San Lucas 5:32 - New Testament in Mixtec Diuxi-tilantongo

³² Ñadu n‑kixee‑r xa jaꞌan‑r nuu ñayiu vaꞌa xa nkuitandijun ñaꞌa‑i chi n‑kixee‑r xa jaꞌan‑r nuu ñayiu ka kida kuechi xa na nkuitandijun ñaꞌa‑i, te na natu ini koio‑i xa n‑ka kida‑i —kuu Jesús, xiaꞌan‑ia.

San Lucas 5:32 Referans Kwoze

San Lucas 19:10

N‑kixee ruꞌu, Ia kuu ñayiu, xa dananitaꞌu‑r ñayiu ñatu ka xini jundu kuu Ianyuux.

San Lucas 15:10

Daa ka kudɨ ini ángel, ia ka xinokuechi nuu Ianyuux, hora natu ini ɨɨn ñayiu xa n‑kida‑i kuechi.

San Lucas 15:7

Daa ka kudɨ ini ia xtuu andɨu. Yo kudɨ ini ka‑ia hora natu ini ɨɨn ñayiu xa n‑ka kida‑i kuechi dada xaxeꞌe koon diko xaun koon ñayiu kida xavaꞌa chi ña tuu nax n‑ka kida‑i xa ku natu ini‑i.

Hechos 3:19

Natu ini koio‑n xa n‑ka kida‑n chi kuechi kuu, te kukanu ini koio‑n Cristu xa na taxkanu ini Ianyuux xa n‑ka kida‑n, te kada‑ia xa kutuu vaꞌa koio‑n.

San Lucas 24:47

Xyodotnuni xa io xa tundaꞌa ñaꞌa‑r jɨꞌɨn ntdantuꞌu ñuu ñuñayiu xa jaꞌan koio‑n nuu ñayiu nax io xa kada‑i xa na natu ini‑i xa n‑ka kida‑i kuechi, te taxkanu ini ñaꞌa Ianyuux. Io xa duꞌa kada koio‑n kiꞌna ka Jerusalén.

Hechos 17:30

Ña n‑chinuu Ianyuux ñayiu xanaꞌa, ñayiu ña n‑kutnuni ini jundu kuu‑ia, ko vitna taꞌu tniu‑ia xa ntdandituꞌu ñayiu ñuñayiu natu ini koio‑i xa n‑ka kida‑i kuechi.

2 Pedro 3:9

Xá n‑taxi Xtoꞌo‑ro tnuꞌu‑ia, te duꞌa kada‑ia. Ka jaꞌan ñayiu xa yo kukuee‑ia, ko ña ndaa. Diko ni ndetu kuee ñaꞌa‑ia mee‑ro. Ña juini‑ia xa ni ɨɨn ñayiu maxku kuú‑i xiꞌin kuechi‑i. Juini‑ia xa natu ini koio ntdaa ñayiu kuechi‑i, xa dandoo‑i kuechi‑i, xa kunduu koio‑i xiꞌin mee‑ia.

Hechos 2:38

Xiaꞌan Spedru nuu‑i: —Natu ini koio xa n‑ka kida‑n kuechi na kuaꞌa na taxkanu ini Ianyuux kuechi‑n, te juendute koio‑n ɨɨn ɨɨn‑n xaxeꞌe xa ka kukanu ini‑n Jesucristu. Kada Taa‑ro Ianyuux xa keé ñaꞌa Espíritu‑ia.

Hechos 20:21

N‑jaꞌan‑da xaꞌa nuu ñayiu ka kuu yatnuꞌu Israel xiꞌin nuu mee‑n, ñayiu ñatu ka kuu yatnuꞌu Israel. Dɨuni n‑jaꞌan‑da xa na natu ini koio‑n xa n‑ka kida‑n kuechi xiꞌin xa na kukanu ini‑n Jesús, Ia kuu Xtoꞌo‑ro.

Hechos 3:26

Kiꞌna nuu nuu ndixi n‑tundaꞌa Ianyuux Daꞌya Yɨɨ‑ia na n‑nadandoto‑ia‑ia xa na natu ini‑n ɨɨn ɨɨn‑n xa n‑ka kida‑n kuechi.

San Mateo 18:10

ʼCuedado koo koio‑n xa maxku jini uꞌu koio‑n sekuechi yaꞌa chi ángel sekuechi yaꞌa xtuu yatni nuu Taa‑ro Ianyuux, te chindee‑ia‑s. Xtuu‑ia andɨu nuu xndeꞌa‑ia Ianyuux ntdantuꞌu kɨu.

Hechos 5:31

N‑xantuu Ianyuux‑ia diñi kuaꞌa‑ia andɨu xa najuen tnuꞌu ñaꞌa‑ia, te n‑jantuu tniu ñaꞌa Ianyuux xa taxnuni‑ia. Dɨuni n‑kida‑ia xa kuu‑ia Ia dananitaꞌu ñaꞌa. Xijan kuu xa na natu ini roo, ñayiu ka kuu yatnuꞌu Israel kuechi n‑ka kida‑ro, te taxkanu ini ñaꞌa‑ia.

San Marcos 15:10

Chi naꞌa‑s xa dutu ka taxnuni xndeka Jesús juaꞌan nuu‑s, xaxeꞌe xa ka kukuedi ini‑s nuu‑ia.

San Marcos 15:7

Vekaa yɨndiꞌu ɨɨn se nani Barrabás. N‑ndundeꞌe‑s xiꞌin se xnetnaꞌa xiꞌin‑s nuu gobierno, te n‑xaꞌni‑s ndɨyɨ.

San Mateo 9:13

Io xa kutnuni ini koio‑n nax kuu xaꞌa: “Juini‑r xa kundaꞌu ini‑n ñayiu, ñadu juini‑r xa doko‑n ɨɨn xa jandodo‑n nuu altar.” Ñadu n‑kixee‑r xa jaꞌan‑r nuu ñayiu vaꞌa xa nkuitandijun ñaꞌa‑i, chi n‑kixee‑r xa jaꞌan‑r nuu ñayiu ka xini xa kueꞌe kuechi ka kida‑i xa nkuitandijun ñaꞌa‑i —kuu Jesús, xiaꞌan‑ia nuu‑s.

San Marcos 2:17

N‑teku Jesús nax n‑ka jaꞌan‑s, te n‑jaꞌan‑ia: —Se io vaꞌa, ñatu ndoñuꞌu‑s doctor. Se ka kuꞌu, ndoñuꞌu‑s doctor. Ñatu vaxi‑r xa jaꞌan‑r se xani ini xa ña tuu na kuechi‑s. Vaxi‑r xa jaꞌan‑r se naꞌa xa io kuechi‑s, xa kutuu koio‑s xiꞌin mee‑r.

San Lucas 5:31

Te n‑jaꞌan Jesús nuu‑s: —Ñayiu io vaꞌa, ña ka ndoñuꞌu‑i setatna, ko ñayiu ka kuꞌu, ndoñuꞌu‑i‑sɨ.

San Lucas 5:33

Ka xiaꞌan ñayiu ka xaxdeꞌñu ijan nuu Jesús: —Se dakuaꞌa ñaꞌa Sua, tɨtnɨ vuelta xneꞌe ii‑s. Nɨni xneꞌe ii‑s, ña ka xaxi‑s, te tɨtnɨ vuelta ka xijan taꞌu‑s nuu Ianyuux. Dani ka kida se dakuaꞌa ñaꞌa se fariseu. ¿Nakuenda se dakuaꞌa mee‑n, ka xaxi‑s, ka xiꞌi‑s, te ñayo‑s neꞌe ii?