San Marcos 12:24 - New Testament in Mixtec Diuxi-tilantongo

²⁴ N‑xiaꞌan Jesús: —Ka dandaꞌu‑n mee‑n. Ñatu ka kutnuni ini‑n nax jaꞌan tnuꞌu Ianyuux. Dani ñatu ka kutnuni ini‑n nanda kuu xa taxnuni Ianyuux.

San Marcos 12:24 Referans Kwoze

San Juan 20:9

Te tnuꞌu Ianyuux n‑ka chidotnuni seyɨɨ xá n‑kuu kueꞌe kuia, jaꞌan xa io xa nandoto Jesús nuu n‑kuu‑ia ndɨyɨ. Ko se n‑dakuaꞌa‑ia, ta kutnuni ini koio ka‑s tnuꞌu yaꞌa.

San Mateo 22:29

Xiaꞌan Jesús nuu‑s: —Ka jaꞌan lilu‑n. Ña ka xini‑n tnuꞌu Ianyuux xyodotnuni, ni ña ka xini‑n nax kuaꞌa Ianyuux xa kada‑ia.

Efesios 1:19

Dɨuni xijan taꞌu‑da nuu‑ia xa maxku ndunaa‑n xa yo kidatniu‑ia anu roo, ñayiu ka kukanu ini‑ia xa na kuaꞌa na ku kuu‑ro ñayiu vaꞌa. Naka kueꞌe xa kida‑ia. Naka kidatniu‑ia anu‑ro.

Filipenses 3:21

Nadama‑ia yɨkɨ kuñu‑ro ña xiniñuꞌu ka. Nani n‑tnɨɨ Jesucristu yɨkɨ kuñu xee hora n‑nandoto‑ia, dani taxi Ianyuux yɨkɨ kuñu xee mee‑ro. Xaꞌa kada‑ia xiꞌin xa taxnuni‑ia, nani taxnuni‑ia nuu ntdaa xa io.

Romanos 15:4

Davaꞌa nga tnuꞌu Ianyuux yodotnuni xa daa nga n‑xe kodotnuni xa na kaꞌu ñayiu, te kutuꞌa vaꞌa‑i xa yodotnuni. Xaxeꞌe xa ka tuꞌa vaꞌa‑ro xa yodotnuni jan ndɨkɨu ndɨñuu xñu ini‑ro xa nanitaꞌu‑ro, te ña tuu nax ku ini‑ro hora ndaꞌu yaꞌa‑ro. Tnuꞌu yodotnuni jan kida xa kukaꞌnu anu‑ro.

Hechos 17:11

Ñayiu ka kuu yatnuꞌu Israel xndaxio ijan, unu vaꞌa ka‑i dada ñayiu xndaxio Tesalónica. N‑ka xe ini‑i tnuꞌu Ianyuux n‑jaꞌan Spalu, te n‑ka kuvaꞌa anu‑i xa n‑ka teku‑i. Juan kɨu juan ñuu n‑ka xo kaꞌu‑i libru yodotnuni tnuꞌu‑ia xa jini‑i nuu ndaa kuu xa ka jaꞌan Spalu xiꞌin Silas a ñaꞌa.

San Marcos 10:27

N‑nukondeꞌa Jesús se ijan, te n‑xiaꞌan‑ia: —Meni mee ñayiu, ña kuaꞌa‑i xa dakaku‑i mee‑i, ko Ianyuux, joon, kuaꞌa‑ia xa dakaku‑ia‑i. Chi ntdaa xa kuaꞌa Ianyuux xa kada‑ia.

San Juan 5:39

Ka kaꞌu‑n xa ka kaꞌu‑n tnuꞌu Ianyuux, chi ka xani ini‑n xa duꞌa kutuu vaꞌa koio‑n xiꞌin Ianyuux kuia ma jɨn ndɨꞌɨ. Ko tnuꞌu ka kaꞌu‑n jaꞌan ndaa xaxeꞌe mee‑r.

San Lucas 1:37

Xaxa Ianyuux ntdandituꞌu xa ñatu kuaꞌa ñayiu xa kada‑i kida‑ia —kuu ángel, xiaꞌan‑ia.

San Marcos 12:23

Xijan kuu xa kɨu na nandoto ndɨyɨ, ¿ndeda‑s ñadɨꞌɨ kuu‑ña? Chi n‑tnundaꞌa‑ña xiꞌin n‑uxa‑s.

San Marcos 12:25

Na nandoto koio ñayiu, ma tnundaꞌa seyɨɨ ni ñadɨꞌɨ. Nani xtuu ángel, ia ka xinokuechi nuu Ianyuux tuu andɨu, dani kutuu koio ñayiu nandoto.