San Marcos 15:26 - New Testament in Mixtec Diuxi-tilantongo

²⁶ Nuu ɨɨn pedazu tabla, n‑ka chidotnuni‑s xa n‑ka tekuechi‑s‑ia: “Se kunxaꞌnu ka nuu ñayiu Israel.” N‑ka tenee‑s letreru jan dɨkɨ curuxi.

San Marcos 15:26 Referans Kwoze

San Mateo 27:37

N‑ka chidotnuni‑s nuu tutu nakuenda n‑ka xatakaa dika ñaꞌa‑s te n‑ka tenee‑s dɨkɨ curuxi‑ia. Duꞌa yodotnuni: “Se yaꞌa kuu Jesús. Taxnuni‑s nuu ñayiu Israel.”

San Mateo 2:2

N‑ka xijan tnuꞌu‑s nuu ñayiu Jerusalén: —¿Ndexu n‑kaku seluchi taxnuni nuu ñayiu Israel? N‑ka xini‑da ɨɨn chudini n‑kee do nuu kane ngandii, te ndeka ñaꞌa‑tɨ vaxi. Xaxeꞌe xijan n‑ka kixee‑da xa ndadakaꞌnu koio‑da‑s —ka kuu‑s, ka xiaꞌan‑s.

San Marcos 15:2

N‑xijan tnuꞌu Pilato Jesús: —¿Ndoꞌo kuu se kunxaꞌnu ka nuu ñayiu Israel a? N‑jaꞌan Jesús: —Mee‑n jaꞌan.

San Marcos 15:27

Dɨuni n‑ka xatakaa‑s uu ñaduꞌu. Ɨɨn‑s nuu curuxi diñi kuaꞌa‑ia, te ɨnka‑s nuu curuxi diñi datni‑ia.

San Marcos 15:32

Na nuu Cristu curuxi. Se kunxaꞌnu ka nuu ñayiu Israel, na nuu‑s curuxi xa kundeꞌa‑ro, te jandixa‑ro‑s. Dɨuni uu se n‑takaa xiꞌin‑ia, kuiꞌa n‑ka jaꞌan‑s‑ia tuku.