San Lucas 7:22 - New Testament in Mixtec Diuxi-tilantongo

²² Te n‑jaꞌan‑ia nuu se n‑tundaꞌa Sua: —Juan nuꞌu koio, te najani‑n nuu Sua xa n‑ka xini‑n xiꞌin xa n‑ka teku‑n. Juñaꞌa koio‑n xa xndeꞌa ñayiu kuaa n‑ka kaku. Ka ndvaꞌa xeꞌe ñayiu yakua. N‑ka ndvaꞌa ñayiu n‑teꞌyu ñɨɨ. Ka teku ñayiu doꞌo n‑kaku. N‑ka nandoto dava ñayiu n‑xiꞌí. Te jaꞌan‑r nuu ñayiu ka kundaꞌu nax io xa kada‑i xa nanitaꞌu‑i. Ɨɨn xavaꞌa kuu.

San Lucas 7:22 Referans Kwoze

San Lucas 4:18

N‑tetutniu ñaꞌa Espíritu Ianyuux xa jaꞌan‑r tnuꞌu‑ia nuu ñayiu ka kundaꞌu. Ɨɨn xavaꞌa kuu xa jaꞌan‑r nuu‑i. Ñuꞌu ñaꞌa Espíritu‑ia. N‑tundaꞌa ñaꞌa‑ia xa jaꞌan‑r nuu ñayiu xyɨndiꞌu nax kada koio‑i xa yaa‑i. N‑tundaꞌa ñaꞌa‑ia xa ndadavaꞌa‑r ñayiu kuaa na kuaꞌa na nukondeꞌa‑i. N‑tundaꞌa ñaꞌa‑ia xa kada‑r xa yaa ñayiu nuu ñayiu kida uꞌu ñaꞌa.

Santiago 2:5

Ñani mani‑da, kuꞌa mani‑da, kunini koio‑n. N‑kaxí Ianyuux ñayiu kundaꞌu xa kunduu‑i xiꞌin‑ia. Kuu ná kuu xa n‑ka nduu‑i ñayiu kuika, xaxeꞌe xa ka jandixa‑i Jesucristu. Ñuñayiu yaꞌa ka kundaꞌu‑i, ko andɨu ku kuu‑i daꞌya Ianyuux taxnuni, te taxnuni koio mee‑i xiꞌin‑ia. Xá n‑xiaꞌan Ianyuux tnuꞌu‑ia nuu ñayiu ka xemani‑ia xa duꞌa koo.

San Mateo 21:14

N‑ka xee ñayiu kuaa xiꞌin ñayiu ka xika yakua veñuꞌu jan, te n‑ndadavaꞌa‑ia‑i.

Hechos 26:18

Jaꞌan‑n nuu‑i jundu kuu Ianyuux xa na kutnuni ini‑i jundu kuu‑ia, te ma kutuu ka‑i nuu nee. Kada‑r xa jandixa‑i‑ia; ma taxnuni ka Kuiꞌna nuu‑i. Taxkanu ini‑ia xa n‑ka kida‑i kuechi, te nanitaꞌu‑i xiꞌin dava ka ñayiu kukanu ini ñaꞌa n‑kida‑ia xa n‑ka nduu‑i ñayiu ii”, kuu Jesús, Ia kuu Xtoꞌo‑da, n‑jaꞌan‑ia.

San Lucas 7:21

Hora ijan ni n‑ndadavaꞌa ka‑ia kueꞌe ñayiu ka kuꞌu. Nudɨɨn kueꞌe n‑ka tnaꞌa‑i. N‑ndadavaꞌa‑ia ñayiu xñuꞌu ñaꞌa xaloko. N‑ndadavaꞌa‑ia kueꞌe ñayiu kuaa.

Hechos 8:7

Kueꞌe ñayiu n‑ñuꞌu ñaꞌa xaloko n‑ka ndvaꞌa. Xee n‑ka xo kana xaloko hora n‑ka xo ndee‑i anu ñayiu. Dɨuni kueꞌe ñayiu n‑xiꞌí xeꞌe xiꞌin ñayiu yakua n‑ka ndvaꞌa.

San Juan 1:46

N‑xiaꞌan Natanael: —¿Ñuu Nazaret? ¡Ma kuaꞌa xa kee ɨɨn se vaꞌa nde ijan! N‑xiaꞌan Slipe: —Na jɨꞌɨn‑ro, te jini‑n.

San Mateo 11:5

Juñaꞌa‑n‑sɨ xa ka nukondeꞌa ñayiu kuaa. Ka nakaka ndaa ñayiu xika yakua. Ka ndvaꞌa ñayiu n‑teꞌyu ñɨɨ. Ka teku ñayiu n‑ka kudoꞌo. N‑ka nandoto dava ñayiu n‑xiꞌí. Dakuaꞌa‑r ñayiu ta teku ka tnuꞌu Ianyuux, te ɨɨn xavaꞌa kuu tnuꞌu‑ia.

San Lucas 7:23

Naka taꞌu kuu ñayiu ña ka dangondita ñaꞌa juini ñatu kida‑r xa xñu ini‑i xa kada‑r, te xndijun ñaꞌa naꞌi‑i —kuu Jesús, n‑xiaꞌan‑ia nuu se n‑tundaꞌa ñaꞌa Sua.