San Lucas 23:22 - New Testament in Mixtec Diuxi-tilantongo

²² Xiaꞌan ntuku Pilato nuu‑s ɨnka vuelta. Vuelta kuu uni kuu vuelta yaꞌa. —¿Nakuenda? ¿Na kuechi n‑kida‑s? Ña tuu na kuechi n‑kida‑s xa kaꞌni‑r‑sɨ. Kani‑r‑sɨ chirrión ñɨɨ, te dayaa‑r‑sɨ —kuu Pilato.

San Lucas 23:22 Referans Kwoze

San Lucas 23:14

Xiaꞌan Pilato nuu‑s ntdaa‑s: —N‑ka ki ndeka‑n se yaꞌa te ka tekuechi‑n‑sɨ xa dajaꞌan‑s ñayiu xa na ndandita‑i nuu‑r. N‑ka xo ndeꞌa‑n xa n‑xijan tnuꞌu‑r‑sɨ, ko ña tuu na kuechi‑s io na ka jaꞌan‑n.

1 Pedro 3:18

Idini vuelta n‑xiꞌí Cristu xaxeꞌe kuechi ka kida ñayiu, n‑kenaa vitna. Meni xavaꞌa n‑kida Cristu. N‑xiꞌí‑ia xaxeꞌe ñayiu ka kida xa uꞌu, n‑xiꞌí‑ia xa kandeka ñaꞌa‑ia mee‑ro jɨꞌɨn nuu tuu Ianyuux, xa kutuu vaꞌa‑ro xiꞌin‑ia. N‑ka xaꞌni ñayiu yɨkɨ kuñu Cristu, ko n‑kida Ianyuux xa n‑xo tuu naꞌi anu Cristu.

1 Pedro 1:19

Ko n‑xeen ñaꞌa‑ia xiꞌin nɨñɨ Cristu. Te yo yaꞌu ka nɨñɨ Cristu dada ntdaa xa io. Xá n‑kuu kueꞌe kuia, n‑taꞌu tniu Ianyuux nuu ñayiu Israel xa juñaꞌa koio‑i xa doko‑i nuu‑ia. Xa doko‑i kuu ɨɨn tkolelu vaꞌa kaa, ɨɨn tkolelu vili kaa. Ná kuu tkolelu jan kuu Cristu.

San Lucas 23:20

Xee n‑jaꞌan Pilato nuu ñayiu ɨnka ntuku vuelta xa n‑jaꞌan‑s xa dayaa‑s Jesús.

San Lucas 23:16

Kani‑r‑sɨ chirrión ñɨɨ te dayaa‑r‑sɨ.

San Lucas 23:4

Ijan dada xiaꞌan Pilato nuu dutu ka taxnuni xiꞌin nuu ñayiu xyuku ijan: —Ña tuu na kuechi se yaꞌa io.

San Lucas 23:21

Te n‑ka kana ntuku se xyuku ijan nuu Pilato: —Katakaa dika‑n‑sɨ. Katakaa dika‑n‑sɨ.

San Lucas 23:23

Xee ka n‑ka kana‑s xa na nkuitakaa dika Jesús. Te n‑ka kundee tnuꞌu‑s.