San Marcos 11:4 - New Testament in Mixtec Diuxi-tilantongo

⁴ Juaꞌan‑s, te n‑naniꞌi‑s ɨɨn burru luchi ndijun yatni yeꞌe ijan. Nujuiin‑tɨ ichi yata veꞌe. N‑ka nandaxi‑s‑tɨ.

San Marcos 11:4 Referans Kwoze

Hebreos 11:8

Xaxeꞌe xa n‑jandixa Abraham Ianyuux, n‑kida‑s ná n‑jaꞌan‑ia. N‑jaꞌan ñaꞌa Ianyuux xa kee‑s ñuu‑s, xa jɨꞌɨn‑s nde ɨɨn nuu tnɨɨ‑s xa ku kuu xaxii‑s. Juini ña xini‑s ndexu jɨꞌɨn‑s, ko n‑kee‑s, te juaꞌan‑s.

San Juan 2:5

N‑jaꞌan dɨꞌɨ‑ia nuu se ka dakee xio xa io viko: —Kada koio davaꞌa nga xa taꞌu tniu‑i.

San Mateo 26:19

Juaꞌan koio‑s xa kada‑s na n‑taꞌu tniu Jesús. N‑ka kida tuꞌa‑s xa kaxdini koio‑s xiꞌin‑ia.

San Mateo 21:2

Xiaꞌan‑ia nuu‑s nduu‑s: —Juaꞌan koio ñuu ndeꞌa ñaꞌa yaꞌa. Na kɨu koio‑n ñuu ijan jini koio‑n ɨɨn burra ndijun io daꞌya. Nandaxi koio‑n‑tɨ te kandeka‑n‑tɨ kixi.

San Marcos 11:3

Nux xijan tnuꞌu ñayiu jan nakuenda ndaxi‑n‑tɨ, te jaꞌan‑n xa Xtoꞌo‑n ndoñuꞌu‑tɨ te ma kukuee‑ia xa natundaꞌa‑ia‑tɨ.

San Marcos 11:5

Dava ñayiu xnii ijan, n‑ka xijan tnuꞌu‑i: —¿Nakuenda ka ndaxi‑n burru de? ¿Nax ka kida‑n?