San Lucas 20:6 - New Testament in Mixtec Diuxi-tilantongo

⁶ Nux na juñaꞌa‑ro: “Ñayiu n‑taxtutniu ñaꞌa”, te janñaꞌa ñayiu yuú chi vaꞌa ka jandixa‑i xa tnuꞌu n‑jaꞌan Sua kuu tnuꞌu Ianyuux —kuu‑s, ka xiaꞌan tnaꞌa‑s.

San Lucas 20:6 Referans Kwoze

San Mateo 21:26

Xa maxku ndandita ñayiu xyuku yaꞌa nuu‑ro maxku jaꞌan‑ro nuu‑s xa ñayiu n‑tetutniu Sua, chi ntdantuꞌu ñayiu ka jandixa xa Sua n‑kuu se n‑jaꞌan tnuꞌu Ianyuux nuu ñayiu —kuu‑s, ka xiaꞌan tnaꞌa‑s.

San Mateo 11:9

Se n‑xo jaꞌan tnuꞌu Ianyuux nuu‑n n‑ka xe ndeꞌa‑n. Ndandɨꞌɨ ka Sua dada dava ka se n‑ka xo jaꞌan tnuꞌu Ianyuux nuu ñayiu. Xandaa xakuiti ndandɨꞌɨ ka‑s.

Hechos 5:26

N‑ka xe nukueka ñaꞌa agente taxnuni xiꞌin policía‑s, ko ña tuu nax n‑ka kida ñaꞌa‑s chi n‑ka yuꞌu‑s xa janñaꞌa ñayiu xyuku ijan yuú.

San Juan 10:41

Ijan n‑ka kixee kueꞌe ñayiu, te n‑ka jaꞌan‑i: —Ni ɨɨn milagru ña n‑kida Sua, ko ndaa n‑jaꞌan‑s xaxeꞌe se yaꞌa. Ntdaa xa n‑jaꞌan‑s kuu xandaa.

San Lucas 1:76

Te n‑jaꞌan‑s nuu seluchi jan: Ndoꞌo, seluchi, jaꞌan‑n tnuꞌu Ianyuux, Ia taxnuni ka nuu ñayiu. Kiꞌna ka‑n n‑kixee dada Ia kuu Xtoꞌo‑ro xa kada tuꞌa‑n ñayiu xa na xe ini‑i‑ia.

San Marcos 12:12

Te se n‑ka teku nax n‑jaꞌan Jesús, n‑ka juini‑s xa tnɨɨ‑s‑ia, ko n‑ka yuꞌu‑s nuu kueꞌe xa kueꞌe ñayiu xyuku ijan. Chi vaꞌa n‑ka kutnuni ini‑s xa n‑jaꞌan‑ia tnuꞌu yaꞌa xaxeꞌe mee‑s. N‑ka dandoo‑s‑ia, te juaꞌan‑s.

San Mateo 26:5

Ko n‑ka xiaꞌan tnaꞌa‑s: —Maxku duꞌa kada‑ro kɨu kuu viko Paxcua na ñaꞌa ndandita ñayiu nuu‑ro.

San Mateo 21:46

Te n‑ka nduku ini‑s xa tnɨɨ‑s‑ia te kandeka‑s‑ia jɨꞌɨn nuu juxtixia xa tekuechi neñuu‑s‑ia, ko n‑ka yuꞌu‑s nuu ñayiu xyuku ijan chi ka jandixa‑i xa tnuꞌu Ianyuux jaꞌan‑ia.

San Mateo 14:5

N‑kuu Herodes xa kaꞌni‑s Sua, ko n‑yuꞌu‑s xa ndandita koio ñayiu distrito ijan, chi ka xini‑i xa Sua n‑kuu se jaꞌan tnuꞌu Ianyuux nuu ñayiu.

San Lucas 7:30

Ko se fariseu xiꞌin se ka tuꞌa vaꞌa tnuꞌu n‑chidotnuni Moisés, ña n‑ka kida‑s xa n‑ñu ini Ianyuux xa kada‑s, ni ña n‑ka xeꞌen‑s xa dajuendute ñaꞌa Sua.

San Lucas 20:5

Te n‑ka ndatnuꞌu‑s. Ka xiaꞌan tnaꞌa‑s: —Nux na juñaꞌa‑ro: “Ianyuux n‑tetutniu ñaꞌa”, te kachi‑s nuu‑ro: “¿Nakuenda ña n‑ka jandixa‑n‑sɨ?”

San Lucas 20:7

Te ka xiaꞌan‑s nuu‑ia xa ña ka xini‑s jundu n‑tetutniu Sua.