San Marcos 13:6 - New Testament in Mixtec Diuxi-tilantongo

⁶ Kixee kueꞌe se jaꞌan xa io xa jandixa koio‑n mee‑s. Jaꞌan koio‑s xa Cristu kuu‑s, te duꞌa koo xa dandaꞌu‑s kueꞌe ñayiu.

San Marcos 13:6 Referans Kwoze

San Marcos 13:22

Chi kix koio se dandaꞌu ñayiu, se jaꞌan xa mee‑s kuu Cristu, se jaꞌan xa xian tnuꞌu‑s tnuꞌu Ianyuux nuu ñayiu, ko ña ndaa. Kada koio‑s milagru xa dandaꞌu‑s ñayiu. Nux n‑kuaꞌa n‑kuu, dandaꞌu‑s nde mee ñayiu n‑kaxí dɨɨn Ianyuux, ko duꞌa ma kuaꞌa‑s xa kada‑s.

1 Juan 4:1

Ñani mani‑da, kuꞌa mani‑da, maxku jandixa koio‑n davaꞌa nga ñayiu jaꞌan xa kachitnuꞌu‑i tnuꞌu Ianyuux. Kototnuni‑n‑yɨ, nux ndaa xa jaꞌan‑i tnuꞌu Ianyuux, a nux jaꞌan‑i tnuꞌu kuiꞌna. Chi ñuñayiu, io kueꞌe ñayiu ka jaꞌan xa xian tnuꞌu‑i tnuꞌu Ianyuux nuu ñayiu, ko ña ndaa.

San Juan 8:24

Xijan kuu xa jaꞌan‑r xa kuú koio‑n xiꞌin kuechi‑n. Chi nux ma jandixa ñaꞌa koio‑n mee‑r, te kuú koio‑n xiꞌin kuechi‑n.

San Juan 5:43

Xaxeꞌe Taa‑r n‑kixee‑r, ko ñatu ka xeka vaꞌa ñaꞌa‑n. Nux kixi ɨnka seyɨɨ xaxeꞌe mee‑s, te se ijan kuu xa kueka vaꞌa koio‑n.

San Mateo 24:11

Tiempu ijan kueꞌe se vete kixi. Jaꞌan koio‑s xa kuu‑s se ka jaꞌan tnuꞌu Ianyuux nuu ñayiu, ko ña ndaa. Kueꞌe‑n dandaꞌu ñaꞌa‑s.

San Mateo 24:5

Kueꞌe‑s kixi te jaꞌan‑s xa n‑tundaꞌa‑r‑sɨ. Jaꞌan‑s: “Ruꞌu kuu Cristu.” Kueꞌe ñayiu dandaꞌu koio‑s.

San Marcos 13:5

Te n‑kixeꞌe Jesús xa juña tnuꞌu‑ia nuu‑s: —Koo koio cuedado, xa maxku dandaꞌu ñaꞌa ni ɨɨn ñayiu.

San Marcos 13:7

ʼTeku koio‑n xa jantnaꞌa ñayiu, te tekutnuꞌu koio‑n xa jantnaꞌa ka‑i, ko maxku kɨ ini‑n, te maxku yuꞌu‑n. Io xa duꞌa yaꞌa, ko ta xinokava ka ntdaa xa io.

San Juan 8:28

Xijan kuu xa n‑jaꞌan Jesús: —Na katakaa koio‑n Se kuu ñani tnaꞌa ñayiu, te kutnuni ini koio‑n jundu kuu‑r. Kutnuni ini koio‑n xa mee‑r, ña kida‑r ni ɨɨn. Kutnuni ini koio‑n xa nani n‑dakuaꞌa ñaꞌa Taa‑r dani jaꞌan mee‑r.