San Marcos 16:1 - New Testament in Mixtec Diuxi-tilantongo

¹ Na n‑yaꞌa kɨu ndetatu, n‑ka xeen ñadɨꞌɨ yuku xeꞌen vaꞌa, xa jɨꞌɨn‑ña jɨn dakuchi‑ña ñɨɨ ndi Jesús. María Magdalena xiꞌin María, dɨꞌɨ Jacobo, xiꞌin Salomé.

San Marcos 16:1 Referans Kwoze

San Lucas 23:56

Ijan dada juan nuꞌu‑ña xa kada tuꞌa‑ña perfume xiꞌin yuchi xeꞌen vidi. Te n‑ka ndetatu‑ña kɨu sabado jan na n‑taꞌu tniu Ianyuux.

San Marcos 15:40

Ijan xndeꞌa xika ñadɨꞌɨ tuku. Nuu ñadɨꞌɨ jan tnaꞌa María, ñadɨꞌɨ ñuu nani Magdala, xiꞌin ɨnka María kuu dɨꞌɨ Jacobo se luchi ka xiꞌin José. Ñá nani Salomé du.

San Juan 19:31

Kɨu ijan kuu kɨu ka kida tuꞌa ñayiu Israel, xa kax koio‑i ndeyu viko Paxcua. Kɨu kaxi‑i ndeyu jan, kuu kɨu ndetatu ñayiu Israel. Yo kaꞌnu kɨu kuu. Se Israel, ñayo‑s n‑ka juini xa kuitakaa ka ndɨyɨ nuu curuxi kɨu ijan. Xijan kuu xa n‑ka xijan‑s nuu Pilato, xa kaꞌnu koio soldado yɨkɨ dichi Jesús, xiꞌin yɨkɨ dichi uu ka se n‑ka xatakaa‑s, xa nuneꞌe koio‑s ndɨyɨ, te kaneꞌe‑s‑yɨ jɨꞌɨn.

San Juan 19:25

Te yatni xeꞌe curuxi Jesús, n‑xo nujuiin dɨꞌɨ‑ia xiꞌin kuꞌu‑ña. María, ñadɨꞌɨ Cleofas, xiꞌin María Magdalena tuku.

San Marcos 16:8

Xino‑ña n‑ka kee‑ña yau kava. Xnɨꞌɨ‑ña, te ka yuꞌu anu‑ña. Ña n‑ka jaꞌan ka‑ña ni ɨɨn tnuꞌu nuu ni ɨɨn ñayiu, chi n‑ka yuꞌu anu‑ña.

San Marcos 15:47

Te ndeꞌa María Magdalena xiꞌin María, dɨꞌɨ José, ndexu n‑xajan‑s‑ia.

San Marcos 14:8

N‑kida‑ña xa n‑kuaꞌa‑ña. Antecas xa kuú‑r, te n‑kida tuꞌa‑ña ñɨɨ‑r xa nkonduxi‑r.

San Marcos 14:3

Te n‑xo tuu Jesús ñuu Betania, veꞌe Simón. Se ijan ka danani ñayiu se ñɨɨ teꞌyu. Nukoo Jesús yumexa veꞌe Simón, te n‑xetuꞌa ñaꞌa ɨɨn ñadɨꞌɨ. Neꞌe‑ña ɨɨn frascu luchi, frascu yuú, ñuꞌu ndute yo yaꞌu, ndute vili xeꞌen nani nardo. N‑taꞌu‑ña frascu yuú, te n‑xodo‑ña ndute yo yaꞌu dɨkɨ Jesús. Duꞌa n‑xio‑ña xañuꞌu nuu‑ia.

San Lucas 23:54

Vax kuyatni xa keé ngandii, te vax kuyatni kɨu kuu sabado, kɨu ka ndetatu ñayiu Israel. N‑ka kida‑i ntdaa tniu‑i xa ma kadatniu‑i ɨnka kɨu jan.

San Marcos 15:42

Te xañini, na vax kunee, ka kida tuꞌa ñayiu xa xee kɨu ndetatu.

San Marcos 16:2

Kɨu kiꞌna nuu semana, neꞌe n‑ka kee‑ña xa xee‑ña nuu kaa yɨkɨ kuñu ndi Jesús. Na n‑tuu, n‑ka xee‑ña yau kava jan.

San Lucas 24:1

Kɨu kixeꞌe semana, ntanene ka xneꞌe‑ña perfume xiꞌin yuchi xeꞌen vidi n‑ka kida tuꞌa‑ña juaꞌan ntuku yau kava nuu n‑kaa niꞌni Jesús.