San Lucas 8:28 - New Testament in Mixtec Diuxi-tilantongo

^28-29 Kueꞌe vuelta n‑ka keé ñaꞌa xaloko, te n‑ka xo duku ñaꞌa ñayiu cadena. N‑ka xo duku ñaꞌa‑i yoꞌo. Te n‑xo ndee ñaꞌa‑i xa na ñaꞌa kunu‑s, ko n‑xo xaꞌnde‑s cadena jan xiꞌin yoꞌo jan, te n‑ka xo kandeka ñaꞌa xaloko jan n‑ka xo xeꞌen nuu ñatu nga juun dau, te ñayo ñayiu io. N‑xini‑s Jesús, te xee n‑kana‑s, te n‑xe juiin xiti‑s nuu‑ia. Xiaꞌan‑s: —Jesús, Daꞌya Yɨɨ Ianyuux, Ia taxnuni ka. ¿Nax juun ñaꞌa‑n? Xijan taꞌu‑da nuu‑n xa maxku yo ndeꞌe kada uꞌu ñaꞌa‑n —kuu‑s, xiaꞌan‑s. Te n‑taꞌu tniu Jesús xa kee xaloko jan se ijan.

San Lucas 8:28 Referans Kwoze

San Mateo 8:29

Te n‑ka kana‑s: —Daꞌya Yɨɨ Ianyuux, ¿nax juun ñaꞌa‑n? ¿Nakuenda xa antecas xá n‑kixee‑n xa yo ndeꞌe kada uꞌu ñaꞌa‑n, te ta xee ka kɨu n‑xantuu Ianyuux xa kada uꞌu ñaꞌa‑n?

2 Pedro 2:4

Nde ángel, ia n‑ka xinokuechi nuu Ianyuux du. Ña n‑ka jandixa‑ia Ianyuux, te ña n‑taxkanu ini ñaꞌa Ianyuux. N‑tundaꞌa Ianyuux ángel jan andea. N‑chindiꞌu ñaꞌa‑ia ɨɨn nuu nee. Ijan nevaꞌa‑ia ángel jan xiꞌin cadena, nde kɨu ndadandaa‑ia ntdaa xa io.

Apocalipsis 20:10

Dajane niꞌno Ianyuux Kuiꞌna nuu koko azufri. Ná kaꞌnu ɨɨn laguna, kaꞌnu nuu koko azufri jan. Xaxeꞌe xa dandaꞌu‑i ñayiu, xijan kuu xa ijan keé‑i. Keé‑i nuu n‑keé kɨt ndeꞌe jan xiꞌin se n‑ka jaꞌan vete xa ka kuu‑s se jaꞌan nuu ñayiu xa n‑jaꞌan Ianyuux. Nɨkava nɨkuita ndaꞌu ku yaꞌa koio‑i ntdaa‑i ijan.

1 Juan 3:8

Nux dani kida ɨɨn ñayiu kuechi, kuu‑i daꞌya kuiꞌna. Nde kiꞌna nuu n‑kida kuiꞌna kuechi, te dani kida naꞌi‑i nde vitna. Xijan kuu xa n‑kixi Daꞌya Yɨɨ Ianyuux ñuñayiu, xa danaa‑ia ntdaa xa n‑kida kuiꞌna.

Santiago 2:19

Jandixa‑n xa idini Ianyuux io. Vatuka. Ko duꞌa ka jandixa kuiꞌna tuku, te ka nɨꞌɨ‑i xa yuꞌu‑i.

San Lucas 8:27

N‑ka nane‑s xiꞌin Jesús barcu, te n‑xetuꞌa ñaꞌa ɨɨn se Gadara xñuꞌu ñaꞌa xaloko. N‑kunaꞌa ña niꞌno‑s daꞌma. Io vichi‑s. Ña ndoo‑s veꞌe‑s chi n‑xo ndoo‑s yau kava nuu xyɨnduxi ndɨyɨ.