San Lucas 3:7 - New Testament in Mixtec Diuxi-tilantongo

⁷ Kueꞌe ñayiu n‑ka xo xeꞌen nuu Sua xa dajuendute ñaꞌa‑s. N‑xo jaꞌan‑s nuu‑i: —Daꞌya Kuiꞌna ka kuu‑n. ¿Jundu n‑kachitnuꞌu ñaꞌa xa kaku koio‑n nuu Ianyuux? ¿Ka kachi ini‑n xa ma kiti ini‑ia nuu‑n na kixi‑ia u? ¿Jundu n‑kachitnuꞌu ñaꞌa xa ma ndadandaa‑ia kuechi‑n?

San Lucas 3:7 Referans Kwoze

San Mateo 23:33

Daꞌya Kuiꞌna ka kuu‑n. Ma kaku‑n na ndadandaa Ianyuux kuechi‑n chi jɨꞌɨn koio‑n andea.

1 Tesalonicenses 1:10

Dɨuni ka jaꞌan‑i xa xndetu‑n xa ndixi Daꞌya Yɨɨ Ianyuux nde andɨu. N‑kida Ianyuux xa n‑nandoto Jesús nuu n‑kuu‑ia ndɨyɨ, te dakaku ñaꞌa Jesús mee‑ro, hora ndundeꞌe Ianyuux nuu ñayiu ñuñayiu.

San Mateo 12:34

Mee ni xaloko xaduꞌa ka jaꞌan‑n chi daꞌya Kuiꞌna ka kuu‑n. Xa xñuꞌu anu‑n xijan ka jaꞌan‑n.

1 Juan 3:8

Nux dani kida ɨɨn ñayiu kuechi, kuu‑i daꞌya kuiꞌna. Nde kiꞌna nuu n‑kida kuiꞌna kuechi, te dani kida naꞌi‑i nde vitna. Xijan kuu xa n‑kixi Daꞌya Yɨɨ Ianyuux ñuñayiu, xa danaa‑ia ntdaa xa n‑kida kuiꞌna.

Hebreos 6:18

Xijan kuu xa, io uu xa io xa ma kuaꞌa xa dama. Ma dama Ianyuux, te ma dama tnuꞌu‑ia. Ñatu kuaꞌa Ianyuux xa jaꞌan‑ia tnuꞌu vete. Xijan kuu xa, na koo kaꞌnu anu‑ro. Xá n‑xee‑ro nuu Ianyuux, xa tnɨɨ‑ro xa taxi‑ia. Na kundee ini‑ro, na kundetu kuee‑ro, nde na tnɨɨ‑ro ntdaa xa taxi‑ia.

Hechos 13:10

Te n‑jaꞌan‑s: —Daꞌya Kuiꞌna kuu‑n. Xini uꞌu‑n ntdaa xavaꞌa. Mee ni xa dandaꞌu‑n ñayiu. Mee ni xa ña ndaa kida‑n. ¿Nakuenda ña nujani‑n xa jaꞌan‑n xa tnuꞌu Ianyuux kuu tnuꞌu vete?

San Juan 8:44

Mee‑n, ka kuu‑n daꞌya taa‑n. Daꞌya kuiꞌna ka kuu‑n. Ka juini‑n xa kada‑n xa juini taa‑n. Nde xa kiꞌna nuu xaꞌni kuiꞌna ndɨyɨ. Ña jandixa‑i xandaa, chi ña tna ini‑i xandaa. Hora jaꞌan kuiꞌna tnuꞌu vete, jaꞌan‑i xa xani ini mee‑i. Se jaꞌan tnuꞌu vete kuu kuiꞌna, te dakuaꞌa‑i ñayiu xa jaꞌan koio mee‑i tuku tnuꞌu vete.

San Mateo 3:6

Ñayiu n‑ka natu ini xa n‑ka kida‑i kuechi, n‑dajuendute‑s‑yɨ nuu ndute xika deꞌva Jordán.