San Marcos 3:3 - New Testament in Mixtec Diuxi-tilantongo

³ N‑jaꞌan Jesús nuu se n‑yichi ndaꞌa: —Ndojuiin meꞌñu ñayiu yaꞌa.

San Marcos 3:3 Referans Kwoze

1 Pedro 4:1

Ná kuu yɨkɨ kuñu mee‑ro, da n‑kuu yɨkɨ kuñu Cristu. Te kueꞌe xa kueꞌe vida n‑yaꞌa‑ia. Io xa kani ini koio mee‑n ná n‑xani ini mee‑ia. Nux ndoñuꞌu xa kueꞌe vida yaꞌa koio‑n, ko vatuka. Chi ɨɨn ñayiu, nux kueꞌe vida n‑yaꞌa‑i, xa n‑dandoo‑i kuechi‑i.

Filipenses 1:14

Te vaꞌa ka kida ñani‑ro kuꞌa‑ro yaꞌa. Xaxeꞌe xa yɨndiꞌu mee‑da vekaa, te ka xian tnuꞌu mee‑s tnuꞌu Ianyuux nuu ñayiu. Xndaxio‑s kueꞌe ka confianza nuu Xtoꞌo‑ro Jesucristu vitna, te ñatu ka yuꞌu‑s nuu ñayiu.

Gálatas 6:9

Xijan kuu xa maxku ku xiau‑ro ni maxku natu ini‑ro xa kida‑ro xavaꞌa, te dada tnɨɨ‑ro ntdaa xa taxi Ianyuux.

1 Corintios 15:58

Ñani mani‑da, kuꞌa mani‑da, xijan kuu xa kunduu koio ka‑n xiꞌin Cristu. Kundee ini naꞌi ka‑n, xa jandixa naꞌi ka‑n Cristu. Kɨu xiꞌin kɨu kada koio naꞌi ka‑n tniu n‑taxi Xtoꞌo‑ro Jesucristu, chi xini vaꞌa koio‑n xa nux kadatniu koio ka‑n, dada tnɨɨ koio‑n ntdaa xa juini Xtoꞌo‑ro xa taxi‑ia.

San Juan 9:4

Io xa kada‑r tniu n‑taxi Ia n‑tundaꞌa ñaꞌa. Nɨni dani tuu‑r xiꞌin‑n, kada‑r tniu n‑taxi‑ia. Kuu ná kuu xa vax kunee vitna. Te hora ijan, mayo ka ñayiu kuaꞌa xa kada‑i tniu n‑xiaꞌan‑ia.

San Lucas 6:8

N‑kutnuni ini‑ia xa n‑ka xani ini se ijan. Xijan kuu xa n‑jaꞌan‑ia nuu se n‑natɨyɨ ndaꞌa: —Ndojuiin‑n, te kunujuiin‑n meꞌñu‑s ntdaa‑s. N‑ndojuiin‑s. Te n‑xo nujuiin‑s meꞌñu ntdaa se xyuku ijan.

San Mateo 12:10

N‑ka xitoyuꞌu se fariseu Jesús chi n‑ka kuu‑s xa tekuechi neñuu‑s‑ia. Ka xiaꞌan‑s: —¿Io vaꞌa xa ndadavaꞌa‑ro ñayiu kuꞌu kɨu sabado a?

San Marcos 3:2

Se xyuku ijan, n‑ka xo ndeꞌa vaꞌa‑s Jesús, nux na ndadavaꞌa‑ia se kuꞌu kɨu ndetatu. N‑ka xo xitoyuꞌu‑s xa tekuechi‑s‑ia.

San Marcos 3:4

N‑xijan tnuꞌu‑ia nuu seyɨɨ xyuku ijan: —¿Nax jaꞌan tnuꞌu taꞌu tniu? Kɨu ndetatu‑ro, ¿kada‑ro xavaꞌa, a kada‑ro xa uꞌu a? ¿Kada‑ro xa kutuu vaꞌa ñayiu, a kaꞌni‑ro ñayiu a? Ko mee‑s, ña n‑ka jaꞌan‑s ni ɨɨn.