San Lucas 3:13 - New Testament in Mixtec Diuxi-tilantongo

¹³ Te xiaꞌan Sua nuu‑s: —Maxku kajan‑n kueꞌe tvini nuu ñayiu; kajan koio‑n nani taꞌu tniu se ka taxnuni.

San Lucas 3:13 Referans Kwoze

1 Corintios 6:10

Ni ñaduꞌu. Ni ñayiu ka kukuedi ini. Ni sexini, ni ñáxini. Ma kuaꞌa ñayiu jan xa kutuu‑i nuu taxnuni Ianyuux. Ni ñayiu kuiꞌa jaꞌan, ni ñayiu dandaꞌu ɨnka ñayiu. Ma kutuu‑i xiꞌin Ianyuux.

San Lucas 19:8

N‑ndojuiin Zaqueo te n‑jaꞌan‑s nuu Jesús, Ia kuu Xtoꞌo‑ro: —Dito, kunaꞌa‑n xa juñaꞌa‑da ñayiu ka kundaꞌu dava xaxii‑da, te ñayiu n‑dandaꞌu‑da, najuñaꞌa‑da xaxii‑i koon vuelta —kuu‑s, xiaꞌan‑s.

Efesios 4:28

Ñayiu n‑ka kuu ñaduꞌu, maxku duꞌu koio ka‑i. Na kadatniu koio‑i xa na niꞌi koio‑i xa ka ndoñuꞌu‑i xiꞌin xa na niꞌi‑i xa juñaꞌa nga‑i ñayiu ka kundaꞌu.

San Mateo 7:12

Xaxeꞌe xa ka juini‑n xa na kada ñaꞌa ñayiu xavaꞌa, kada koio‑n‑yɨ xavaꞌa chi xijan n‑chidotnuni Moisés xiꞌin se n‑ka jaꞌan tnuꞌu Ianyuux nuu ñayiu.

Hebreos 12:1

Xijan kuu xa, na kundee ini‑ro xa jandixa‑ro Ianyuux. Se ijan, ñá ijan, n‑ka jandixa‑s Ianyuux, te n‑ka kida‑s xa juini‑ia. Kuu ná kuu xa xnii‑s nituꞌu lado, xa tax koio‑s tnuꞌu kanu ini. Kueꞌe‑s xa kueꞌe‑s io. Kuu ná kuu xa xino‑ro, ɨɨn ɨɨn‑ro, ɨɨn carrera. Na daxio‑ro ntdaa xa datnañaꞌa, xa na kunu vaꞌa‑ro. Na daxio‑ro ntdaa kuechi kada xa ndua‑ro. Na kundee ini‑ro, xa kunu vaꞌa‑ro.

San Lucas 3:12

Se ka xijan tvini nandajan gobierno, n‑ka xee‑s xa dajuendute ñaꞌa Sua, te n‑ka jaꞌan‑s nuu‑s: —Maestru, ¿nax io xa kada koio‑da?

San Lucas 3:14

Dɨuni n‑ka xee soldado nuu‑s. N‑ka jaꞌan‑s: —¿Nax io xa kada koio‑da? Te xiaꞌan‑s: —Maxku tnɨɨ koio‑n ñayiu xa taxjuexa‑i tvini. Maxku tekuechi‑n ñayiu kuechi neñuu xa niꞌi koio‑n tvini. Kajan koio tvini ñayiu nani taꞌu tniu gobierno, te ndoo koio‑n xiꞌin tvini kuu yaꞌu‑n; maxku kukajan ini koio ka‑n tvini.