San Lucas 6:21 - New Testament in Mixtec Diuxi-tilantongo

²¹ ʼNdoꞌo ñayiu io anu xa kada koio‑n xa juini Ianyuux, naka taꞌu‑n chi kada ndɨꞌɨ‑n xijan, te kudɨ ini‑n. ʼMee‑n xa ka kuu‑n ñayiu ka ndaꞌi vitna, naka taꞌu‑n chi kueku koio‑n.

San Lucas 6:21 Referans Kwoze

San Juan 6:35

N‑jaꞌan Jesús: —Mee‑r kuu tila kida xa tuu vaꞌa ñayiu. Nux kunduu ɨɨn ñayiu xiꞌin mee‑r, nuncas ma kojon ka‑i. Nux jandixa ñaꞌa ɨɨn ñayiu mee‑r, nuncas ma yichi ka‑i.

San Mateo 5:6

ʼÑayiu io anu xa kada koio‑i xa juini Ianyuux, naka taꞌu‑i chi kada‑i ntdaa xijan, te kudɨ ini‑i.

Santiago 1:12

Na kuvete koio ñayiu kundee ini ntdaa xa yaꞌa‑i, chi nux kundee ini‑i, te tnɨɨ‑i premiu‑i. Premiu‑i kuu xa kutuu vaꞌa‑i xiꞌin Ianyuux andɨu kuia ma jɨn ndɨꞌɨ. Ná kuu corona kuu. Xá n‑taxi Ianyuux tnuꞌu‑ia xa duꞌa koo, nuxa xemani‑ro‑ia.

San Lucas 1:53

Kueꞌe xa n‑taxi‑ia roo, ñayiu ka kojon ka yichi chi ka kundaꞌu‑ro, te ma kojon ka‑ro. Ni ɨɨn ña tuu nax n‑xiaꞌan‑ia ñayiu kuika; duꞌa ntakaa ndaꞌa‑i ka nuꞌu‑i.

San Mateo 5:4

ʼÑayiu ka ndaꞌi xaxeꞌe xa yo ka kukoꞌyo ini‑i xa n‑ka kida‑i kuechi, naka taꞌu‑i chi kundaꞌu ini ñaꞌa Ianyuux, te ma kukoꞌyo ini ka‑i.

Apocalipsis 7:16

Mayo ka‑i kojon, ni mayo ka‑i yichi ndute, Ni ma teñuꞌu ñaꞌa ka ngandii; Ma ndaꞌu ka yaꞌa‑i nuu kaꞌni ngandii.

San Lucas 6:25

ʼNdoꞌo, ñayiu io xa kaxi xa koꞌo vitna, ndaꞌu yaꞌa koio‑n chi kojon koio‑n. ʼNdoꞌo, ñayiu ka xaku vitna, ndaꞌu yaꞌa koio‑n na xee kɨu chi ndaꞌi koio‑n xaxeꞌe xa kukoꞌyo ini‑n.

1 Corintios 4:11

Nde vitna ka kojon‑da, te ka yichi‑da ndute, te ña tuu na daꞌma vaꞌa‑da. Ka janñaꞌa‑i, te ña tuu na veꞌe‑da xndaxio.

San Juan 4:10

N‑jaꞌan Jesús nuu‑ña: —Nux n‑kutnuni ini‑n xa n‑taxi Ianyuux, te n‑kutnuni ini‑n jundu xijan ndute n‑kuu, te kajan mee‑n nuu mee‑r, te taa‑r ndute vaꞌa xa kutuu vaꞌa‑n.

Apocalipsis 21:3

N‑teku‑da xa xee jaꞌan nde nuu nukoo silla kaꞌnu Ianyuux. Duꞌa n‑jaꞌan: —Tuu Ianyuux xiꞌin ñayiu ñuñayiu vitna. Kutuu kaꞌnu‑ia xiꞌin‑i. Ku kuu‑i daꞌya‑ia, te Ianyuux‑yɨ kuu‑ia.

2 Corintios 12:10

Xijan kuu xa juini ña ndaku‑da, ko kuvete‑da. Juini kuiꞌa ka jaꞌan ñayiu nuu‑da, ko kuvete‑da. Juini kueꞌe vida yaꞌa‑da, ko kuvete‑da. Juini ka xini uꞌu ñaꞌa ñayiu, ko kuvete‑da. Juini ña kuaꞌa‑da xa kada‑da xa juini‑da, ko kuvete‑da. Kuvete‑da xaxeꞌe Cristu. Xaxeꞌe mee‑ia, nahora ña ndaku‑da, hora ijan, taxi‑ia xandaku mee‑ia.

2 Corintios 11:27

Yo ndeꞌe n‑xo kidatniu‑da, te kueꞌe vida n‑xo yaꞌa‑da. Io kɨu ni ña n‑xo kidi‑da. N‑xo kojon‑da. N‑xo yichi‑da ndute. Kueꞌe vuelta ña n‑xio tiempo xa kaxi‑da, xa chindee‑da ɨnka ñayiu. N‑xo kuvixi‑da, te ña n‑xio daꞌma‑da.

2 Corintios 6:10

Juini tnau ini‑da, ko kɨu xiꞌin kɨu kida Ianyuux xa kuvete‑da. Juini kundaꞌu‑da, ko xiaꞌan‑da xaxii Ianyuux nuu kueꞌe ka xa kueꞌe ka ñayiu. Juini ña tuu nax nevaꞌa‑da, ko xaxii‑da kuu ntdaa xa io.

San Juan 11:35

Te n‑ndaꞌi Jesús.

San Lucas 6:20

N‑nukondeꞌa Jesús ñayiu dakuaꞌa‑ia, te n‑jaꞌan‑ia nuu‑i: —Mee‑n ñayiu ka xani ini xa ma dananitaꞌu ñaꞌa Ianyuux, naka taꞌu‑n chi kɨu tnaꞌa‑n nuu ñayiu taxnuni‑ia nuu‑i.

San Lucas 6:22

ʼNaka taꞌu kuu koio‑n hora na jini uꞌu ñaꞌa ñayiu. Ma juejoon ka‑i xa kandeka tnaꞌa ka‑n xiꞌin‑i, te kuiꞌa jaꞌan ñaꞌa koio‑i. Jaꞌan koio‑i xa unu loko‑n. Ntdaa xijan kada ñaꞌa‑i xaxeꞌe ruꞌu, Ia kuu ñayiu.