San Lucas 4:4 - New Testament in Mixtec Diuxi-tilantongo

⁴ Te n‑jaꞌan Jesús nuu‑i: —Yodotnuni tnuꞌu Ianyuux xa: “Ñadu diko ni xa kaxi koio ñayiu kundito‑i.”

San Lucas 4:4 Referans Kwoze

San Mateo 4:4

N‑jaꞌan Jesús nuu‑i: —Yodotnuni tnuꞌu Ianyuux xa: “Io xa kaxi koio ñayiu na kuaꞌa kundito koio‑i, ko ñadu diko ni xijan io xa kada‑i, chi dɨuni io xa kunini‑i ntdandituꞌu tnuꞌu Ianyuux.”

Efesios 6:17

Kuenda kɨu ɨɨn soldado n‑kaku xa kuú‑s xa n‑ñani dɨkɨ‑s ɨɨn xa n‑ñani xaxeꞌe xa ñuꞌu‑s lelu kaa ku kuu‑n xa kaku koio‑n nuu Kuiꞌna, te nanitaꞌu‑n. Ná kada‑ro kuenda xa soldado neꞌe espada‑s xa dadaꞌan niꞌno‑s mee‑s ku kuu‑n xa dadaꞌan niꞌno‑n mee‑n nuu ñayiu hora jaꞌan‑n tnuꞌu Ianyuux yodotnuni n‑jaꞌan Espíritu‑ia.

San Mateo 6:31

Maxku kundu ini koio‑n. Maxku jaꞌan koio‑n: “¿Nax kaxkoꞌo‑ro? ¿Nax kundix kudaꞌu‑ro?”,

San Lucas 4:10

chi yodotnuni tnuꞌu Ianyuux xa: “Taꞌu tniu Ianyuux nuu ángel, ia ka xinokuechi nuu‑ia, xa junuu ñaꞌa‑ia.”

San Lucas 4:8

Xiaꞌan Jesús nuu‑i: —Yodotnuni tnuꞌu Ianyuux xa: “Nuu Ianyuux, Ia kuu Xtoꞌo‑ro, njuiin xiti koio, te nakuetu koio. Nuu mee ni‑ia junukuechi koio.”

San Lucas 22:35

Ijan dada n‑xijan tnuꞌu‑ia‑s ntdaa‑s: —Kɨu na n‑tundaꞌa ñaꞌa‑r xa jɨn dakuaꞌa‑n ñayiu, n‑jaꞌan‑r xa maxku kaneꞌe koio‑n tvini, maxku kaneꞌe koio‑n bolsa‑n; maxku kaneꞌe koio‑n ɨnka tayu ndixa‑n. ¿Nax n‑ka n‑ndoñuꞌu‑n tiempo ijan? Ka xiaꞌan‑s: —Ña tuu nax n‑ka ndoñuꞌu‑da.

San Lucas 4:3

N‑jaꞌan Kuiꞌna nuu‑ia: —Nux ndaa xa Daꞌya Yɨɨ Ianyuux kuu‑n juñaꞌa yuú yaꞌa na nduu‑i tila.