San Lucas 7:27 - New Testament in Mixtec Diuxi-tilantongo

²⁷ Sua kuu se n‑kakuneꞌe ñaꞌa se n‑ka jaꞌan tnuꞌu Ianyuux yodotnuni. N‑chidotnuni‑s xa n‑jaꞌan Ianyuux nuu‑r: Kiꞌna nuu tundaꞌa‑r ɨɨn se tundaꞌa‑r jɨꞌɨn. Ijan dada tundaꞌa ñaꞌa‑r mee‑n. Kada‑s xa koo tuꞌa ntdaa ñayiu xa xe ini ñaꞌa‑i na jɨꞌɨn‑n ñuñayiu.

San Lucas 7:27 Referans Kwoze

San Lucas 1:76

Te n‑jaꞌan‑s nuu seluchi jan: Ndoꞌo, seluchi, jaꞌan‑n tnuꞌu Ianyuux, Ia taxnuni ka nuu ñayiu. Kiꞌna ka‑n n‑kixee dada Ia kuu Xtoꞌo‑ro xa kada tuꞌa‑n ñayiu xa na xe ini‑i‑ia.

San Marcos 1:2

Xá n‑kuu kueꞌe kuia n‑xo tuu ɨɨn se nani Isaías. N‑xian tnuꞌu‑s tnuꞌu Ianyuux nuu ñayiu. N‑chidotnuni‑s nax n‑jaꞌan Ianyuux nuu Daꞌya‑ia: Tundaꞌa‑r ɨɨn seyɨɨ na juindodo nuu ka‑s nuu‑n jɨꞌɨn. Kada‑s xa koo tuꞌa koio ñayiu hora na jɨꞌɨn mee‑n.

San Juan 1:23

N‑xiaꞌan Sua: —Ruꞌu kuu se kana yuku nuu ñayo ñayiu io: “Kada tuꞌa koio‑n ichi nuu kixi Xtoꞌo‑ro.” Jaꞌan mee‑r ná n‑jaꞌan se n‑xian tnuꞌu tnuꞌu Ianyuux nuu ñayiu xá n‑kuu kueꞌe kuia, se n‑xo nani Isaías.

San Mateo 11:10

Sua kuu se kakuneꞌe ñaꞌa tnuꞌu Ianyuux yodotnuni. Dɨuni yodotnuni xa n‑jaꞌan Ianyuux nuu‑r: Kiꞌna nuu tundaꞌa‑r ɨɨn se tundaꞌa‑r jɨꞌɨn. Ijan dada tundaꞌa ñaꞌa‑r. Kada‑s xa koo tuꞌa ntdaa ñayiu xa xe ini ñaꞌa‑i na jɨꞌɨn‑n ñuñayiu.

San Lucas 7:26

Se jaꞌan tnuꞌu Ianyuux nuu ñayiu n‑ka xe ndeꞌa‑n. Xa ndaa xa ndandɨꞌɨ ka Sua dada dava ka se n‑ka jaꞌan tnuꞌu Ianyuux nuu ñayiu.

San Lucas 7:28

Ruꞌu jaꞌan xa ndandɨꞌɨ ka Sua dada ɨnka ñayiu ñuñayiu, ko ñayiu kutuu nuu taxnuni Ianyuux andɨu, ndandɨꞌɨ ka‑i dada Sua vitna.