San Lucas 3:23 - New Testament in Mixtec Diuxi-tilantongo

²³ N‑kixeꞌe Jesús xa kada‑ia tniu Ianyuux. Io‑ia naxa oko uxi kuia daa. N‑xo xani ini ñayiu xa kuu‑ia daꞌya yɨɨ José. José n‑kuu daꞌya Elí.

San Lucas 3:23 Referans Kwoze

San Mateo 13:55

Daꞌya carpinteru ni kuu‑s. Dɨꞌɨ‑s kuu María te ñani‑s kuu Jacobo, José, Simón, Judas du.

Hechos 1:1

Dito Teófilo, libru n‑kidavaꞌa‑da kiꞌna nuu n‑kakuneꞌe‑da ntdandituꞌu xa n‑kixeꞌe Jesús xa n‑kida‑ia xiꞌin xa n‑dakuaꞌa‑ia ñayiu.

San Juan 6:42

N‑ka jaꞌan‑s: —¿Ña dɨu mee‑s kuu Jesús, daꞌya yɨɨ José a? Mee‑ro ka xini tadɨꞌɨ‑s. ¿Nax kuu xa jaꞌan‑s xa vaxi‑s nde andɨu?

San Lucas 4:22

N‑ka kutnuni ini ñayiu n‑ka teku tnuꞌu n‑jaꞌan‑ia xa tnuꞌu vii tnuꞌu vaꞌa n‑jaꞌan‑ia. Dɨuni n‑ka kutnuni ini‑i xa ɨɨn xavaꞌa kuu. N‑ka xiaꞌan tnaꞌa‑i: —¿Ñadu se yaꞌa kuu daꞌya yɨɨ José a?

San Marcos 6:3

¿Ñadu se yaꞌa kuu carpinteru, daꞌya María u? ¿Ñadu se yaꞌa kuu ñani Jacobo xiꞌin José xiꞌin Judas xiꞌin Simón a? ¿Ñadu yaꞌa io‑ro xiꞌin kuꞌa‑s a? Te mee‑s, ña n‑ka chinuu‑s xa jaꞌan Jesús, ña n‑ka chinuu‑s xa kida‑ia.

San Mateo 4:17

Tiempu ijan n‑kixeꞌe Jesús xa dakuaꞌa‑ia ñayiu. N‑jaꞌan‑ia nuu‑i: —Natu ini koio xa n‑ka kida‑n kuechi, chi vax kuyatni kɨu taxnuni Ianyuux nuu ñayiu ñuñayiu.

San Mateo 1:16

Jacob n‑kuu taa José, se n‑kuu yɨɨ María. María n‑kuu dɨꞌɨ Jesús, Ia kuu Cristu.

San Lucas 3:31

Eliaquim n‑kuu daꞌya Melea. Melea n‑kuu daꞌya Mainán. Mainán n‑kuu daꞌya Matata. Matata n‑kuu daꞌya Natán.

San Mateo 1:6

Isaí n‑kuu taa David. David n‑kuu se kunxaꞌnu. Daꞌya yɨɨ David n‑kuu Salomón. N‑kaa David xiꞌin ñadɨꞌɨ Urías, te n‑kaku Salomón.

San Mateo 1:1

Libru yaꞌa kakuneꞌe xixitna Jesucristu. Xixitna‑ia n‑kuu David. Xixitna David n‑kuu Abraham.

San Lucas 2:48

Nu n‑ka xini ñaꞌa tadɨꞌɨ‑ia, te n‑ka yuꞌu‑s. N‑jaꞌan dɨꞌɨ‑ia: —Jesús, ¿nakuenda duꞌa n‑kida ñaꞌa‑un? Te ka nanduku ñaꞌa‑r xiꞌin taa‑un. Yo n‑ka chi ini‑r xaxeꞌe‑un —kuu‑ña, xiaꞌan‑ña.

San Juan 1:45

N‑nanitnaꞌa Slipe xiꞌin Natanael, te n‑jaꞌan‑s: —N‑ka nanitnaꞌa‑r xiꞌin ɨɨn seyɨɨ. Hora n‑chidotnuni Moisés tnuꞌu n‑taꞌu tniu Ianyuux, n‑jaꞌan‑s xa kixi ɨɨn seyɨɨ. Se n‑ka xian tnuꞌu tnuꞌu Ianyuux nuu ñayiu du. N‑ka chidotnuni‑s xa kixi ɨɨn seyɨɨ. Te vitna xa n‑ka nanitnaꞌa‑r xiꞌin‑s. Kuu‑s Jesús, daꞌya José. Se ñuu Nazaret kuu‑s.