San Marcos 2:25 - New Testament in Mixtec Diuxi-tilantongo

²⁵ Ko n‑jaꞌan Jesús: —¿Nuncas ña n‑kaꞌu‑n nax n‑kida David, na n‑kundaꞌu‑s te n‑ka kojon‑s xiꞌin se ka kunduu xiꞌin‑s a?

San Marcos 2:25 Referans Kwoze

San Lucas 10:26

Te n‑xijan tnuꞌu ñaꞌa Jesús: —¿Nax kaꞌu‑n? ¿Nax xyodotnuni nuu libru Moisés xa kada‑n?

San Marcos 12:26

Ko xandaa xakuiti kuu xa nandoto koio ndɨyɨ. ¿Nuncas ña n‑ka kaꞌu‑n nax n‑chidotnuni Moisés a? N‑jaꞌan Ianyuux nuu Moisés, nuu nukoo ɨɨn yutnu koko te ña ndaꞌva‑tnu. N‑jaꞌan‑ia: “Mee‑r kuu Ianyuux jandixa Abraham, kuu‑r Ianyuux jandixa Isaac, kuu‑r Ianyuux jandixa Jacob.”

San Marcos 12:20

Uxa seyɨɨ n‑xio. Se kiꞌna nuu n‑tnundaꞌa xiꞌin ñadɨꞌɨ‑s. N‑xiꞌí‑s, te ñayo daꞌya‑s xiꞌin‑ña n‑xio.

San Mateo 22:31

Tnuꞌu Ianyuux yodotnuni kakuneꞌe xa ndaa xa nandoto ñayiu n‑ka xiꞌí. ¿Ñatu n‑ka kaꞌu‑n xijan u? Duꞌa yodotnuni:

San Mateo 21:42

Te xiaꞌan‑ia nuu‑s: —¿Ta kaꞌu koio ka‑n tnuꞌu Ianyuux duꞌa yodotnuni a?: Ná kuu yuú ña xe ini se ka kidavaꞌa veꞌe kuu‑s. Yuú ña n‑ka xe ini se ijan n‑ndunuu yɨtnɨɨ nama veꞌe. N‑kida Ianyuux, Ia kuu Xtoꞌo‑ro, xa na jini‑ro xa ña uu n‑xini‑ro.

San Mateo 21:16

Te n‑ka jaꞌan‑s nuu Jesús: —¿Ña teku‑n xa ka kana sekuechi yaꞌa u? Te n‑jaꞌan Jesús: —Joon, teku‑r. ¿Ñayo‑n n‑ka kaꞌu nuu yodotnuni xa: “Ndadakaꞌnu ñaꞌa koio sekuechi xiꞌin dichi kuechi xiꞌin daꞌya ka xadi a”?

San Mateo 19:4

Te n‑jaꞌan‑ia: —¿Nax kuu xa ña ka kaꞌu‑n nuu yodotnuni xa na n‑kidavaꞌa Ianyuux ñayiu, n‑kidavaꞌa‑ia seyɨɨ xiꞌin ñadɨꞌɨ xa kutuu‑s nduu‑s?

San Mateo 4:2

Ña tuu nax n‑xaxi‑ia uu diko nduu, uu diko niu. Ijan dada n‑kojon‑ia.

San Marcos 2:24

Te n‑ka jaꞌan se fariseu: —¡Kundeꞌa xa ka kida se dakuaꞌa‑n! Tnuꞌu taꞌu tniu Moisés jaꞌan xa ma kadatniu‑ro kɨu ndetatu.

San Marcos 2:26

Kɨu ijan se nani Abitar n‑kuu dutu taxnuni ka nuu ñayiu Israel, te n‑kɨu David veñuꞌu Ianyuux, te n‑xaxi‑s tila ii kandodo xiti veñuꞌu jan. Jaꞌan tnuꞌu n‑chidotnuni Moisés xa maxku duꞌa kada ñayiu. Meni dutu ka xaxi tila ii. Ko n‑xaxi David tila ijan, te n‑xiaꞌan‑s tila xa kax koio se ka kunduu xiꞌin‑s tuku.