San Lucas 22:3 - New Testament in Mixtec Diuxi-tilantongo

³ N‑keé Satanás anu Judas, se nani Iscariote, ɨɨn se n‑kuu uxi uu se n‑dakuaꞌa ñaꞌa Jesús.

San Lucas 22:3 Referans Kwoze

San Juan 13:2

Te xá n‑kidatniu kuiꞌna anu Judas Iscariote, daꞌya yɨɨ Simón, xa diko‑s Jesús nuu se kaꞌni koio‑ia. Naꞌa Jesús xa n‑kixi‑ia nde nuu tuu Taa‑ia, te naꞌa‑ia xa nuꞌu‑ia nuu tuu Taa‑ia. Naꞌa‑ia xa n‑kida Taa‑ia xa taxnuni‑ia nuu ntdaa xa io. Nukoo Jesús xiꞌin se dakuaꞌa‑ia xa kaxdini‑ia xiꞌin‑s. N‑ndojuiin Jesús nuu n‑xaxdini‑ia, te n‑dita‑ia daꞌma niꞌna‑ia. N‑tnɨɨ‑ia ɨɨ toalla, te n‑duku niꞌna‑ia dujun kaꞌa‑ia.

San Juan 13:18

ʼÑa jaꞌan‑r xaxeꞌe ntdaa‑n. Xini vaꞌa‑r jundu n‑kaxí‑r. Ɨɨn tnaꞌa mee‑n, kada xa jɨn tnaꞌa xa jaꞌan tnuꞌu Ianyuux, yodotnuni xá n‑kuu kueꞌe kuia: “Se xax kaꞌnu xiꞌin‑r xini uꞌu ñaꞌa.”

Hechos 5:3

Te xiaꞌan Spedru nuu‑s: —Vete‑n, Ananías chi Satanás n‑keé anu‑n xa jaꞌan vete‑n nuu Espíritu Ianyuux. ¿Nakuenda n‑ka ndoo‑n xiꞌin dava tvini n‑ka niꞌi‑n xa n‑diko‑n ñuꞌu‑n?

San Lucas 22:21

Kunaꞌa koio xa se kada xa tnɨɨ ñaꞌa juxtixia, xtuu‑ro xiꞌin‑s nuu mexa yaꞌa.

San Juan 12:6

Duꞌa ña jaꞌan‑s xaxeꞌe xa juini‑s xa chindee‑s ñayiu kundaꞌu. Duꞌa jaꞌan‑s chi ñaduꞌu kuu‑s. Neꞌe mee‑s tvini se dakuaꞌa Jesús, te tnɨɨ‑s davaꞌa nga tvini juini‑s.

San Lucas 6:16

N‑kaxí‑ia Judas, daꞌya yɨɨ Jacobo xiꞌin Judas Iscariote. Judas Iscariote ya kuu se n‑kida xa n‑tnɨɨ juxtixia Jesús.

San Mateo 26:23

N‑jaꞌan‑ia: —Se na dakee ndita xiꞌin‑r tila ɨɨn ni nuu koꞌo, se ijan kada xa tnɨɨ ñaꞌa juxtixia.

San Mateo 4:10

Xiaꞌan Jesús: —Juaꞌan Satanás chi duꞌa yodotnuni tnuꞌu Ianyuux: “Nuu Ianyuux, Ia kuu Xtoꞌo‑ro, njuiin xiti koio. Nakuetu koio te kajan taꞌu koio nuu‑ia. Nuu mee ni‑ia junukuechi koio.”

San Mateo 10:4

Ɨnka‑s nani Simón, se n‑yɨtnaꞌa nuu partido Cananista. Ɨnka‑s nani Judas Iscariote, se n‑kida xa tnɨɨ juxtixia Jesús.