu xiꞌin ñuu ijan n‑ka xee ñayiu nuu tuu‑ia.

San Marcos 3:20

Ijan dada n‑kɨu Jesús ɨɨn veꞌe, te ɨnka vuelta n‑ka taka ñayiu nuu tuu‑ia. Xaxeꞌe xa kueꞌe ñayiu xyuku, ni xa kaxi‑ia dita ña n‑kuu.

San Marcos 4:1

Ɨnka vuelta n‑kixeꞌe Jesús xa dakuaꞌa‑ia ñayiu yuꞌu ndute kaꞌnu. Yo kueꞌe ñayiu n‑ka taka nuu tuu‑ia. Xijan kuu xa n‑keé‑ia ɨɨn barcu nuu ndute. Ijan nukoo mee‑ia, te xyuku ntdaa ñayiu nuu ñuꞌu yundute.