San Lucas 22:70 - New Testament in Mixtec Diuxi-tilantongo

⁷⁰ Te ka xiaꞌan‑s ntdaa‑s: —¿Xijan juini kachi xa mee‑n kuu Daꞌya Yɨɨ Ianyuux a? Te xiaꞌan‑ia nuu‑s: —Joon.

San Lucas 22:70 Referans Kwoze

San Lucas 23:3

Ijan dada n‑xijan tnuꞌu Pilato Jesús: —¿Ndoꞌo kuu se taxnuni nuu ñayiu Israel a? Xiaꞌan Jesús: —Joon.

San Marcos 15:2

N‑xijan tnuꞌu Pilato Jesús: —¿Ndoꞌo kuu se kunxaꞌnu ka nuu ñayiu Israel a? N‑jaꞌan Jesús: —Mee‑n jaꞌan.

San Mateo 27:11

N‑xee Jesús nuu se kuu gobernador jan, te n‑xijan tnuꞌu‑s‑ia: —¿Mee‑n kuu se taxnuni nuu ñayiu Israel a? Te n‑jaꞌan Jesús: —Joon.

San Mateo 26:64

Te xiaꞌan Jesús nuu‑s: —Joon, te na jaꞌan‑r xa xee kɨu jini ñaꞌa koio‑n mee‑r, Ia kuu ñayiu, diñi kuaꞌa Ia taxnuni. Kunukoo‑r ijan xa taxnuni‑r nuu ñayiu, te ndixi‑r nuu viko.

San Juan 19:7

N‑ka jaꞌan se Israel: —Ka jandixa mee‑da tnuꞌu n‑chidotnuni Moisés. Jaꞌan tnuꞌu jan xa io xa kuú se yaꞌa, chi jaꞌan‑s xa kuu‑s Daꞌya Yɨɨ Ianyuux.

San Juan 18:37

N‑jaꞌan Pilato: —¿Xijan kuu xa kuu‑n ɨɨn se kunxaꞌnu ka u? N‑jaꞌan Jesús: —Se kunxaꞌnu ka kuu‑r, ná n‑jaꞌan‑n. Xandaa kuu xa jaꞌan‑n. Xijan, kuu xa n‑kaku‑r, xijan, kuu xa vaa‑r ñuñayiu. Vaa‑r xa jaꞌan ndaa‑r xaxeꞌe xa kuu xandaa. Ntdaa ñayiu ka juini xa kutnuni ini xa kuu xandaa, ka teku‑i tnuꞌu‑r.

San Juan 10:36

Xijan kuu xa, ¿nax kuu xa ka jaꞌan‑n xa kuiꞌa jaꞌan mee‑r nuu Ianyuux, hora n‑jaꞌan‑r xa kuu‑r Daꞌya Yɨɨ Ianyuux? Kuu‑r Ia n‑kaxí ñaꞌa‑ia, kuu‑r Ia n‑tundaꞌa ñaꞌa‑ia vaxi‑r ñuñayiu.

San Juan 10:30

Te ɨɨn nuu kuu mee‑r xiꞌin Taa‑r, idini ka kuu‑r.

San Juan 1:49

N‑jaꞌan Natanael: —Maestru, mee‑n kuu Daꞌya Yɨɨ Ianyuux. Mee‑n kuu se kunxaꞌnu ka nuu ñayiu Israel.

San Juan 1:34

N‑xini‑da xa duꞌa n‑kuu, te jaꞌan ndaa‑da xa se yaꞌa kuu Daꞌya Yɨɨ Ianyuux.

San Lucas 4:41

Dɨuni n‑ka kee ñaꞌa kueꞌe xaloko. Xee ka kana‑i. Ka xiaꞌan‑i nuu‑ia: —Mee‑n kuu Daꞌya Yɨɨ Ianyuux. Te n‑kudeen‑ia nuu‑i. Xaxeꞌe xa naꞌa mee‑ia xa xnaꞌa xaloko jan xa mee‑ia kuu Cristu, n‑taꞌu tniu‑ia xa maxku jaꞌan koio‑i xijan.

San Marcos 14:62

N‑jaꞌan Jesús: —Kuu‑r. Kundeꞌa koio‑n Se kuu ñani tnaꞌa ñayiu ku nukoo ndaꞌa kuaꞌa Ia Taxnuni. Kundeꞌa koio‑n‑ia, hora ndixi‑ia xiti vikó andɨu.

San Mateo 27:54

Nu n‑ka xini centurión xiꞌin soldado n‑ka xo ndee xiꞌin‑s Jesús xa n‑tnaa, yo vichi n‑ka yuꞌu‑s. Te ka xiaꞌan tnaꞌa‑s: —Xandaa xakuiti xa se yaꞌa kuu Daꞌya Yɨɨ Ianyuux.

San Mateo 27:43

Na dakaku ñaꞌa Ianyuux chi n‑jaꞌan‑s xa kukanu ini‑s‑ia. Nuxa yo tna ini ñaꞌa‑ia, na dakaku ñaꞌa‑ia vitnadi chi n‑jaꞌan‑s xa kuu‑s Daꞌya Yɨɨ‑ia —kuu‑s, ka xiaꞌan tnaꞌa‑s.

San Mateo 4:3

Te n‑xee Kuiꞌna xa dajaꞌan ñaꞌa ntuku‑i xa kada‑ia kuechi. N‑jaꞌan‑i nuu‑ia: —Nuxa ndaa xa Daꞌya Yɨɨ Ianyuux kuu‑n, juñaꞌa yuú yaꞌa na nduu‑i tila.

San Mateo 3:17

N‑jaꞌan Ianyuux nde andɨu: —Ia yaꞌa kuu Daꞌya Yɨɨ Mani‑r. Vichi tna ini‑r xa kida‑ia —kuu‑ia.

San Mateo 26:25

Ijan dada xiaꞌan Judas, se n‑kida xa n‑ka tnɨɨ juxtixia Jesús: —Maestru, ¿kuiti mee‑da duꞌa kada ñaꞌa u? Te xiaꞌan‑ia nuu‑s: —Joon.

San Lucas 22:71

Te ka xiaꞌan tnaꞌa‑s: —Ñatu ka ndoñuꞌu‑ro se kixi xa jaꞌan‑s nax kuu kuechi‑s chi mee‑s n‑tekuechi mee‑s. N‑ka teku‑ro vitna.