San Lucas 5:33 - New Testament in Mixtec Diuxi-tilantongo

³³ Ka xiaꞌan ñayiu ka xaxdeꞌñu ijan nuu Jesús: —Se dakuaꞌa ñaꞌa Sua, tɨtnɨ vuelta xneꞌe ii‑s. Nɨni xneꞌe ii‑s, ña ka xaxi‑s, te tɨtnɨ vuelta ka xijan taꞌu‑s nuu Ianyuux. Dani ka kida se dakuaꞌa ñaꞌa se fariseu. ¿Nakuenda se dakuaꞌa mee‑n, ka xaxi‑s, ka xiꞌi‑s, te ñayo‑s neꞌe ii?

San Lucas 5:33 Referans Kwoze

San Lucas 20:47

Ka jendee‑s veꞌe ñá n‑ka xiꞌí yɨɨ. Ka kida nga‑s xa vaꞌa‑s. Yo naꞌa ka xijan taꞌu‑s xa na kundeꞌa ñayiu. Ndeꞌe ndaꞌu ka yaꞌa koio‑s na ndundaa kuechi ñayiu dada dava ka ñayiu.

San Lucas 18:12

Daña xko ndite‑da uu kɨu xa neꞌe ii‑da ntnaꞌa una kɨu. Ntnaꞌa uxi xa niꞌi‑da nataxi‑da ɨɨn”, kuu‑s, xiaꞌan‑s.

Hechos 9:11

Xiaꞌan‑ia nuu‑s: —Juaꞌan ichi nani Ichi Ndaa nuu io veꞌe Judas. Ijan nanduku‑n ɨɨn se Tarso nani Saulo chi xijan taꞌu‑s nuu‑r.

San Juan 3:25

Te n‑ka jantnaꞌa tnuꞌu se dakuaꞌa Sua xiꞌin ɨnka se Israel. N‑ka jantnaꞌa tnuꞌu‑s nanda koo xa kuneꞌe ii ñayiu.

San Juan 1:35

Kɨu kuu uni, ɨnka vuelta n‑xo tuu Sua xiꞌin uu se dakuaꞌa‑s.

San Lucas 11:1

Ɨɨn vuelta n‑xijan taꞌu Jesús nuu Ianyuux ɨɨn nuu n‑xeꞌen‑ia. Nu n‑yaꞌa xa n‑xijan taꞌu‑ia, te n‑jaꞌan ɨɨn se dakuaꞌa‑ia nuu‑ia: —Dito, ¿Janda jaꞌan koio‑da hora na kajan taꞌu koio‑da nuu Ianyuux? Dakuaꞌa ñaꞌa‑n ná n‑dakuaꞌa Sua se n‑dakuaꞌa‑s.

San Marcos 12:40

Ka tnɨɨ nga‑s veꞌe ñadɨꞌɨ ka kuu viuda. Te hora ka xijan taꞌu‑s, te naꞌa ka xijan taꞌu‑s, xa kani ini koio ñayiu xa yo vaꞌa xemani‑s Ianyuux. Kueꞌe ka kada uꞌu Ianyuux mee‑s dada xa kada‑ia ɨnka ñayiu.

San Mateo 23:13

Ijan dada xiaꞌan‑ia nuu se ka kunxaꞌnu: —Ndaꞌu yaꞌa koio ndoꞌo, se ka kuu maestru xiꞌin se fariseu chi unu loko‑n. Ka kida nga‑n xa vaꞌa‑n. Ka dadaꞌan‑n xa maxku kɨu tnaꞌa koio ñayiu nuu ñayiu ka jandixa xa taxnuni Ianyuux nuu‑i. Juini juini‑i xa kɨu tnaꞌa koio‑i nuu ñayiu ijan, ko ka dadaꞌan‑n, te ni mee‑n ña kɨu tnaꞌa koio nuu‑i.

San Lucas 2:37

Koon diko koon kuia io‑ña. Ña n‑xo kee‑ña veñuꞌu Jerusalén xaxeꞌe xa n‑xo xijan taꞌu‑ña nuu Ianyuux. N‑xo xo neꞌe ii‑ña, te n‑xo xio ndite‑ña. Mee ni xa xinokuechi‑ña nuu Ianyuux. Nduu, xakuaa n‑xo xinokuechi‑ña.

San Lucas 5:32

Ñadu n‑kixee‑r xa jaꞌan‑r nuu ñayiu vaꞌa xa nkuitandijun ñaꞌa‑i chi n‑kixee‑r xa jaꞌan‑r nuu ñayiu ka kida kuechi xa na nkuitandijun ñaꞌa‑i, te na natu ini koio‑i xa n‑ka kida‑i —kuu Jesús, xiaꞌan‑ia.

San Lucas 5:34

Te n‑jaꞌan Jesús tnuꞌu kandee. Xiaꞌan‑ia: —Se dakuaꞌa‑r ka kuu na ka kuu se xtuu viko tnundaꞌa, te mayo ku dadaꞌan xa kaxi koio‑s dita hora xtuu‑s xiꞌin noviu,