San Lucas 8:25 - New Testament in Mixtec Diuxi-tilantongo

²⁵ Te xiaꞌan Jesús: —¿Ña ka kukanu ini ñaꞌa‑n a? N‑ka yuꞌu‑s te ka xiaꞌan tnaꞌa‑s: —¿Jundu kuu se yaꞌa xa taxnuni‑s nuu ntdaa xa io? Nde tachi xiꞌin ndute jandixa ñaꞌa.

San Lucas 8:25 Referans Kwoze

San Mateo 8:26

Te n‑jaꞌan‑ia nuu‑s: —¿Nakuenda ka yuꞌu‑n? ¿Nakuenda ña ka kukanu ini‑n Ianyuux? Ijan dada n‑ndokoo‑ia te n‑kudeen‑ia nuu tachi xiꞌin nuu ndute xe kandava. Nanii nga n‑kuu.

San Mateo 14:31

Ñama n‑dakaa Jesús ndaꞌa‑ia te n‑tnɨɨ‑ia Spedru. Xiaꞌan‑ia nuu‑s: —Ñatu kukanu ini ñaꞌa vaꞌa‑n. ¿Nakuenda n‑xe tnɨɨ anu‑n?

San Juan 11:40

N‑jaꞌan Jesús: —Te, ¿ñadu n‑jaꞌan‑r xa nux jandixa‑n, te jini‑n xa kunxaꞌnu ka Ianyuux dada ntdaa xa io?

San Lucas 12:28

Ite xaꞌnu vitna te tnee kayu xiti xitnu, ite ijan n‑kida Ianyuux xa vili kaa. Naka ndoꞌo, ma ku kada‑ia xa koo xa kundix kudaꞌu‑n. Naka itaꞌu ni ka kukanu ini‑n‑ia.

San Mateo 17:20

Te n‑jaꞌan Jesús nuu‑da ntdaa‑da: —Ña n‑ka ndaku‑n xaxeꞌe xa ña ka kukanu ini‑n Ianyuux. Nux xandaa xakuiti ka kukanu ini‑n‑ia, juini ñatu ka kukanu ini vaꞌa‑n‑ia, nux juñaꞌa‑n nuu tnduu yaꞌa: “Xiko juiin. Juaꞌan ɨnka lado.” Te xiko juiin. Nux xandaa xakuiti ka kukanu ini‑n‑ia, ndaku‑n xa kada‑n davaꞌa nga milagru —kuu‑ia, n‑jaꞌan‑ia.

San Mateo 6:30

Ite xaꞌnu vitna tnee kayu xiti xitnu. Ite ijan n‑kida Ianyuux xa vili n‑kaa. Naka mee‑n, ma ku kada‑ia xa kundix kudaꞌu‑n. Naka itaꞌu ni ka kukanu ini‑n‑ia.

San Mateo 8:10

Nu n‑teku Jesús xa n‑jaꞌan se ijan, n‑yuꞌu anu‑ia, te n‑jaꞌan‑ia nuu ñayiu xndijun ñaꞌa: —Jaꞌan ndaa‑r xa ña uun xini‑r ɨɨn ñayiu Israel kukanu ini ñaꞌa na kukanu ini ñaꞌa se yaꞌa.

San Marcos 4:35

Na vax kunee kɨu ijan, n‑xiaꞌan Jesús nuu se dakuaꞌa‑ia: —Na yaꞌa‑ro nde ɨnka lado yundute kaꞌnu.

San Lucas 8:24

N‑ka xe dandoto ñaꞌa se dakuaꞌa‑ia. Ka xiaꞌan‑s: —Maestru, Maestru, vax nduxi‑ro nuu ndute. N‑ndokoo‑ia te n‑kudeen‑ia nuu tachi xiꞌin nuu ndute xekandava. Nanii nga n‑kuu. N‑nujuiin tachi xiꞌin ndute.

San Lucas 8:26

Ijan dada juaꞌan naꞌi‑ia xiꞌin‑s, te n‑xee‑ia xiꞌin‑s ɨnka lado yuꞌu mar jan nuu nani Gadara, nuu ndeꞌa tnaꞌa xiꞌin Galilea.