San Marcos 10:18 - New Testament in Mixtec Diuxi-tilantongo

¹⁸ N‑xiaꞌan Jesús: —¿Nakuenda jaꞌan‑n xa vaꞌa mee‑r? Ni ɨɨn ñayiu ña vaꞌa. Idini Ianyuux vaꞌa.

San Marcos 10:18 Referans Kwoze

San Lucas 18:19

Xiaꞌan Jesús: —¿Nakuenda jaꞌan‑n xa vaꞌa‑r? Ña yoo ñayiu vaꞌa. Mee ni Ianyuux vaꞌa.

San Mateo 19:17

N‑jaꞌan‑ia nuu‑s: —¿Nakuenda xijan tnuꞌu ñaꞌa‑n ruꞌu nax kuu xavaꞌa? Ianyuux xini xijan chi mee dii ni‑ia vaꞌa. Nux juini‑n xa kutuu‑n xiꞌin‑ia nɨkava nɨkuita, jandixa xa n‑taꞌu tniu‑ia —kuu‑ia, xiaꞌan‑ia.

1 Juan 4:16

Duꞌa kutnuni ini‑ro xa xemani ñaꞌa Ianyuux mee‑ro. Te duꞌa jandixa‑ro xa xemani ñaꞌa‑ia mee‑ro. Ianyuux kuu Ia xemani ñayiu. Nux xemani ɨɨn ñayiu Ianyuux xiꞌin ñayiu, kunduu mee‑i xiꞌin Ianyuux, te kunduu Ianyuux xiꞌin mee‑i.

Romanos 3:12

Ntdaa‑i n‑ka dandoo Ianyuux. Mee ni xaloko xaduꞌa ka kida‑i. Ñayo ka‑i ka kida xavaꞌa; juini nga ɨɨn‑i na kada xavaꞌa.

1 Juan 4:8

Nux ñatu xemani ɨɨn ñayiu ɨnka ñayiu, ta jini ka‑i Ianyuux, chi Ianyuux kuu Ia xemani ntdaa ñayiu.

Santiago 1:17

Ntdaa xavaꞌa ntdaa xandaa xa niꞌi‑ro vaxi nde andɨu. Xa taxi Ianyuux kuu. N‑kidavaꞌa mee‑ia ntdaa xa io andɨu. Ianyuux, ma dama‑ia, kɨu xiꞌin kɨu ɨɨn ni‑ia kuu‑ia.

San Marcos 10:17

Na n‑kee Jesús xa jɨꞌɨn‑ia, te xino ɨɨn seyɨɨ vaxi ichi ijan. N‑xe juiin xiti‑s nuu Jesús, te n‑xijan tnuꞌu‑s: —Maestru vaꞌa, ¿nax kada‑da xa niꞌi‑da xa kutuu‑da xiꞌin Ianyuux kuia ma jɨn ndɨꞌɨ?

San Marcos 10:19

Vaꞌa xini‑n tnuꞌu n‑taꞌu tniu Moisés: “Maxku kaꞌni‑n ndɨyɨ. Maxku dandoo‑n ñadɨꞌɨ‑n xa kidi‑n xiꞌin ɨnka ñadɨꞌɨ. Maxku duꞌu‑n. Maxku tekuechi‑n ñayiu tnuꞌu ña ndaa. Maxku dandaꞌu‑n ñayiu. Koo xañuꞌu nuu taa‑n, nuu dɨꞌɨ‑n.”