San Lucas 8:41 - New Testament in Mixtec Diuxi-tilantongo

^41-42 Ijan n‑xee ɨɨn se nani Jairo. Se kida veñuꞌu kuu‑s. Idii ni daꞌya dɨꞌɨ‑s io. Xika‑i uxi uu kuia. N‑xe juiin xiti‑s nuu Jesús, te n‑jaꞌan‑s nuu‑ia xa na jɨꞌɨn‑ia veꞌe‑s chi kuꞌu daꞌya dɨꞌɨ‑s. Viꞌi nga ndetnɨɨ anu‑i. Ijan juaꞌan Jesús, te diko ka chitaꞌi ñaꞌa koio ñayiu xndijun ñaꞌa juaꞌan.

San Lucas 8:41 Referans Kwoze

Hechos 18:8

N‑ka kukanu ini se kida veñuꞌu nani Crispo xiꞌin familia‑s Jesucristu. Nu n‑ka teku dava ka ñayiu Corinto tnuꞌu Ianyuux, n‑ka kukanu ini‑i Jesucristu, Ia kuu Xtoꞌo‑ro, te n‑ka xendute‑i.

Hechos 13:15

Nu n‑yaꞌa n‑kaꞌu ndodo tnuꞌu n‑chidotnuni Moisés xiꞌin tnuꞌu se n‑ka jaꞌan tnuꞌu Ianyuux nuu ñayiu, n‑ka jaꞌan se ka kida veñuꞌu jan nuu Spalu xiꞌin nuu Bernabé: —Dito, nux io ɨɨn xa jaꞌan‑n nuu ñayiu xa jan doꞌo‑n‑yɨ, jaꞌan koio‑n vitna.

San Lucas 13:14

Yo n‑kiti ini se kida veñuꞌu nuu Jesús chi n‑ndadavaꞌa‑ia ñayiu kɨu ka ndetatu ñayiu Israel. Te n‑jaꞌan‑s nuu ñayiu xyuku ijan: —Maxku kixi‑n xa ndvaꞌa koio‑n kɨu ka ndetatu‑ro. ¿Nakuenda ñatu ka kixi‑n kɨu ka kidatniu‑ro? —kuu‑s, xiaꞌan‑s.

San Lucas 8:49

Nɨni duꞌa jaꞌan Jesús, n‑xee ɨɨn se xinokuechi nuu se kida veñuꞌu jan. N‑jaꞌan‑s nuu‑s: —N‑xiꞌí daꞌya dɨꞌɨ‑n. Maxku dakuita‑n tiempo maestru ya.

Apocalipsis 5:8

te n‑ka xe juiin xiti nkoon kɨt dana xndaa xiꞌin oko koon sexaꞌnu ka kunxaꞌnu jan nuu‑tɨ. Ntdaa‑s xneꞌe arpa xiꞌin koꞌo oro chitu duxa. Hora kayu duxa jan te juan ndaa ñuꞌa jan andɨu, najaꞌan Ianyuux xa ka xijan taꞌu ñayiu n‑kida‑ia xa nduu‑i ñayiu ii.

Hechos 18:17

Antecas xa n‑ndee koio‑s ijan, ntdaa‑s n‑ka tnɨɨ ɨɨn se kida veñuꞌu nani Sóstenes. N‑ka jani‑s‑sɨ nuu se ka kidandaa kuechi ñayiu jan, ko ñatu n‑chinuu Galión xijan.

Hechos 9:38

Yatni Jope katuu ñuu nani Lida nuu tuu Spedru. N‑ka teku ñayiu ka kukanu ini Jesucristu io Jope xa tuu Spedru Lida. N‑ka tundaꞌa‑i uu se n‑ka tundaꞌa‑i nuu‑s xa na kajan taꞌu‑s nuu‑s xa na jɨꞌɨn‑s Jope. Nu n‑ka xee nduu se yaꞌa Lida, ka xiaꞌan‑s nuu Spedru: —Vax ki kueka ñaꞌa‑da xa jɨꞌɨn‑ro ñuu‑da, te maxku kukuee‑n.

San Lucas 17:16

Te n‑naxee‑s nuu Jesús. N‑xe juiin xiti‑s xeꞌe‑ia te xiaꞌan‑s nuu‑ia xa n‑kutaꞌu‑s. Se Samaria kuu‑s.

San Lucas 5:8

N‑xini Simón Pedru xijan, te n‑xe juiin xiti‑s nuu Jesús. Xiaꞌan‑s: —Juaꞌan‑n, Dito, chi se kida kuechi kuu‑da.

San Juan 11:21

Na n‑nanitnaꞌa Tmarta xiꞌin Jesús, te n‑jaꞌan‑i: —Xtoꞌo‑da, nux n‑xo tuu‑n yaꞌa, te ma kuú kuꞌa‑da n‑kuu.